Даниил 3:25 - Библи

²⁵ – Теэд би дүрбэн хүниие гал дүлэн соо хараналби! Тэдэ ямаршье хүлилгэгүй, бүрин бүтэн зандаа гал соогуур сүлөөтэй ябажа байна. Дүрбэдэхи хүниинь бурхандал адли! – гэжэ Навуходоносор хэлэбэ.

Даниил 3:25 Referencias Cruzadas

Иоов 1:6

Нэгэтэ Бурханай хүбүүдэй Эзэнэй үмэнэ ерэхэдэнь, тэдэнэй дунда эрлиг оролсобо.

Иоов 38:7

Тэрэ үедэ үглөөнэй одод баярлан дуулажа, Бурханай хүбүүд согтой хашхаржа байгаа.

Иоов 5:19

Долоон гай гамшагһаа доройтоошье һаа, удаань ши сэхэрхэш.

Псалманууд 34:7

Юуб гэбэл, ямаршье шалтагаангүйгөөр тэдэ намда урьха табина, ямаршье шалтагаангүйгөөр тэдэ намда нүхэ малтана.

Һургаал 30:4

Хэн тэнгэри өөдэ ошоод, буужа ерээб? Хэн һалхиие гартаа адхажа байгааб? Хэн уһа хубсаһандаа суглуулааб? Хэн дэлхэйн хамаг хизаарые тогтоогооб? Тэрэнэй нэрэ болон хүбүүнэйнь нэрэ хэн бэ? Та үнэхөөр мэдэнэ ёһотойт.

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Ерэмияа 1:8

Хэнһээшье бү ай, аршалхын тула Би шамтай хамта байнаб. Энэ болбол Би, Эзэн, айладхажа байна мүн! – гэбэ.

Ерэмияа 15:21

Хорото муу зоной һабарһаа шамайе абархаб, харшалагшадай һабарһаа сүлөөлхэб. Энэ болбол Би, Эзэн, айладхана мүн!

Даниил 3:18

Харин тиимэ юумэнэй болоошьегүй һаань, та, үндэр түрэлтэ хаан, мэдэжэ байгты: бурхадтатнай шүтэхэгүйбди, байгуулһан алтан хүрэгтэтнай мүргэхэгүйбди, – гэжэ харюусаба.

Даниил 3:24

Гэнтэ Навуходоносор угаа гайхан, хүл дээрээ собхорон бодожо, түшэмэлнүүдһээ асууба: – Гурбан хүниие хүлеэтэй зандань гал руу шэдээ бэшэ аалди? Тэдэнь: – Мүн даа, үндэр түрэлтэ хаан! – гэжэ харюусаба.

Даниил 3:28

Навуходоносор: – Шадраахай, Мэшаахай, Абээд-Нэгоогой Бурханда магтаал үргэгты! Тэрэ тэнгэриин Эльгээмэлээ эльгээжэ, Өөртэнь этигэдэг богоолнуудаа абараа! Эдэ зон минии захиралта дуулангүй, ами наһаяа хайрлангүй, өөрын Бурханһаа ондоо бурхадта шүтэн мүргэхэеэ арсаал!

Даниил 6:23

Хаан угаа ехээр баярлажа, Даниилые нүхэнһөө гаргаха гэжэ захирба. Тэрэниие нүхэнһөө гаргахадань, ямаршье шарха шулгархайгүй гэжэ элирбэ. Бурхандаа этигэдэг байһанайнгаа түлөө тэрэ бүрин бүтэн гарасалдаа гээшэл.

Марк 16:18

Тэдэ могойнуудые барибашье, хоро уубашье, өөһэдыгөө гэмтээхэгүй. Мүн гараа үбшэн зон дээрэ табяад, тэдэниие эдэгээжэ байха.

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Хэрэгүүд 28:5

Харин Павел өөртөө ямаршье гэм хүргэнгүй тэрэ могойе галда һэжэрэн хаяба.

Пётрой 1-дэхи хандалга 3:13

Дэмбэрэлтэй юумэ бүтээхэеэ һэдэбэлтнай, хэн таанадта һаалта болохоб?