Даниил 5:23 - Библи

²³ Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Даниил 5:23 Referencias Cruzadas

Эхин 14:19

иигэжэ үреэбэ: – Огторгой дэлхэй хоёрые бүтээһэн Дээдэ Бурхан таниие үреэхэнь болтогой!

Эхин 2:7

Тиигээд Эзэн Бурхан хүниие газарай шоройһоо бии болгожо, хамар руунь амидаралай амисхал үлеэжэ оруулба. Хүн амитан боложо амидырба.

4 Хаан түрэнүүд 14:10

Эдоомые диилэһэн илалта шинии толгойе эрьюулээ. Сэдьхэлдээ гансал энэ илалтаараа омогорхо. Юундэ өөртөө гай тодхор бэдэрбэш? Магад, өөрөө хүлөө алдажа, Иудатай хамта унажа болохош!

Иоов 12:10

Амитан бүриин амидарал, хүнэй ами наһан Тэрэнэйл гарта байна.

Иоов 31:4

Тэрэ ябаһан харгыем хёрхоор адаглан, алхам бүхэниием алданагүй бэшэ аал?

Псалманууд 104:29

Бүхы орон нютагаар уһые шуһан болгобо, голой загаһа усадхаба.

Псалманууд 139:3

Тэдэ зүрхэ сэдьхэлдээ муу муухай юумэ һанаашалдаг, хододоо дайн дажар үдөөдэг.

Псалманууд 146:4

Тэрэ одо мүшэдые тоолодог, тэдэ бүгэдэдэ нэрэ үгэдэг.

Һургаал 20:24

Хүнэй алхамуудые Эзэн шэглүүлдэг. Хүн өөрынгөө зам хэр мэдэжэ шадахаб?

Исай 13:11

Эзэн иигэжэ айладхана: «Муу муухайнь түлөө Би энэ газар дэлхэйе хэһээхэб, муу зондо гэм зэмэйнь түлөө хэһээлтэ амасуулхаб! Бардам, ехэрхүү һанаатай зоной хамарые сохихоб, Хэрзэгы дошхон зоной бардам зангые болюулхаб!

Исай 14:13

Дээшээ огторгой руу дэгдэн гаража, эгээл үндэр мүшэдһөө дээгүүр өөрынгөө хан шэрээ зохёохо һанаатай байгааш. Бурхадай суглардаг хойто зүгэй хада уула дээрэ хаан мэтэ заларан һууха тухайгаа ши һанадаг байгаа бэлэйш.

Исай 2:12

Энэ хадаа бардам ба дээрэлхүү, биб гэһэн хүн бүхэниие панхаруутуулха үдэр – Түмэн Сэрэгтэ Эзэнэй үдэр!

Исай 33:10

Эзэн үндэһэ яһатадта иигэжэ айладхал буулгаба: Мүнөө одоо Би юумэ хэхэмни. Хэды ехэ хүсэ шадалтайгаа таанадта харуулхаб.

Исай 37:19

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Исай 37:23

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

Исай 42:5

Бурхан огторгойе бүтээжэ татаа, дэлхэйе үрэ жэмэстэйнь Тэрэ байгуулжа дэлгээ, Тэрэ улад зондо, амитадта ами наһа, амисхаал бэлэглээ. Тиигээд мүнөө Эзэн Бурхан Өөрын богоолдо иигэжэ айладхана:

Ерэмияа 10:23

Эзэн, би мэдэнэб: өөрынгөө хуби заяае хүн өөрөө мэдэхэ бэшэ, өөрынгөө ажабайдалые хэншье ударидан ябажа шадахагүй.

Ерэмияа 48:26

Эзэн айладхана: – Моһаабые һогтуулагты, юуб гэхэдэ, тэрэ Минии урдаһаа эсэргүү бодоо. Бөөлжэдэһэн соогоо тэрэ хэбтэг лэ, зоной наадан, шоо үзөөн болохо.

Ерэмияа 50:28

Вавилооной орон нютагһаа тэрьедэн гүйжэ, Иерусалим руу ерэгшэдэй абяан дуулдана. Тэдэ Эзэн Бурханаймнай Һүмын түлөө үһөөгөө абаһан тухай дуулгана.

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Эзэкээл 28:17

Гоё һайхан байһандаа ши ехэрхэжэ эхилээш. Мэдээжэ, суутай болоһондоо ухааншни балартаба. Тиимэһээ Би шамайе газар руу хаяжа, бусад хаашуулда жэшээ болгон харуулаа һэм.

Эзэкээл 28:2

– Хүнэй үри Эзэкээл! Тиир хотын хаанда Минии иимэ үгэнүүдые дуулга: ши ехэ бардамлажа, өөрыгөө Бурхамби, далайгаар хүреэлэгдэнхэй Тиир хото минии хан шэрээ гэжэ хэлэнэш. Харин ши Бурхамби гэжэ өөрыгөө хэды тоолоошье һаа, Бурхан бэшэ, юрын лэ хүн гээшэш.

Эзэкээл 28:5

Ухаатайгаар наймаа ябуулжа, баялигаа нэмээгээш, гэбэшье баялигһаа боложо бардамлажа эхилээш.

Эзэкээл 31:10

Мүнөө Минии, Эзэн Бурханай, тэрэ модон тушаа иигэжэ айладхаһые шагна, Египедэй фараон: үүлэн хүрэтэр үндэр болоходоо тэрэ модон бардамлажа эхилбэ.

Даниил 11:12

Хэдэн мянгаад сэрэгые хюдаһандаа урда зүгэй хаан ехэ бардамлан байха. Гэбэшье бэшэ тэрэ илалта туйлахагүй.

Даниил 8:11

Түмэн сэрэгэй удамарша хүрэтэршье тэрэ тобойн үндыжэ, үдэр бүриин үргэлыень болюулба, нангин газарыень бузарлаба.

Аввакуум 2:4

Зай, бардам зантай хэн нэгэниие Би тоохогүйб. Үнэн сэдьхэлтэн этигэл һүзэгэйнгөөл ашаар амидарха.

Хэрэгүүд 17:25

Хүнэй ямаршье туһаламжа Бурханда хэрэггүй. Тэрэ Өөрөө амитай бүхы юумэндэ ами наһа, амисхал, бүгэдые үгэнэ.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Тимофейдэ 1-дэхи 3:6

Тэрэ хүн Эзэндэ һаял һүзэглэһэн зоной дундаһаа табигдаха ёһогүй, тиигээ һаа, тэрэ хамараа дээшэнь үргөөд, һүүлдэнь шолмостой хамта буруушаагдажа магадгүй.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Гэршэлгэ 9:20

Иимэ ехэ аюул зоболондо орожо үхөөгүй үлэһэн хүнүүд өөһэдынгөө нүгэлтэ хара хэрэгүүдые үйлэдэжэл байгаа. Тэдэнэр алта мүнгөөр, гуули зэдээр, шулуу модоор хэгдэһэн худал хуурмаг шүтөөнүүдтэ, ада шүдхэрнүүдтэ урдынхидаал адляар һүгэдэн мүргэһөөр байгаа. Харин тиихэдэ тэдэ хуурмаг шүтөөнүүдынь юумэ үзэжэ харажашье, дуулажа шагнажашье, ябажа хүдэлжэшье шадахагүй.

Ударидагшад 16:23

Пилиштүүдые зонхилогшод өөһэдынгөө бурхан Дагоондо асари ехэ үргэл үргэжэ, хүхилдэн сэнгэхэеэ эндэ суглараад, иигэжэ хэлэбэд: – Бидэнэй бурхан бидэнтэй дайлалдаһан Самсоониие бидэнэй гарта тушааба!

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:36

Танай богоол болохо би арсалан, баабгайн али алинииньшье алаһан байхаб. Тэрэ бэлгэеэ отолуулаагүй пилишт хүндэ амиды Бурханай сэрэгые доромжолһонойнь түлөө тэдээндэл адли юумэн болохо, – гэбэ.