Даниил 6:26 - Библи

²⁶ Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Даниил 6:26 Referencias Cruzadas

Эзраа 1:3

Эзэн Бурханай арад зонһоо хэн байнаб, тэдэ Иудын газарта, Иерусалим хото ошожо, Израилиин Эзэн Бурханай һүмын барилгада хабаадалсаг. Бурханиинь тэдээнтэй хамта байхань болтогой!

Эзраа 7:21

Евфрадһаа баруулжаа можодохи баялигуудые хадагалдаг зондо би, Артагсээрэгс хаан, иимэ зарлиг үгэнэб: огторгойн Бурханай хуули һургаал заадаг багша, санаартан Эзраа танһаа юу эринэб, эриһэн юумыень бултынь түргэн үгэгты:

Псалманууд 146:10

Тэрэ мориной хүсэ шадал харадаггүй, хүнэй хүлэй хурданииешье сэгнэдэггүй,

Псалманууд 2:11

Айжа, Эзэндэ алба хэгты. Шэшэрэн баясан байгты.

Псалманууд 29:10

Хүүр руу минии уруудабал, шуһандам ямар ашаг үрэ байхаб?! Хүүрэй тооһо шорой Таниие магтаха аал, Танай үнэниие тунхаглаха аал?!

Псалманууд 42:2

Та хадаа минии Бурхан, минии хүсэ шадал мүн! Юундэ Та намайе орхёобта? Юундэ би дайсанай доромжололһоо боложо гашуудан голхорон ябанабиб?

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Даниил 3:29

Тиимэһээ ямар нэгэн арадай, обогой, бүлээлингэй хэн нэгэн Шадраахай, Мэшаахай, Абээд-Нэгоогой Бурхан тушаа баһан дуугарбал, хэһэг болгон сабшагдаха, гэр байрань һандаргаагдаха. Энэ Бурхандал адли абарха ондоо бурхан байхагүй, – гэжэ тунхаглаба.

Даниил 4:3

Зүүдыем тайлбарилхыень Вавилооной бүхы сэсэн мэргэшүүлые урдамни асарха тухай захирбаб.

Даниил 4:34

Мүнөө хадаа би, Навуходоносор хаан, Хаан Тэнгэридэ алдар соло түүрээнэб, нэрэ хүндынь дээрэ үргэнэб, магтан дууланаб: Хэһэн хэрэгынь үнэн, ябадалынь үнэн шударгы. Бардам зониие Тэрэл номгоруулха шадалтай.

Даниил 6:20

Нүхэндэ дүтэлхэдөө тэрэ сошон-мэгдэн иигэжэ Даниилые дуудаба: – Амиды Бурханай богоол болохо Даниил! Саг үргэлжэ зальбардаг Бурханшни шамайе арсалануудһаа абаржа шадаа гээшэ гү?!

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Малаахи 3:6

«Юуб гэхэдэ, хубилдаггүй Эзэнби, тиимэһээ Яковай хүбүүд һүнэхэгүй.

Матвей 6:13

Горидолго хорхойтуулгада маниие бү оруулыт даа, муу мэхэтэй шолмосһоо аршалжа байгыт даа! Хаан түрэ, хүсэ шадал, алдар соло мүнхэдөө Танай ха юм. Болтогой!

Лука 1:33

Тиигэжэ Тэрэ Яковай үри һадаһадые хэтын хэтэдэ захирха, Тэрэнэй хаан түрэ хэзээш һүнэхэгүй, – гэжэ Эльгээмэл хэлэбэ.

Лука 12:5

Зүгөөр хэнһээ айжа байхыетнай таанадтаа заажа үгэһүү: хүнэй ами һүнөөгөөд, һүнэһыень гал тамада хаяха эрхэ засагтай Бурханһаал айгты. Үнэхөөрөө, гансал Бурханһаа айжа байха ёһотойт!

Хэрэгүүд 17:25

Хүнэй ямаршье туһаламжа Бурханда хэрэггүй. Тэрэ Өөрөө амитай бүхы юумэндэ ами наһа, амисхал, бүгэдые үгэнэ.

Римэйхиндэ 9:26

«Таанад Минии арад бэшэт гэжэ хэлэгдэһэн эгээл тэрэ һууринда тэдэнэр Амиды Бурханай үхибүүд гэжэ нэрлүүлхэ».

Хуули дабталга 5:26

Гал дүлэн сооһоо дуугаржа байһан амиды Бурханай хоолойе бидэндэл адли дуулажа, амиды мэндэ үлэһэн амитан бии юм аал?

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 4:10

хорин дүрбэн ахамадууд хаан шэрээ дээрэ Һуугаашын урда тээ унан һүгэдэн мүргэхэ, хэтэ мүнхэ Амидарагшын урда доро дохин мүргэхэ, тиин хаан шэрээгэйнь урда титим малгайнуудаа табяад, иигэжэ хэлэхэ:

Гэршэлгэ 5:14

Дүрбэн амитадынь: – Болтогой! – гэбэд. Ахамадуудынь газарта дохин унажа, һүгэдэн мүргэбэ.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:36

Танай богоол болохо би арсалан, баабгайн али алинииньшье алаһан байхаб. Тэрэ бэлгэеэ отолуулаагүй пилишт хүндэ амиды Бурханай сэрэгые доромжолһонойнь түлөө тэдээндэл адли юумэн болохо, – гэбэ.