Даниил 7:25 - Библи

²⁵ Дээдын дээдэ Бурханай урдаһаа һөөргэдэн тэрэ үгэ хэлэдэг болохо, Тэрэнэй гэгээшүүлые харшалха, һайндэрнүүдые, Хуули ёһые үгы хэхэеэ һэдэхэ. Гэгээшүүл тэрэнэй мэдэл доро нэгэ сагай, хоёр сагай, хахад сагай хугасаанууд соо байха.

Даниил 7:25 Referencias Cruzadas

Исай 37:23

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

Даниил 11:28

Хойто зүгэй хаан баян гэгшын олзотой гэртээ хариха замдаа нангин хэлсээнэй шажан мүргэл үгы хэхэ гэжэ һанаад, хэрэг үйлэдэхэ, удаань гэртээ бусаха.

Даниил 12:7

Голой урасхал өөдэ байгааша, улһан хубсаһа үмдөөшэ тэрэ нэгэн хоёр гараа тэнгэри өөдэ һунгаад, иигэжэ хэлэбэ: – Хэтэ мүнхын Бурханай нэрээр тангаригланаб: гурбан жэлэй үнгэрхэдэ, нангин арад түмэнэй хүсэ шадалай дууһахада энэ дүүрэхэ.

Даниил 2:21

Үе сагуудые, жэлэй дүрбэн саг Тэрэ һэлгэдэг, хаашуулые хан шэрээһээнь буулгадаг, табидаг, сэсэн мэргэн ухаа ухаатайшуулда, боро ухаа һүбэлгэн зондо үгэдэг.

Даниил 3:26

Тиигээд тэрэ аһажа байгша пеэшэнэй амһартада дүтэлөөд: – Шадраах! Мэшаах! Абээд-Нэгоо! Дээдэ Бурханай богоолнууд! Гарагты тэндэһээ! – гэбэ. Тиихэдэнь Шадраах, Мэшаах болон Абээд-Нэгоо гал дүлэн сооһоо гараба.

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 4:2

Теэд нэгэ зүүдэ хаража, һүрдэн сошобоб; унтажа байхадаа хараһан зүйлни намайе айлгаба.

Даниил 4:25

Навуходоносор хаантай эдэ бүгэдэ үнэхөөрөө тохёолдоо бэлэй.

Даниил 4:32

Газар дэлхэй дээрэ амидарагшад юуншье бэшэ. Өөрын һанаһаар лэ Тэрэ огторгойн сэрэгтэй, газарай зонтой юумэ хэхэ. Хэншье гартань һөөргэдэжэ шадахагүй, «Яанабта?!» гэжэ хэлэхэгүй.

Даниил 7:18

Харин удаань хан түрэ Дээдын дээдэ Бурханай гэгээшүүлдэ үгтэхэ. Иигэжэ тэдэ хэтэ мүнхэдөө зонхилон байха.

Даниил 7:8

Минии хараһаар байтар тэдэ эбэрнүүдэй хажуугаар нэгэ багахан эбэр ургажа, хуушан гурбан эбэр ходоро татагдажа, һуурииень тэрэ шэнэ эбэр эзэлбэ. Тэрэ эбэр хүндэл адли нюдэтэй, дээрэлхүүгээр дуугарагша аматай бэлэй.

Даниил 8:11

Түмэн сэрэгэй удамарша хүрэтэршье тэрэ тобойн үндыжэ, үдэр бүриин үргэлыень болюулба, нангин газарыень бузарлаба.

Даниил 8:14

Тэрэнь иигэжэ харюусаба: – Хоёр мянган гурбан зуун үдэшэ, үглөө. Удаань нангин газар дахин һэргээгдэхэ.

Даниил 8:9

Нэгэ эбэр дээрэнь үшөө нэгэ эбэрхэн бии боложо, урга ургаһаар урда, хойто, мүн Алдар солын орон нютаг руу һархайн бодобо.

Даниил 9:27

Тэрэ олонтой нэгэ долоон хоногой туршада хэлсээ баталха. Удаань хахад долоон хоногой һүүлээр мяхан болон талхан үргэл болюулха. Һандаргаашын эсэс болотор жэгшүүритэ муухай һандарал, хооһорол үргэлжэлхэ. Тэрэнэй эсэсынь урид тодорхойлогдоһон бэлэй.

Һошээ 7:16

Тэдэ Намһаа бүри холодоо. Гажанхай һурша номдол ямаршье аша туһагүй тэдэ болоо. Дээрэлхүү үгэнүүдые хэлэһэндээ удамаршадынь һэлмээр сабшагдан хосорхо. Тиихэдэнь Египедэй зон тэдэниие наадалан энеэлдэхэ.

Фессалоникиинхидтэ 2-дохи 2:3

Таанадые хэншье, ямаршье аргаар бү мэхэлэг. Бурханда эсэргүүсэһэн һүүлшын үймөөнэй болотор, һүйдхэл асардаг харата хүнэй элиртэр тэрэ Үдэр ерэхэгүй.

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.

Фессалоникиинхидтэ 2-дохи 2:8

Тиигээд Бурханай дайсан элирхэ, харин Эзэн Иисүүс ерэхэдээ, тэрэниие аманайнгаа амисхалаар алаха, Өөрынгөө һаргама ялагар байдалаар тэрэниие һүнөөхэ.

Гэршэлгэ 12:14

Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.

Гэршэлгэ 12:6

Харин эхэнэр сүл губи руу тэрьелжэ ошобо. Тэндэ эхэнэрэй байха байрые Бурхан түхеэрээ һэн. Мянга хоёр зуун жаран үдэрэй турша соо тэрэ байрадань эхэнэрые харууһалжа байха.

Гэршэлгэ 14:12

Бурханай табисуурта зон, Бурханай захяа заабари сахижа, Иисүүстэ үнэн сэхэ ябадаг хүнүүд тэсэбэритэй шанга байха ёһотой гэжэ эдэ үгэнүүдһээ элирнэ бшуу!

Гэршэлгэ 16:6

Тэдэнэр Бурханай арадай, лүндэншэдэй улаан шуһа адхаруулаа, тиихэдэнь Та тэдэндэ шуһа уулгажа, тэдэнэй гэмые зүб амсуулаат!

Гэршэлгэ 17:6

Бурханай арад зоной шуһа, Иисүүсэй гэршэнэрэй шуһа уугаад, тэрэ эхэнэрэй һогтошоод байхые харахадаа, гайхахын ехээр гайхабаб.

Гэршэлгэ 18:24

Бурханай хүнүүдэй, лүндэншэдэй, газар дэлхэйдэ амидаржа ябахадаа алуулһан зоной шуһа адхарһанда энэ хото зэмэтэй!»