Даниил 10:16 - Библи

¹⁶ Хүн шэнги дүрсэтэй хэн нэгэн минии уралда хүрэбэ. Тиихэдэнь би дуугаржа шадаха боложо, урдамни зогсоошо тэрээндэ хандан: – Эзэмни! Үзэгдэл үзэхэдөө намда угаа үбшэнтэй, ямаршье тэнхээ тамиргүй болоо һэм.

Даниил 10:16 Referencias Cruzadas

Египедһээ гаралга 4:10

Моисей Эзэндэ зальбарба: – Эзэн Бурхан минии! Би үгэ хэлэндэ муу хүмби, түрэхын иимэ бэлэйб. Мүнөөшье Өөрын богоолтой хөөрэлдэжэ эхилхэдэтнай би үгэ амалхадаа ахир муулби.

Египедһээ гаралга 4:13

– Эзэн Бурхан минии! Хайрлыт даа, ондоо хүниие эльгээхэ аргагүй юм гүт? – гэжэ Моисей гуйба.

Экклезиаст 1:18

Юундэб гэхэдэ, мэргэн ухаанһаа зоболон ехэдэнэ, мэдэлгэ нэмэхэдээ, шаналал нэмэгдэхэ байна.

Исай 6:7

Тэрэ сог нүүрһээр уралдамни хүрэжэ, иигэжэ үгүүлбэ: – Энэ шинии уралда хүрэхэдэм, гэм зэмэшни үгы болоо, нүгэлшни арюудхагдаа.

Ерэмияа 1:9

Тиигээд Эзэн гараа һарбайн, минии уралда хүрэжэ, намда: – Анхара, хэлэхэ үгэнүүдыешни Би шамда дамжуулбаб.

Эзэкээл 1:26

Мандал дээгүүр миндарга шулуугаар хэһэн хан шэрээ, тэрэ шэрээ дээрэ заларан һуугааша хүнтэй адли түхэл дүрсэтэй байба.

Эзэкээл 3:27

Гэбэшье Би шамда айладхал буулгаха үедөө амыеш нээхэб, тиихэдэм ши «Эзэн Бурхан иигэжэ айладхажа байна» гэжэ үгүүлжэ байхаш. Шагнахань шагнаг, үгынь үгы, юрэдөө, тэдэ ехэл буһалгаа хүлгөөтэй арад түмэн гээшэл даа.

Эзэкээл 33:22

Тэрэнэй үшөө ерэхын урда үдэшэлэн Эзэн намайе мэдэл дороо абажа, тэрэ хүнэй үглөө үглөөгүүрынь ерэхэдэ, би үгэ айладхаха хүсэ шадалтай болоод байгааб.

Даниил 12:8

Би энээниие дуулабашье, ойлгобогүйб. Тиимэһээ: – Эзэмни, энэ бүгэдын удаа юун болохо гээшэб? – гэжэ асуубаб.

Даниил 4:19

Тэрэ болбол, үндэр түрэлтэ хаан, та болонот. Та агууехэт, хүсэ шадалтайт. Һүр жабхалантнай огтормой тулама, засаг зонхилолтотнай газар дэлхэйн хаяа хүрэтэр үргэлжэлнэ.

Даниил 7:15

Би, Даниил, угаа шэшэрбэб, эдэ үзэгдэлнүүд намайе ехэ һүрдүүлбэ.

Даниил 7:28

Эндэ хөөрөөн түгэсэнэ. Би, Даниил, угаа һүрдэжэ, шэгни хубилан байгаа һэн. Эдэ бүгэдые сэдьхэлдээ хадуун абаа бэлэйб.

Даниил 8:15

Энэ үзэгдэл харахадаа би, Даниил, удхыень ойлгохоёо һанаа бэлэйб. Тиихэдэм хүндэл адли хэн нэгэн урдамни бии болобо.

Даниил 8:17

Минии зогсожо байгааша тэрэ газар руу тэрэ дүтэлбэ. Дүтэлхэдэнь, би угаа айжа, доошоо унаа бэлэйб. Тэрэ намда иигэжэ айладхаба: – Хүнэй хүбүүн, мэдэжэ бай: энэ хадаа һүүлшын саг тушаа үзэгдэл гээшэ.

Даниил 8:18

Намда иигэжэ хэлэжэ байхадань, би мэдээгүй юумэн доошоо харанхай газар дээрэ хэбтээб. Тэрэ намда хүрэжэ, дахин байһан газартам табиба.

Даниил 8:27

Би, Даниил, угаа ехээр эсэжэ, хэдэн үдэр үбшэн хэбтээ һэм. Удаань бодожо, дахин хаанда албаяа үргэлжэлүүлээб. Энэ үзэгдэлһөө ехээр һүрдэжэ, удхыень ойлгонгүй байгаа бэлэйб.

Даниил 9:21

Иигэжэ мүргэжэ байхадамни урид үзэгдэлдөө минии харагша Габриһээл ниидэн ерэжэ, урдамни бии болобо. Энэ болбол үдэшын үргэлэй үедэ бэлэй.

Лука 1:64

Тэрэ дары Захарияагай аман нээгдэжэ, хэлэниинь табигдажа, тэрэ Бурханиие магтажа оробо.

Лука 21:15

Юу хэлэхые мэдэхэ ухаа Би таанадта үршөөхэб. Танай хэлэһэн юумые нэгэшье дайсантнай буруушаажа гү, али һөөргэдэжэ шадахагүй.

Иоанн 20:28

– Эзэмни, Бурхамни! – гэжэ Фома хашхараад абаба.

Нүүнэй Иисүүс 5:14

– Би Эзэнэй сэрэгшэдэй ударидагшаб, мүнөө эндэ ерээб, – гэжэ тэрэнь хэлээ. Иисүүс урдань һүгэдэн газарта унаад: – Минии эзэн ноён богоолдоо юу хэлэхэб? – гээ.

Гэршэлгэ 1:13

Долоон дэнгүүдэй дундань Хүн түрэлхитэнэй Хүбүүнтэй адлирхуу Хүнэй зогсохые харааб. Тэрэ болбол уужам ута хубсаһатай, сээжээрээ бооһон алтан бэһэтэй һэн.

Ударидагшад 13:8

Манооһаа Эзэндэ зальбараад, иигэжэ хэлэбэ: – Эзэн минии! Танай эльгээһэн Бурханай хүн дахин бидэндэ ерэг лэ! Түрэхэеэ байһан үхибүүнэй томо болотор юу хэбэл дээрэб гэжэ бидэниие һургаг лэ.

Ударидагшад 6:13

Гидоон тэрээндэ иигэжэ хэлэбэ: – Хүлисэгты, минии Эзэн. Хэрбэеэ бидэнтэй Эзэнэй байгаа болбол, юундэ бидэнэр ходол гай тодхорто оронобибди? «Эзэн бидэниие Египедһээ гаргаа» гэжэ бидэнэй үбгэ эсэгэнэрэй хөөрэлдэдэг Тэрэнэй эди шэдинүүдынь хаанаб? Мүнөө Эзэн бидэниие орхижо, мидиануудай гарта үгөөл!

Ударидагшад 6:15

Гидоон Тэрээндэ иигэжэ харюусаба: – Эзэмни! Би израильшуудые яагаад абархабиб? Минии гэр бүлэ Мэнашшээгэй обог соо эгээ үгытэйнь лэ. Би өөрынгөө эсэгын гэр бүлэ соо эгээл одхониинь гээшэб.