Даниил 11:37 - Библи

³⁷ Тэрэ үбгэ эсэгэнэрэйнгээ, эхэнэрнүүдэй бурхадые, юрэдөө, ямаршье бурхадые тоохогүй, гансал өөрыгөө тэдээнһээшье дээрэб гээд тоолодог байха.

Даниил 11:37 Referencias Cruzadas

Эхин 3:16

Эхэнэртэ Тэрэ айладхал буулгаба: – Шинии хээлитэй болохые хэмгүй зоболонтой болгохоб, зобожо, үбдэжэ хүүгэдые түрэдэг болохош, үбгэеэ хододоо хүсэн байхаш, үбгэншни шинии эзэн болохо.

Эхин 3:5

– Зүгөөр тэдэниие эдихэдээ таанад тэрэ үдэр нюдөө гэнтэ нээһэндэл юумэ боложо, һайн муу хоёрые илгаха шадабаритай Өөртэнь адли болохот гэжэ Бурхан мэдэнэ.

Дуунай дуун 7:10

Дуранай халуун уралшни хамагһаа эрхим үзэмэй дараһан архидал мэтэ. Аманһаам гараһан үзэмэй дараһан архи амараг шамайем баясаан, урал шүдэнэйшни забһараар урдан орохонь болтогой!

Исай 14:13

Дээшээ огторгой руу дэгдэн гаража, эгээл үндэр мүшэдһөө дээгүүр өөрынгөө хан шэрээ зохёохо һанаатай байгааш. Бурхадай суглардаг хойто зүгэй хада уула дээрэ хаан мэтэ заларан һууха тухайгаа ши һанадаг байгаа бэлэйш.

Исай 14:14

Үүлэдэй орой дээрэ гаража, Дээдэ Бурхандал адли болохоёо һанаһан байгааш.

Эзэкээл 24:16

– Хүнэй үри Эзэкээл! Шинии эгээл дуратай хүнэй ами наһа гэнтэ Би абахаяа байнаб. Харин ши гомдожо, нёлбоһо гаргажа бү байгаарай.

Эзэкээл 28:2

– Хүнэй үри Эзэкээл! Тиир хотын хаанда Минии иимэ үгэнүүдые дуулга: ши ехэ бардамлажа, өөрыгөө Бурхамби, далайгаар хүреэлэгдэнхэй Тиир хото минии хан шэрээ гэжэ хэлэнэш. Харин ши Бурхамби гэжэ өөрыгөө хэды тоолоошье һаа, Бурхан бэшэ, юрын лэ хүн гээшэш.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Даниил 11:38

Хэрэм ханануудай бурхандал тэрэ мүргэдэг байха. Үбгэ эсэгэнэрэйнгээ мэдэхэгүй энэ бурханиие алта, мүнгөөр, үнэтэ шулуунуудаар, элдэб баян бэлэгүүдээр тэрэ хүндэлдэг байха.

Даниил 8:11

Түмэн сэрэгэй удамарша хүрэтэршье тэрэ тобойн үндыжэ, үдэр бүриин үргэлыень болюулба, нангин газарыень бузарлаба.

Хуули дабталга 21:11

дундань сэбэр һайхан эхэнэрые ши хаража, дурлажа, тэрээгээр һамга хэхэеэ һанабал,

Хуули дабталга 5:21

Ондоо хүнэй һамганда бү һанаашарха, хүнэй гэр байрада, зөөри зөөшэдэ: газар таряаланда, богоол шэбэгшэндэ, сар элжэгэндэ, юрэдөө, хүндэ байһан ямаршье юумэндэ бү һанаашарха».

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.

Тимофейдэ 1-дэхи 4:3

Тэдэ зон гэрлэхые, зарим юумэ эдихые хорихо. Зүгөөр Бурхан тэрэ эдеэ хоолые баясхалан хүргэһэн зальбаралай һүүлдэ һүзэглэгшэдтэ, үнэн зүбые мэдэрһэн хүнүүдтэ эдихыень бүтээгөө.