Даниил 2:23 - Библи

²³ Та намда сэсэн мэргэн ухаа, хүсэ үршөөгөөт, Таниие, уг удамайнгаа Бурханиие, магтан, түүрээн байналби. Гуйһан гуйлтыемнай дүүргээт, хаанай хэрэгые манда эли болгоот.

Даниил 2:23 Referencias Cruzadas

Эхин 18:17

Содом хотын харагдахада, тэдэ гурбанай нэгэн болохо Эзэн иигэжэ үгэлбэ: – Юу хэхэ гэжэ байһанаа Абраһаамһаа нюуха хэрэг бии юм гү?

Эхин 31:42

Хэрбэеэ эсэгымни Бурханай, Абраһаамай Бурханай, Исаагай Түбэгшөөлэй, намда туһалаагүй һаань, би танайхиһаа гар хооһон гараха байгааб. Бурхан минии хүшэр хүндэ ажал, зоболонгыем хаража, энэ үнгэрһэн һүни намайе хамгаалаал!

3 Хаан түрэнүүд 18:36

Үдэшын тахил үргэхэ сагай болоходо, Элияа лүндэншэ урагшаа гаража, иигэжэ зальбарба: – Абраһаамай, Исаагай болон Израилиин Эзэн Бурхан! Өөрыгөө Израилиин Бурхан мүн гэжэ, Танай захирһанай ёһоор минии, богоолойтнай, эдэ бүгэдые ябуулһаниие мүнөө батадхыта!

3 Хаан түрэнүүд 8:57

Эзэн Бурхамнай элинсэг хулинсагтамнай туһалан байгаа. Тэрэ маанадтайшье хамта байжа, хэзээдэшье маанадые бү орхиг лэ!

1 Угай бэшэг 29:10

Давид хаан суглаанай урда Эзэнээ юрөөн алдаршуулба, тиигээд Давид иигэжэ хэлэбэ: – Хэтын хэтэдэхи маанадай эсэгэ Израилиин Эзэн Бурхан, Та үреэл магтаалда хүртэн байхат!

1 Угай бэшэг 29:13

Бидэ мүнөө өөрынгөө Бурхан Тандаа соло дууданабди, Танайнгаа алдар нэрые магтанабди.

2 Угай бэшэг 20:6

иигэжэ зальбарба: – Үбгэ эсэгэнэрэймнай Эзэн Бурхан! Огторгойһоо дэлхэйн арадуудые зонхилон байнат. Та агууехэ хүсэ шадалтайт, урдаһаатнай хэншье тулажа шадахагүй!

Псалманууд 21:2

Бурхамни, Бурхамни, юундэ намайе орхибот? Холот, туһалхагүйт, ёолохым дуулахагүйт.

Псалманууд 21:4

Арюун нангинтнай Израильда магтуулан, хан шэрээ дээрээ заларан һуунат.

Псалманууд 50:14

Танаар абарагдаха баяр намда һэргээгыт, хүсэлэнтэ Һүлдөөр намайе тэдхыт.

Египедһээ гаралга 3:15

Бурхан үшөө иигэжэ айладаа: – Танай эсэгэнэрэй – Абраһаамай Бурхан, Исаагай Бурхан, Яковай Бурхан болохо Эзэн намайе эльгээгээ гэжэ Израилиин хүбүүдтэ хэлэхэш. Минии нэрэ хэтэдээ тиимэ, Намайе угһаа угта тиигэжэл дурдадаг байха зэргэтэй.

Һургаал 21:22

Сэсэн мэргэн хүн хүсэтэнэй хото дайлан абадаг, тэдэнэй найдаһан бата хэрэмые һандаргажа шададаг.

Һургаал 24:5

Сэсэн хүн шадалтай, ухаатай хүн хүсөө батадхана.

Һургаал 8:14

Амжалта, һонор ухаан, хүсэ шадал намтай оршодог. Би хадаа оюун ухаан мүн. Хүсэн намтай байха.

Экклезиаст 7:19

Ухаатай мэргэн хотын арбан толгойлогшонорһоо хүсэтэй байдаг.

Экклезиаст 9:16

Мэргэн ухаан хүсэ шадалһаа үлүү гэгдээшье һаа, үгытэй хүнэй ухаан тоолгохогүй, үгэ хүүрынь анхарал татадаггүй гэжэ харабаб.

Экклезиаст 9:18

Сэсэн ухаан тулалдаанай зэбсэгһээ хүсэтэй, гэбэшье нэгэ нүгэлтэ хэды шэнээн һайниие һүйдхэхэб даа.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Даниил 1:17

Эдэ дүрбэн хүбүүдые Бурхан ухаатай, сэсэн мэргэн болгоо һэн. Тэдэ ном уншажа, эрдэмтэй болоо. Даниил үшөө элдэб үзэл үзэдэг, зүүдэ тайлбарилдаг шэдитэй һэн.

Даниил 2:18

Вавилооной сэсэн мэргэшүүлтэй хамта өөһэдөө хосорхогүйн тула Огторгойн Бурханһаа хайра эрихэ, нюуса эли болгохыень гуйха хэрэгтэй гээд хэлэбэ.

Амоос 3:7

Үнэн дээрээ Эзэн Бурхан зарасанартаа, лүндэншэдтээ, нюусаяа нээгээгүйдээ юушье хэдэггүй.

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Лука 10:21

Энэ үедэ Арюун Һүлдын Иисүүсые баяраар дүүргэхэдэ, Тэрэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб. Зүб даа, Эсэгэмни, Та иимэл юумэнэй болохые хүсэжэ байгаа ха юмта.

Иоанн 11:41

Шулууень зайлуулба. Иисүүс Тэнгэри өөдэ хараад: – Эсэгэ аа, Намайе дуулаһандатнай баясхалан хүргэнэб.

Иоанн 15:15

Саашадаа таанадые Минии зарасанар гэжэ нэрлэхэгүйб, зараса гээшэ эзэнэйгээ юу хэдэгые мэдэнэгүй бшуу. Би таанарые хани нүхэдни гэжэ нэрлэнэб: Эсэгэһээ мэдэжэ абаһан бүхы юумэеэ дуулгабаб.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 5:5

– Бү уйла! Харалши! Илаашань Иудын угай, Давидай үри һадаһан болохо Арсалан тээ тэрэ байна. Долоон тамгыень эбдэжэ, энэ номые Тэрэл нээжэ шадаха, – гэжэ нэгэ ахамадынь намда хэлэбэ.