Даниил 1:20 - Библи

²⁰ Ямаршье хэрэгээр зүбшэл заабари асуухадаа, эдэ хүбүүд хан түрэ соомни байгааша мэргэшүүлһээ, үзэлшэдһөө долоо дахин дээрэ гэжэ хаан шиидээ һэн.

Даниил 1:20 Referencias Cruzadas

Эхин 31:7

Харин тэрэ намай мэхэлдэг, хэлсэһэн түлөөһэеэ арба дахин хубилгадаг байгаа. Гансал Бурхан намда муу юумэ хүүлэдэггүй һэн.

Эхин 41:8

Үглөөгүүрынь тэрэ һанаата болоод, Египедэй хамаг мэдэлшэдые болон сэсэн мэргэн тайлбарилагшадые дуудан ерүүлээд, хараһан зүүдэеэ хөөрэхэдэнь, хэншье тэрэнииень тайлбарилжа шадабагүй.

Нэхэмьяа 4:12

Тэдэнэртэй хүршэ ажаһуугша иудейнүүд зүг бүхэнһөө манда ерэжэ, дайсанай маанад руу добтолхоёо байһан тухай һэргылжэ байгаа.

Иоов 19:3

Таанар намайе арба дахин доромжолбот, тэрээнһээ эшэхэгүй байна гүт?

Египедһээ гаралга 7:22

Египедэй эльбэшэд тиимэ эльбэ баһал хэжэ шадаба. Эзэнэй урид айладаһаар, фараон үсэрһөөр үсэржэ, Моисей ба Аһароон хоёрой үгэ дуулабагүй.

Египедһээ гаралга 8:19

Египедэй эльбэшэд «Энэ Бурханай гар ха даа» гэжэ фараондо хэлэбэ. Фараон үсэд зангаа хубилгабагүй, үгэ дуулабагүй. Эзэнэй урид айладаһаарнь лэ болобо.

Египедһээ гаралга 8:7

Үнөөхи эльбэшэд баһал тиимэ эльбэ хэхэ шадалаа харуулба – Египедэй газар дайда руу бахануудые эльгээбэ.

Исай 19:3

Би Египедэй зоной түсэбүүдые һалгаахаб, һүр һүлдыень доройтуулхаб. Тэдэ шүтөөнүүдтэ, үхэһэн зоной һүнэһэ дуудагшадта, үзэл үзөөшэдтэ хандаха.

Эзэкээл 28:3

Ши өөрыгөө Даниилһаа мэргэн ухаатайб, минии мэдэхэгүй юуншье байхагүй гэжэ тоолонош.

Даниил 1:17

Эдэ дүрбэн хүбүүдые Бурхан ухаатай, сэсэн мэргэн болгоо һэн. Тэдэ ном уншажа, эрдэмтэй болоо. Даниил үшөө элдэб үзэл үзэдэг, зүүдэ тайлбарилдаг шэдитэй һэн.

Даниил 2:13

Сэсэн мэргэшүүлые үгы хэхэ гэһэн зарлигай тунхаглагдахада, Даниил нүхэдтэеэ хамта мүн лэ усадхагдаха ёһотой байгаа.

Даниил 2:21

Үе сагуудые, жэлэй дүрбэн саг Тэрэ һэлгэдэг, хаашуулые хан шэрээһээнь буулгадаг, табидаг, сэсэн мэргэн ухаа ухаатайшуулда, боро ухаа һүбэлгэн зондо үгэдэг.

Даниил 5:17

Даниил хаанда: – Бэлэг-сэлэг шамдаа үлэг, шагнал ондоо зондо үгөөрэй. Бэшээшые би шамда миинтээр уншажа, удхыень тайлбарилжа үгэхэб.

Тоололго 14:22

Минии алдар солые, дүлгэ тэмдэгүүдые Египедтэ ба элһэн сүл губида хараашье һаа, Минии айладаһан захяа үгэнүүдые дуулаагүй, арба дахин Минии тэсэбэриие шалгаһан тэдэ бултадаа