Даниил 9:19 - Библи

¹⁹ Эзэмнай, маанадые шагныт! Эзэмнай, хүлисыт! Эзэмнай, анхарыт! Энэ болбол Танай нэрэ зүүгшэ хото, мүн Танай арад түмэн, тиимэһээ Өөрын нэрэ хүндые хаража, гуйлтыемнай дүүргыт, бү удаарыт!

Даниил 9:19 Referencias Cruzadas

2 Угай бэшэг 6:21

Минии болон Өөрын арад түмэн Израилиин энэ газарта зальбаржа гуйжа байхада, огторгойдо оршогшо газарһаа маанадые анхаржа, нүгэлымнай хүлисэжэ хайрлыт!

2 Угай бэшэг 6:39

оршодог газарһаа – огторгойн уудамһаа тэдэнэй зальбарал гуйлта дуулажа, тэдээндэ туһалыт! Хэды ехэ нүгэл хээшье һаань, арад түмэнөө хүлисыт.

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Ерэмияа 14:7

Арад зомни Намда хандан ори дуун болоно: «Гэм зэмымнай урдамнай байгаашье хадань, Эзэн, нэрээ хаража, найдуулһанайнгаа ёһоор бидэндэ туһалыт. Бидэ Танда оло дахин урбаабди, урдаһаатнай нүгэл үйлэдөөбди.

Ерэмияа 14:9

Юундэ Та тээлмэрдэһэн хүн мэтэ, абаржа шадахагүй баатар мэтэ болоод байнабта? Гэбэшье Та бидэнтэй хамтат, бидэ Танай арадбди, маанадые бү орхиит!»

Ерэмияа 25:29

Өөрын хото соо гай тодхор үйлэдэжэ эхилхэдэмни тэдэ хэһээлтэ амасангүй үлэхэ гэжэ гү? Үгы. Тэдэ хэһээгдэхэ, юуб гэхэдэ, дэлхэйн бүхы улад зоной урдаһаа Би дайн дажар эльгээхэм. Энэ болбол Би, Түмэн Сэрэгтэ Эзэн, айладхана мүн!

Эзэкээл 20:14

Гэбэшье Израилиин улад зониие Египедһээ гарган абаашажа байһыем хараһан үндэһэ яһатадай урда Нэрэеэ гутаахагүйн тула Би тиимэ юумэ хээгүйб.

Эзэкээл 20:22

Гэбэшье тиибэгүйб. Египедһээ Израилиин улад зониие гарган хүтэлжэ ябаашыем хаража байһан үндэһэ яһатадай урда нэрэ хүндэеэ бузарлахагүйн тула Би бэеэ баряа һэм.

Эзэкээл 20:9

Теэд Би тиибэгүйб, юуб гэхэдэ, тэдэнэй хажуугаар тиихэдэ ажаһуугааша үндэһэ яһатадай дуулаһаар байтар Израилиие Египет орон нютагһаа гаргахаб гэжэ соносхоо бэлэйб. Нэрэеэ гутаахагүйн тула Би тиимэ юумэ үйлэдэбэгүйб.

Эзэкээл 36:22

Израилиин улад зондо иигэжэ дуулга: таанадай түлөө бэшэ, ошоһон арад бүхэнэйнгөө урда танай бузарлагша Өөрынгөө нэрэ хүндын түлөө Би нэгэ хэрэг үйлэдэхэм.

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Даниил 9:18

Бурхамнай, шагныт, Танай нэрээр нэрлэгдэһэн хотын хэр хооһороод байһые харыт! Бидэ Танда гуйжа хандахадаа өөрын үнэн зүб байһанда түшэглэнэ бэшэбди, харин Танай агууехэ энэрэл хайрада найданабди!

Амоос 7:2

Таршаа шумуул дэлхэйн бүхы ургамал эдижэ һалгаахадань, би иигэжэ зальбарааб: «Эзэн Бурхан, үршөөгыт! Яковай үри һадаһан амиды мэндэ үлэхэ гээшэ гү? Тэдэ угаа үсөөн шуу».

Тоололго 14:19

Египедһээ энэ хүрэтэр ерэтэрнь тэдэниие хүлисэдэгтэл адляар энэ арадтаа агууехэ үршөөл хайраяа үзүүлэн, эдэнэй хэһэн нүгэлые хүлисыт!

Тоололго 6:27

Эзэн үшөө иигэжэ нэмэбэ: – Мүнөөдөө Аһароон хүбүүдтэеэ хамта Минии нэрэһээ иигэжэ израильшуудые үреэг лэ! Би тэдэниие үреэнэб!

Лука 11:8

Тиигээд тэрэ нүхэртнай һэшхэлээрээ боложо, хилээмэ үгөөгүйшье һаа, эреэд һалахагүйдэтнай бодожо, эреэшыетнай дууһан үгэхэ баатай болохо гэжэ таанадта хэлэхэ байнаб.

Хэрэгүүд 15:17

Тиихэдэ Минии хүнүүд болохоор дуудуулһан бусад яһатан болон ондоошье улад зон Эзэниие бэдэрхэ. Эртэ урда сагһаа энээн тухай дуулгаһан Эзэн иигэжэ хэлэнэ».

Эфесэйхиндэ 1:12

Христоосто найдаһан түрүүшын хүнүүдэй дунда байһан хадаа Тэрэнээр алдаршуулжа байял!

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.