Даниил 5:20 - Библи

²⁰ Теэд тэрэ бардам, дээрэлхүү боложо, хан шэрээһээ унагаагдаа, бүхы алдар суугаа алдаа бэлэйл.

Даниил 5:20 Referencias Cruzadas

4 Хаан түрэнүүд 17:14

Теэд тэдэнэр Эзэнэй хэлэһэн үгые хайхаран абабагүй. Тэдэнэр Эзэндэ, өөрынгөө Бурханда этигэдэггүй байһан эсэгэнэртээл адляар үсэрэлдэбэд.

2 Угай бэшэг 32:25

Теэд энээнэй түлөө Хэзэкияа Эзэндэ баяр баясхалан хүргэн хүндэлэн ёһолбогүй, юуб гэхэдэ, тэрэ бардамлаа шуу. Иуда болон Иерусалим энээнэй түлөө гэм амасаа һэн.

2 Угай бэшэг 36:13

Навуходоносорто үнэн сэхэ байхаб гэжэ Эзэнэй нэрээр тангариглахыень Цэдэкиияые Навуходоносор хаан баадхаһан юм. Теэд Цэдэкиия тэрэнэй урдаһаа буһалгаалба. Цэдэкиия үсэрхэжэ, Израилиин Эзэн Бурханда бусахаяа арсаба.

Египедһээ гаралга 18:11

Энээнһээ хойшо Эзэн лэ хамаг бурхадһаа үлүү гэжэ мэдэхэ болобо гээшэб.

Египедһээ гаралга 9:17

Мүнөө болотороо Минии арадта бэрхэшээл ушаруулан, арадыемни табиха дурагүй байнаш.

Египедһээ гаралга 9:7

Фараон хүниие мэдэхыень эльгээбэ, тиихэдэнь, нээрээшье, Израилиин улад зоной нэгэшье мал гарза болоогүй байба. Гэбэшье үсэдөө алдабагүй, тэдэниие табибагүй.

Һургаал 16:18

Һүйдхэлэй урда бардамлал ябадаг, бүдэржэ унахын урда дээрэлхүү зан ябадаг.

Һургаал 16:5

Бардам хүнүүдһээ Эзэн зэбүүсэдэг. Тэдэ эрхэ бэшэ хэһээлтэдэ хүртэдэг.

Исай 47:1

Эзэн иигэжэ айладана: «Вавилооной басаган, хүүхэн, доошоо буужа, шорой дээрэ һуу! Газарта һуу! Халдейшүүдэй басаган, хан шэрээ бэшэ үгы шуу! Хэзээдэшьеб шамайе урихан, нариихан басагантай жэшээлдэг байгаа, харин мүнөө тиимэ бэшэш!

Ерэмияа 13:18

Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 48:18

Дибоондо амиды мэндэ ажаһуугшад, һүр жабхаланта һууриһаа доошоо буугыт, тооһо шорой соо һуугты, юуб гэхэдэ, Моһаабые хюдагша хажуудатнай ерээд, хэрэмүүдыетнай һандаргаахал.

Эзэкээл 30:6

Таанадые аршалагшад бултадаа – хойто зүгэй Мигдоолһоо эхилээд, урда зүгэй Сиһээн хото хүрэтэр дайн дажарта алуулагдаха. Омогорходог хүсэтэй сэрэгтнай һалаха. Энэ болбол Би, Эзэн Бурхан, айладхана мүн!

Эзэкээл 31:10

Мүнөө Минии, Эзэн Бурханай, тэрэ модон тушаа иигэжэ айладхаһые шагна, Египедэй фараон: үүлэн хүрэтэр үндэр болоходоо тэрэ модон бардамлажа эхилбэ.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Даниил 4:26

Арбан хоёр һарын үнгэрһэнэй удаа тэрэ Вавилоондохи ордон соогуураа алхалжа ябаба.

Даниил 4:28

Дууһан хэлэжэ үрдеэдүй байтарнь тэнгэриһээ иимэ абяан дуулдаба: – Навуходоносор хаан, шагныш! Хан түрэшни шинии бэшэ болобо.

Даниил 8:8

Тэхэ угаа ехэ хүсэ шандааһатай болобо. Тиихэдэнь мантан эбэрынь хухаржа, орондонь дүрбэн зүг руу хараһан дүрбэн эбэр ургаба.

Лука 18:14

Алба татааша фарисей хоёрой гэртээ харихадань, Бурхан тэдэ хоёрһоо алба татаашыень сагааруулаа гэжэ танда хэлэхэ байнаб. Өөрыгөө дээгүүр абхуулһан хүн доошоо даруулагдаха, харин даруу доогуур хүн дээшээ үргэгдэхэ бшуу.

Еврейнүүдтэ 3:13

Таанадай хэн нэгэнэй нүгэлөөр хорхойтуулагдан дошхорхогүйн тула, Нангин Бэшэг соо бэшээтэй «мүнөөдэр» гэдэг үгын маанадта хандажа байхада, та бэе бэеэ үдэр бүхэндэ урмашуулжа байха ёһотойт.

1 Хаан түрэнүүд 6:6

Египетшүүдэй болон фараоной үсэрхэһэндэл, юундэ таанад үсэрхэхэбта даа? Бурханай тэдээндэ хүсэеэ элирхэйлхэдэл тэдэ Израилиин зониие табяа бэлэй.