Даниил 9:12 - Библи

¹² Огторгой доро үзэгдөө-харагдаагүй, харин мүнөө Иерусалимтай тохёолдогшо тэрэ ехэ гай тодхор маанад дээрэ буулгажа, маанад болон удамаршад тушаамнай айладхалаа тэрэ бэелүүлээл.

Даниил 9:12 Referencias Cruzadas

3 Хаан түрэнүүд 3:9

Һайн муу хоёрые илгаруулан ойлгохо, арад зонииетнай шүүхэ сэсэн ухаа Та намда үршөөгыт. Намһаа бэшэ хэн Танай тоо томшоггүй арад зониие зонхилжо шадахаб? – гэжэ хандаба.

4 Хаан түрэнүүд 22:16

«Удахагүй, тон һаядаа Би энэ хотодо, тэндэхи хүнүүдтэ гай тодхор эльгээхэб. Иудын хаанай уншаһан ном соохи бэшэлгэ бүхыдөө бэелүүлэгдэхэ.

Иоов 12:17

Түшэмэл ноёдые гар хооһоор ябуулжа, шүүгшэдэй мунхагые харуулан тушаалһаань үлдэжэ болохо.

Псалманууд 148:11

Дэлхэйн хаашуул, бүхы арадууд, түшэмэл ноёд, дэлхэйн бүхы заргашад,

Псалманууд 2:10

Тиимэһээ, хаашуул, ухаалиг байгты, дэлхэйн удамаршад, һургаал абагты!

Һургаал 8:16

Тайжанар болон изагууртан, хэрэг шүүгшэ бүхы зон минии ашаар ударидаг.

Исай 43:28

Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Ерэмияа 32:23

Теэд тэдэ энэ газарта ерэхэдээ, Танай захяануудые сахибагүй. Тиимэһээ Та тэдээндэ гай тодхор татабат.

Ерэмияа 39:16

эфиоп хүн Эбэдмээлэхтэ иигэжэ хэлэхыемни захираа: – Би, Түмэн Сэрэгтэ Эзэн, Израилиин Бурхан, энэ хотодо гай тодхор татахаб гэжэ хэлээшэеэ бэелүүлхэм. Ши тэрэниие харахаш.

Ерэмияа 44:23

Энэ гай тодхор танай гэм зэмэһээ болоо: таанад хариин бурхадта үргэл үргэжэ эхилээт, Эзэнэй үгэ дуулаагүйт, нүгэл урдань хээт.

Гашуудал 1:12

Аянай зон, таанар хажуугаар үнгэрөөшье һаа, харыта, анхарыта: намтай тушаалдаһан зоболондол адли зоболон бии юм аал? Уур хилэнгээр дүрэлзэһэн үдэртөө Эзэн намда тэрэниие эльгээ!

Гашуудал 2:13

Иерусалим! Шамда юу гэжэ хэлэхэбиб, юунтэй жэшээлхэбиб? Сионой басаган, шамайе юунтэй сасуулха, яажа һатааруулхабиб? Гай зоболоншни тэнгис далайдал хизааргүй. Хэн шамайе аргалжа шадахаб?

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Гашуудал 4:6

Минии арад түмэн! Шинии хэһээлтэ Содомой хэһээлтэһээ хүндэ. Содом агшам зуура саг соо хүмэреэ бэлэй, хүнэй гарһаа бэшэ.

Эзэкээл 13:6

Тэдэ худал хуурмагаар үзэл хараабди гэжэ, Минии, Эзэнэй, тэдэниие эльгээгээгүй байхада «Эзэн тунхаглажа байна» гэжэ хэлэжэ, худалаар лүндэн табина. Тиигээд тэдэ өөһэдын үгэнүүдые бэелхэ гээд зониие дэмы найдуулна.

Эзэкээл 5:9

Бүхы жэгшүүритэй үйлэ хэрэгүүдэйтнай түлөө Би энэ болотор хээгүй, дахин бэшэ хэхэшьегүй муу юумэ таанадта хэхэб.

Даниил 12:1

Тэрэ үедэ арадайтнай аршалагша сахюусан Михаээл заларан бии болохо. Хүн түрэлтэнэй үдэжэ эхилһэн сагһаа хойшо харагдаа-үзэгдөөгүй хүндэ үе тиихэдэ тохёолдохо. Харин Бурханай ном соо бэшээтэй танай арадай бүхы зон абарагдаха.

Ёһээл 2:2

Тэрэ бүрхэг харанхы үдэр уулын оройгоор үүрэй туяагай сасарһан мэтэ амаргүй олон ба агуу хүсэтэй арад түмэн таража байна. Тэрээнтэй тэнсэхэ юумэн урданшье байгаагүй, хойшодоошье олон үедэ байхагүй.

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.

Захарияа 1:8

– Энэ һүни үзэгдэл харабаб: миртын һөөгүүдэй дунда хонхосог соо зээрдэ мори унаһан хүн зогсоно, ара тээнь зээрдэ, алаг, сагаан морид байна.

Захарияа 7:12

Тэдэ зүрхэ сэдьхэлээ шулуун хатуу болгоһон ушарһаа Түмэн Сэрэгтэ Эзэнэй Өөрын Һүлдөөр эртын эшэ үзүүлэгшэ лүндэншэдөөр дамжуулһан хуули заабари болон үгэнүүдые дуулаагүй. Тиихэдэнь Түмэн Сэрэгтэ Эзэнэй айхабтар ехэ уур хилэнсэг хүдэлбэ.

Матвей 24:21

Юундэб гэхэдэ, тэрэ үдэрнүүдтэ газар дэлхэйн бүтээгдэхэһээ нааша мүнөөнэй үе саг болотор үзэгдөөгүй, дахинаашье үзэгдэхэгүй аймшагтай гай зоболон болохо.

Матвей 5:18

Газар тэнгэри хоёрой байгаал сагта, Хуулиин багаханшье зүйл, бишыханшье үзэгынь үгы болохогүй гэжэ таанадта баталан хэлэнэб. Досоонь бэшээтэй бүхы юумэнүүд заабол бэелхэ зэргэтэй юм.

Марк 13:19

Газар дэлхэй Бурханай зохёон бүтээхэһээ нааша мүнөөнэй үе саг болотор үзэгдөөгүй, дахинаашье үзэгдэхэгүй аймшагтай гай зоболон болохо.

Лука 21:22

Юундэб гэхэдэ, Нангин Бэшэг соо хэлэгдэһэн ёһоор тэрэ «Хэһээлтын үдэрнүүд» байха юм.

Римэйхиндэ 15:8

Бурханай үбгэ эсэгэнэртэ үгэһэн найдуулгын бүтэһые харуулан, Христоос еврейнүүдэй зарасань болон ерээ гэжэ би хэлэнэб.