Даниил 3:6 - Библи

⁶ Хэн һүгэдэнгүй, мүргэнгүй байнаб, аһажа байһан пеэшэн руу тэрэ дары хаюулха!

Даниил 3:6 Referencias Cruzadas

Эхин 19:28

Содом ба Гоморро хотонуудай байһан тала газарые шэртэн хараба: хаа-хаанагүй үнэһэн согһоо үдхэн хара утаан бааян һуунагтажа байба.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Исай 44:17

Харин модонойнгоо үлэгдэлөөр тэрэ шүтөөн өөртөө бүтээжэ, урдань һүгэдэн унажа, мүргэдэг. Тэрэ баһа шүтөөндөө зальбаран, иигэжэ хэлэдэг: «Ши болбол минии бурхан гээшэш. Намайе абарыш!»

Ерэмияа 29:22

Иигэжэ Вавилоон руу сүлэгдэһэн Иудын бүхы зон хараал табихаяа һанахадаа, «Вавилооной хаанай амидыгаар галда шатааһан Цэдэкиия болон Ахаабта адляар Эзэн таанадта хандаг лэ!» – гэдэг байха.

Даниил 2:5

Хаан халдейнүүдтэ харюусан: – Иимэ зарлиг тунхагланаб. Хэрбээ таанар минии зүүдэ тайлбарилжа үгөөгүй һаа, хэһэг болгон сабшагдахат, гэр байрануудтнай һандаргагдаха.

Даниил 3:11

Хэн нэгэн доошоо унан һүгэдэнгүй, мүргэнгүй байбал, аһажа байһан пеэшэн руу хаюулха ёһотой бэлэйл.

Даниил 3:15

Тиимэ һаань, шэлэгты: үхэр бүреэгэй, лимбын, ятагай болон бусад хүгжэмэй абяа дууламсаараа һүгэдэн доошоо унажа, минии байгуулһан хүрэгтэ мүргэгты, мүргөөгүй гээшэ һаа, галаар бушаганажа байгша пеэшэн руу тэрэ дары хаюулхат. Тиихэдэ ямар бурхан таанадые абарха гээд һананат? – гэжэ хэлэбэ.

Даниил 3:21

Хубсаһатай зандань – үмдэ, самсатайнь, малгайтайнь, юрэдөө, бүхы хубсаһаарнь – тэдэниие хүлижэ, сэрэгшэд гал дүлэн пеэшэн руу хаяба.

Даниил 3:7

Үхэр бүреэгэй, лимбын, ятагай болон бусад хүгжэм дууламсаараа бүхы арадууд, обогууд, бүлээлингүүд доошоо һүгэдэн унажа, Навуходоносор хаанай байгуулһан алтан хүрэгтэ мүргэбэ.

Даниил 5:19

Тэрэнэй үгэһэн һүр жабхалангай урда бүхы арадууд, обогууд, бүлээлингүүд шэшэрэн-айн байгаа бэлэй. Хаан һанаһаараа хүниие саазалжа, амиды үлөөжэ, дээшэнь дэбжүүлжэ, доошонь буулгажа байгаа.

Даниил 6:7

Хаан түрын бүхы түшэмэлнүүд, эрхилэгшэд, ноёд, зүбшэгшэд, нютагай ноёд хоорондоо хэлсэжэ, иигэжэ шиидхэбэ: үндэр түрэлтэ хаан, танһаа бэшэ ондоо хүндэ, үгышье һаа, бурханда хэн нэгэн энэ гушан үдэр соо нэгэтэ зальбаран гуйжа байгаа гээшэ һаа, арсаланай нүхэн руу хаюулагдаха ёһотой. Энээн тушаа хаанай зарлиг, хорилго тунхаглагдаг лэ.

Матвей 13:42

тиигээд тэдэниие гал дүлэ руу хаяха. Тэндэ хүнүүд бархиралдаха, шүдөө хабиралдаха.

Матвей 13:50

тиигээд тэдэ нүгэл хэгшэдые галтай пеэшэн руу хаяха: тэндэ хүнүүд бархиралдаха, шүдөө хабиралдаха.

Матвей 4:9

– Хэрбээ хүлдэм унажа мүргөө һаатнай, би эдэ бүгэдые Танда үгэхэб! – гэжэ Тэрээндэ шолмос хэлэбэ.

Марк 6:27

Ирод тэрэ дороо харуулайнгаа сэрэгшэдэ түрмэдэ байһан Иоаннай толгой таһа сабшаад, абаад ерэхыень захирба.

Гэршэлгэ 14:11

Тэдэниие зобоогшо галай хара утаан хэтын хэтэдэ өөдөө хөөрэн дэгдэхэ, тиин арьяатанда, тэрэнэй хүрэг дүрсэдэ һүгэдэн мүргэгшэдтэ, тэрэнэй нэрэтэй тамгатайшуулда үдэр һүнигүй амар заяа үзүүлэгдэхэгүй».

Гэршэлгэ 9:2

Газарай тэрэ оёоргүй гүнзэгы нүхэнэй үүдые одо мүшэнэй нээхэдэнь, тэндэһээнь аргагүй томо пеэшэн сооһоо гараһан шэнги бөөн хара утаан дэгдэн гараба. Тэрэ утаанһаань боложо, огторгой тэнгэри, нараншье бүрүүл харанхы болошобо.