Даниил 1:7 - Библи

⁷ Түшэмэлнүүдэй ахалагша ноён тэдээндэ шэнэ иимэ нэрэнүүдые үгэбэ: Даниилдэ Бэлтэшаццаар, Ханаанияада Шадраах, Мишаһээлдэ Мэшаах, Азаарияада Абээд-Нэгоо.

Даниил 1:7 Referencias Cruzadas

Эхин 41:45

Хаан Иосифто Цапэнаат-Панэһаа гэжэ египет нэрэ үгөөд, Оон хотын дээдэ тахилшан болохо Поотипээрэй Асэнаат басагые һамган болгон үгэбэ. Удаань Иосиф Египедээр ябажа, байдал үзэн шэнжэлбэ.

4 Хаан түрэнүүд 23:34

Фараон Нээхо Ёшияагай хүбүүн Элиакиимые эсэгынь орондо хан шэрээдэ үргэмжэлөөд, тэрээндэ Ёякиим гэжэ шэнэ нэрэ үгэбэ. Тиигээд фараон Иохаазые Египет абаашаба. Тэрэ тэндэ наһа бараба.

4 Хаан түрэнүүд 24:17

Вавилооной хаан Ёякиимэй орондо Маттаанияа абгыень хаан болгожо, тэрээндэ Цэдэкиия гэжэ шэнэ нэрэ үгэбэ.

Даниил 1:19

Хаан тэдээнтэй хөөрэлдөөд, Даниил, Ханаанияа, Мишаһээл, Азаария гэгшэдые эгээл эрхимүүд гэжэ шэлэбэ. Иигэжэ тэдэ хаанай ордон соо алба хэдэг болоо бэлэй.

Даниил 1:3

Нэгэтэ хаан Иудын хаашуулай болон түшэмэл ноёдойнь үринэр болохо хүбүүдые асархыень түшэмэлнүүдэйнгээ ноён Ашпэнаазда даалгаба. Ямаршье эрэмдэггүй, сэбэр гоё, хурса ухаатай, һүбэлгэн, эрдэмтэй хүбүүдые тэрэ шэлэхэ ёһотой байгаа. Тэдэ хүбүүд хаанай ордон соо алба хэхэеэ шэлэгдэхэ һэн. Тиимэһээ тэдэниие Вавилоон зоной хэлэ бэшэгтэ һургаха тухай хаан хэлээ бэлэй.

Даниил 10:1

Персиин хаан Киирэй гурбадахи жэлээ зонхилжо байхада Бэлтэшаццаар гэжэ нэрэ зүүдэг Даниилда үзэгдэл – үнэн зүб мэдээсэл болон агууехэ ашаан – харагдаһан байна. Даниил тэрэ айладхал ойлгобо, үзэгдэлдөө харахадаа, тэрэниие ойлгоо бэлэй.

Даниил 2:26

Хаан Даниилда (тэрэ мүн лэ Бэлтэшаццаар гэжэ үшөө ондоо нэрэтэй бэлэй): – Минии хараһан зүүдэ, зүүдэнэйм удха ши хэлэжэ шадаха юм гүш? – гэжэ асууба.

Даниил 2:49

Харин Даниил хааниие гуйжа, Шадраахые, Мэшаахые болон Абээд-Нэгоое Вавилооной захирагшад болгожо, өөрөө хаанай хажууда үлөө бэлэй.

Даниил 4:5

Тииһээр одоо Даниил (минии бурханай нэрээр тэрэниие үшөө Бэлтэшаццаар гээд нэрлэдэг) ерэбэ. Бурханай нангин һүлдэ тэрээндэ халин оронхой, би тэрээндэ өөрынгөө зүүдэ хөөрэжэ үгэбэб:

Даниил 4:8

Тэрэ урга ургаһаар, томо боло болоһоор огторгой тулама үндэр болобо. Газар дэлхэйн алишье хаяаһаа тэрэниие харамаар бэлэй.

Даниил 5:12

Хаанай Бэлтэшаццаар гэжэ ондоогоор нэрлэһэн тэрэ Даниил угаа шанга һүлдэтэй, эрдэмтэй, зүүдэ тайлбарилха, нюуса зүйл ойлгуулха, хүрмөөтэй юумэ тайлаха ухаатай һэн. Одоол Даниилые дуудагты, тэрэл тайлбарилжа үгэхэ, – гэбэ.