Даниил 8:19 - Библи

¹⁹ Тиигээд иигэжэ айладхаба: – Һүүлшын саг хугасаа соо, уур хилэнгэй үдэрнүүдтэ, эсэстэ юун болохоб гэжэ шамда харуулхам.

Даниил 8:19 Referencias Cruzadas

Псалманууд 102:13

Эсэгын хүүгэдээ хайрладагтал адли Тэрэ Өөрһөөнь түбэгшөөдэг зониие хайрладаг.

Даниил 11:27

Хоёр хаашуул нэгэ шэрээгэй саана һуужа, хөөрэлдэбэшье, сэдьхэлдээ хүн бүхэниинь нүгөөдын урдаһаа хара һанаа һанажа, худал хэлэжэ байхадаа, һанаһанаа хэнииньшье абахагүй. Иимэ саг үшөөл ерээдүй байна бшуу.

Даниил 12:4

Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.

Даниил 8:23

Хааншалалгынь эсэстэ гэмтэ ябадал угаа дэлгэрхэ. Тиихэдэ эшэхэ нюургүй, угаа муу һанаатай хаан элирэн гараха.

Аввакуум 2:3

Тогтоогдоһон саг тушаа үзэгдэл юм. Теэд тэрэнэй удаараашье һаань, хүлеэгөөрэй, заабол бэелдэхэ. Тэрэ болюулагдахагүй, заабол ерэхэ.

Лука 21:23

Тэдэ үдэрнүүдтэ хээлитэй, хүхөөр үхибүүдтэй эхэнэрнүүдтэ ехэл гай зоболон тудаха. Газар дэлхэй дээрэ хаа-хаанагүй хүнүүд гайтайгаар зобохо, аймшагтай хэһээлтэдэ орохо.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 10:7

Теэд долоодохи Эльгээмэлэй бүреэгээ дуугаргахадань, Бурханай нюуса түсэб бүрин бэелүүлэгдэхэ. Бурхан энэ түсэб тухай Өөрынгөө зарасанар-лүндэншэдтэ урид мэдээсэһэн байгаа».

Гэршэлгэ 11:18

Бусад арадууд уур сухалаа хүрэбэ, баһа Ташье уур сухалаа хүрэбэт – үхэһэн хүнүүдые шүүбэрилхэ сагтнай, Танай зарасанар-лүндэншэдтэ, Танай арюун нангин арадта, Танай алдар нэрые хүндэлдэг юрыншье, засаг баридагшье хүнүүдтэ шагнал хайра үршөөхэ сагтнай, газар дайда усадхан хосороогшодые үгы хэхэ сагтнай хүрэжэ ерэбэ.

Гэршэлгэ 15:1

Удаань баһа нэгэ аргагүй ехэ, гайхамшаг дүлгэ тэмдэг: һүүлшын долоон гай аюултай долоон Эльгээмэлнүүдые тэнгэри дээрэ харабаб. Юундэ һүүлшын гай аюул юм гэбэл, Бурханай уур сухалынь эдэнээр түгэсөө.

Гэршэлгэ 17:17

Юундэб гэбэл, Бурхан номнол үгэнүүдыень бэелүүлэгдэтэр табиһан зорилгыень бэелүүлхэ хүсэл арбан хаануудай зүрхэ сэдьхэлдэ хадуун оруулаа. Бурханай хүсэл иимэ: тэдэ хаанууд хоорондоо зүбшөөд, хаанай засаг түрые арьяатанда үгэхэ.