Даниил 8:15 - Библи

¹⁵ Энэ үзэгдэл харахадаа би, Даниил, удхыень ойлгохоёо һанаа бэлэйб. Тиихэдэм хүндэл адли хэн нэгэн урдамни бии болобо.

Даниил 8:15 Referencias Cruzadas

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Даниил 10:16

Хүн шэнги дүрсэтэй хэн нэгэн минии уралда хүрэбэ. Тиихэдэнь би дуугаржа шадаха боложо, урдамни зогсоошо тэрээндэ хандан: – Эзэмни! Үзэгдэл үзэхэдөө намда угаа үбшэнтэй, ямаршье тэнхээ тамиргүй болоо һэм.

Даниил 10:18

Тиихэдэм хүнэй дүрэтэй хэн нэгэн намда дахин хүрэжэ, намайе шадалтай болгобо.

Даниил 10:5

Харахадам, улһан хубсаһа үмдэнхэй, Упаазай шэжэр алтан бүһэ бүһэлэнхэй нэгэ хүн зогсожо байба.

Даниил 12:8

Би энээниие дуулабашье, ойлгобогүйб. Тиимэһээ: – Эзэмни, энэ бүгэдын удаа юун болохо гээшэб? – гэжэ асуубаб.

Даниил 7:13

Һүниин үзэгдэлнүүд соогоо би мүн лэ иимэ юумэ харааб: тэнгэриин үүлэнүүдтэй хамта хүн түрэлхитэнэй хүбүүндэл адли хэншьеб ябажа, дүтэлхэдэнь, Үндэр наһатайда тэрэниие асарба.

Даниил 7:28

Эндэ хөөрөөн түгэсэнэ. Би, Даниил, угаа һүрдэжэ, шэгни хубилан байгаа һэн. Эдэ бүгэдые сэдьхэлдээ хадуун абаа бэлэйб.

Даниил 8:1

Бэлшаццаар хаанай гурбадахи жэлээ зонхилжо байһан сагта би, Даниил, урид хараһанда үзэгдэлдөө нэмэлтэ үшөө нэгэ үзэгдэл үзэн харабаб.

Даниил 8:19

Тиигээд иигэжэ айладхаба: – Һүүлшын саг хугасаа соо, уур хилэнгэй үдэрнүүдтэ, эсэстэ юун болохоб гэжэ шамда харуулхам.

Захарияа 1:9

«Эдэ юун морид гээшэб?» гэжэ би асуубаб. Намтай хөөрэлдэжэ байһан Эльгээмэл: «Эдэнэй юу хэжэ байһые би шамда харуулхаб» – гэбэ.

Матвей 13:36

Иисүүсэй улад зониие табяад, гэртэ ороходонь, тэрээндэ шабинарынь дүтэлжэ: – Таряалан дээрэхи буртаг үбһэн тухай һургаалта үгын удха манда тайлбарилжа үгыт, – гэбэ.

Матвей 24:15

– Даниил лүндэншын хэлэһэнэй ёһоор, нэгэтэ нангин газарта хооһоролго һүйдхэлдэ хүргэдэг «жэрхэштэй юумэнэй» байхые үзэхэт. Эдэ мүрнүүдые уншажа байһан хүн бүхэн ушар удхыень ойлгохыень хэшээг лэ.

Матвей 24:30

Тиихэдэ тэнгэридэ Хүн түрэлхитэнэй Хүбүүнэй бэлгэ тэмдэг үзэгдэхэ. Тэрэ сагта газар дэлхэйн бүхы угсаатан Хүн түрэлхитэнэй Хүбүүнэй тэнгэриин үүлэн дээрэ тамаран, агуу хүсэтэйгөөр, алдар солотойгоор буужа ерэхые харахадаа бархиралдаха.

Марк 13:14

– Нэгэтэ таанад тиимэ юумэнэй байха ёһогүй газарта хооһоролго һүйдхэлдэ хүргэдэг «жэрхэдэһэтэй юумэнэй» байхые үзэхэт. Эдэ мүрнүүдые уншажа байһан хүн бүхэн ушар удхыень ойлгохые хэшээг лэ. Тиихэдэ Иудейдэ байһан хүнүүд хада гүбээ руу тэрьедээрэйгты. Уншажа байһан хүн бүхэн энээниие зүбөөр ойлгохые оролдохо ёһотой. Тиихэ үедэ Иудейдэ ажаһуудаг һаа, хада гүбээнүүд өөдэ гүйжэ гара.

Марк 4:12

Тиимэһээ: «Тэдэнэр хараба, шэртэбэшье, юумэ обёорхогүй. Тэдэнэр сонособо, шагнабашье, юумэ ойлгохогүй. Хэрбээ юумэ обёордог, ойлгодог һаа, тэдэ Бурханда хандаха байгаа, харин Бурхан тэдэниие хүлисэхэ һэн».

Нүүнэй Иисүүс 5:14

– Би Эзэнэй сэрэгшэдэй ударидагшаб, мүнөө эндэ ерээб, – гэжэ тэрэнь хэлээ. Иисүүс урдань һүгэдэн газарта унаад: – Минии эзэн ноён богоолдоо юу хэлэхэб? – гээ.

Гэршэлгэ 1:13

Долоон дэнгүүдэй дундань Хүн түрэлхитэнэй Хүбүүнтэй адлирхуу Хүнэй зогсохые харааб. Тэрэ болбол уужам ута хубсаһатай, сээжээрээ бооһон алтан бэһэтэй һэн.

Гэршэлгэ 13:18

Иихэдээ мэргэн бодолтой ябахые уряална: ухаансар хүниинь арьяатанай тоое бодожо гаргаг лэ. Энэ тоонь, хүнэйхидэл адли, зургаан зуун жаран зургаа юм.