Даниил 11:40 - Библи

⁴⁰ Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Даниил 11:40 Referencias Cruzadas

Исай 21:1

Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Исай 5:28

Тэдэнэй годлинууд хурса, һурша номынь татаатай. Моридойнь туруунууд сахюур шулуун мэтэ хатуу, тэргынь мөөрнүүд хуй һалхин мэтэ.

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Эзэкээл 38:4

Шамайе эрьелдүүлжэ, үрүүндэш дэгээ зоогоод, сэрэгтэйш хамта холын холо руу татан гаргахаб. Халхабша хүндэ хубсаһа үмдэнхэй, һэлмэ, бамбай баринхай олон гэгшын морин сэрэгые ши зонхилнош.

Эзэкээл 38:9

Ши һалхи шуурган мэтэ сэрэгтэеэ хамта тэдээндэ добтолхош. Бар хара үүлэн мэтэ тэдэниие хүреэлхэш.

Даниил 11:10

Хойто зүгэй хаанай хүбүүд дайнда бэлдэжэ, асари ехэ сэрэг суглуулан бүридхэхэ. Тэрэ сэрэг үер мэтэ урдажа, урда зүгэй хан түрын хэрэм ханануудта добтолхо.

Даниил 11:11

Урда зүгэй хаан ехэ уурлажа, хойто зүгэй хаантай дайлалдаха. Хойто зүгэй хаан ехэ сэрэг суглуулаашье һаа, диилдэхэ.

Даниил 11:13

Юуб гэхэдэ, хойто зүгэй хаан урдынхиһаа үшөө ехэ сэрэг суглуулжа, хэдэн жэлэй үнгэрһэнэй удаа олон, һайн гэгшын зэбсэгтэй сэрэгтэй добтолон орохо.

Даниил 11:22

Тэрэнэй урдаһаа эсэргүүсэһэн лэ хүн, хэдэн байлдаануудта илалта туйлаһан сэрэгшэдшье, Хэлсээнэй удамаршаншье өөрөө байг, адли хосорхо юм.

Даниил 11:25

Бүхы хүсэеэ, зоригоо шангадан, ехэ сэрэг бүридхөөд, тэрэ урда зүгэй хаанай урдаһаа добтолхо. Урда зүгэй хаан агууехэ, угаа хүсэтэй сэрэгээрээ урдаһаань тулаха, гэбэшье мэхэ гоходо орожо, диилдэхэ.

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Даниил 11:39

Хариин энэ бурханда шүтэдэг зоной хүсөөр тэрэ хана хэрэмүүдээ аршалха. Өөрынь засаг түлөөлгэ мэдэрэгшэдтэ тэрэ агууехэ хүндэ үзүүлхэ, олон зон дээрэ засаглаха эрхэ, шагнал болгон газар үгэхэ.

Даниил 11:7

Тииһээр тэрэ алуулагша хатанай түрэлэй нэгэ хүн урда хан түрын удамарша болохо. Тэрэ хойто зүгэй хаанай сэрэгтэ добтолжо, хана хэрэмүүдынь эзэмдэн абажа, илаха.

Даниил 12:4

Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.

Даниил 12:9

Тэрэ: – Яба, Даниил! Эдэ үгэнүүд нюуса, эсэсэй болотор нюултатай байха ёһотой.

Даниил 8:17

Минии зогсожо байгааша тэрэ газар руу тэрэ дүтэлбэ. Дүтэлхэдэнь, би угаа айжа, доошоо унаа бэлэйб. Тэрэ намда иигэжэ айладхаба: – Хүнэй хүбүүн, мэдэжэ бай: энэ хадаа һүүлшын саг тушаа үзэгдэл гээшэ.

Аввакуум 3:14

Түшэмэлнүүдынь шуурган мэтэ нам руу дугташан, хүсэгүйе һэмээхэн үгы хэхэмнай гэжэ баярлан, намайе хюдахаяа һанаба. Теэд Та удамаршынь өөрынь жадаар нэбтэ хадхабат.

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.

Гэршэлгэ 16:12

Зургаадахи Эльгээмэл өөрынгөө аяга соохиие асари ехэ Евфрат мүрэн руу адхаба. Тиихэдэнь тэрэ мүрэн хатажа, Зүүн зүгэй хаашуулай хуурай газараар ябаха харгы гаргагдашаба.

Гэршэлгэ 9:16

Хамта дээрээ тэндэнь хоёр зуун сая морин сэрэгшэд байна гэлсэхые дуулааб.