Даниил 2:34 - Библи

³⁴ Тиигээд хараһаар байтартнай хэнэйшье гар хүрөөгүй байхада хабсагайһаа шулуун өөрөө хамхаран унажа, мантан хүрэгэй түмэр болон шабар хүлнүүд дээрэ унаад, бута сохибо.

Даниил 2:34 Referencias Cruzadas

Псалманууд 118:22

Танай гэршэлгэнүүдые сахин хадагалдаг ушарһаам доромжолол ба шоо үзэлгые намһаа зайлуулыт.

Исай 28:16

Харин Эзэн Бурхан иигэжэ айладхана: «Бата найдамтай, мантан һууриин шулуу, эрдэни шулуу, хатуу шулуу Сион дээрэ мүнөө Би табинаб. Бата этигэлтэй нэгэн айхагүй.

Исай 60:12

Харин шамда алба хэхэеэ һанаагүй үндэһэ яһатад бүримүһэн усадхагдаха. Иимэ арадууд үгы хэдэхэ.

Исай 8:9

Арадууд, мэдэгты! Шэшэрэлдэгты! Алас холын бүхы орон нютагууд, шагнагты! Дайнда бэлдэгты, шэшэрэлдэгты! Дайнда бэлдэгты, шэшэрэлдэгты!

Эзэкээл 32:28

Египедэй зон, таанад диилдэжэ, дайнда алуулһан, буян бурхангүй сэрэгшэдтэй хамта хүдөөлүүлэгдэхэт.

Эзэкээл 47:5

Тэрэнэй дахин мянган тохой хэмжэхэдэнь, тэндэ минии ябаад гарахын аргагүй, гансал һамархаар гүнзэгы уһан байба.

Даниил 2:33

шэлбэнь түмэрөөр, хүлэйнь улын зарим хуби түмэрөөр, заримань шабараар хэгдэнхэй байгаа.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Даниил 8:25

Муу юумэ түсэблэхэдөө бэрхэ тэрээндэ хара һанаанай талаар хэншье зэргэсэхэгүй, тиигээд угаа бардамлаха. Олон зониие хүлеэгдээгүй үедэ һалгааха, тиигээд Эзэнһээ ехэ Эзэндэ эсэргүүсэн бодохо. Тэрэ сохигдон үгы хэгдэхэ, гэбэшье хүнэй гараар тиимэ юумэн бүтэхэ бэшэ.

Захарияа 12:3

Тэрэ үдэр Би Иерусалимые шулуун шэнги бэхи бүхэ болгохоб. Тэрэниие дайлан абаха гэһэн хүнүүд хуу бэртэхэ. Дэлхэйн бүхы үндэһэтэн Иерусалимда эсэргүүсэн сугларха.

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Иоанн 1:13

Тэдэ хүнэй хүсэл дуранһаа, эрын хүсэлэнһөө бүрилдөөгүй, харин Бурханһаа түрөө.

Хэрэгүүд 4:11

Тэрэ болбол – «таанадай, барилгашадай голожо хаяһан шулуун аад, гэрэй гол шухала тулга шулуун болоо».

Коринфынхидтэ 2-дохи 5:1

Энэ дэлхэйн майхан – манай бэе – һүнэн һандарбал, Бурхан бултандамнай хүнэй гараар бодхоогдоогүй, тэнгэридэ хэтын хэтэдэ оршожо байха гэр үгэхэ гэжэ бидэ мэдэнэбди.

Еврейнүүдтэ 9:24

Бодото юумые һажаан хүнэй гараар бүтээһэн Нангин Газарта Христоос ороогүй. Тэрэ мүнөө манай орондо Бурханай урда зогсохын тулада тэнгэридэ өөртэнь ороо.

Пётрой 1-дэхи хандалга 2:7

Тиимэһээ һүзэглэгшэ таанадта Христоос агууехэ баялиг болоно, харин һүзэглэдэггүй хүнүүдтэ тэрэ «барилгашадай голожо хаяһан шулуун» аад, гол шухала,

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».