Даниил 8:4 - Библи

⁴ Тэрэ хусын баруун, хойто, урда зүгүүдые эбэрээрээ мүргэжэ байһые харабаб, амиды хэншье урдаһаань тулажа, бэеэ абаржа шаданагүй, зоргоороо тэрэ юумэ хэжэ, бүри хүсэтэй боложол байба.

Даниил 8:4 Referencias Cruzadas

3 Хаан түрэнүүд 22:11

Хэнаанаагай хүбүүн Цэдэкиия өөртөө түмэр эбэрнүүдые хэжэ, иигэжэ соносхобо: – Эзэн мүн айладхана: Араамай улад зониие иимэ эбэрнүүдээр мүргэжэ, дууһан хюдахаш.

Иоов 10:7

Иихэдээ эгээлэй хүнүүдтэ адляар намда хандахадаа хамагые хаража байдаг Бурхан бэшэ болоно гүт? Буруугүй болохыем Та мэдэнэт. Танай мутарһаа хэн намайе һалгажа шадахаб? Хэншье һалгажа шадахагүй.

Псалманууд 44:5

Үнэн зүбэй, номхоной, зүб шударгын түлөө мордожо, урагшаа соёрыш! Гаршни илалта туйлахал!

Псалманууд 7:2

Эзэн Бурхамни! Тандаал найдажа байнаб! мүрдэн намнагшадһаа намайе абарыт, аршалыт!

Эзэкээл 34:21

Хүсэ шадалтай хонид, таанад эбэрээрээ мүргэн, тэнхээгүй хонидые үлдэнэт.

Даниил 11:16

Ерэгшэ хойто зүгэй хаан зоргоороо хэрэг үйлэдэхэ, хэншье тэрээндэ эсэргүүсэжэ шадахагүй. Нангин газар дээрэ тэрэ үргөөгөө табижа, дууһан эзэмдэн байха.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Даниил 5:19

Тэрэнэй үгэһэн һүр жабхалангай урда бүхы арадууд, обогууд, бүлээлингүүд шэшэрэн-айн байгаа бэлэй. Хаан һанаһаараа хүниие саазалжа, амиды үлөөжэ, дээшэнь дэбжүүлжэ, доошонь буулгажа байгаа.

Даниил 5:30

Тэрэл һүни халдейшүүдэй хаан Бэлшаццаар алуулаа бэлэй.

Даниил 7:5

Хоёрдохи амитан хойто хүлнүүд дээрээ зогсоод байһан баабгайдал адли һэн. Амандань, шүдэнүүдэйнь хоорондуур гурбан яһан харагдаа бэлэй. «Добтолжо, зоргоороо мяха эди!» гэжэ тэрээндэ хэлэгдээ һэн.

Даниил 8:7

дүтэ болоходоо бүри сухалдажа, хусые мүргэн, хоёр эбэрынь хухалжархиба. Хуса тэрээндэ эсэргүүсэхэ хүсэгүй бэлэй. Тиимэһээ тэрэ хусые газарта унагаан, дэбһэбэ. Хусые абарха хэншье олдоогүй һэн.

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Хуули дабталга 33:17

Иосиф – бухын түрүүшын түл! Зэрлиг үхэрэй эбэртэл адли эбэртэй, тэдэ эбэрынь гэбэл, Эпрааимай үри һадаһад, Мэнашшээ гэгшын хэдэн мянгаад уг удам юм. Тэдэ эбэрнүүдээрээ ондоо арадуудые мүргэжэ, газарай заха руу түринэл!»