Аввакуум 3:6 - Библи

⁶ Тэрэнэй зогсоходо, дэлхэй доһолбо. Харахадань, арадууд шэшэрбэ. Мүнхэ хада ууланууд хамхарба, эртэ урдын толгойнууд унаба. Эдэ хадаа Тэрэнэй эртэ урда сагта сэнгэдэг зүргэ замууд бэлэйл.

Аввакуум 3:6 Referencias Cruzadas

Эхин 49:26

Эзэн Бурхан намайе, Яков эсэгыешни, үбгэ эсэгэнэрһээмни үлүү ехээр үреэжэ, элбэг ехээр хэшэглээ. Тэрэнэй үреэл мүнхэ саһатай, мүльһэн голтой үндэр уулашье дабажа гараал. Иосиф хүбүүмни! Аха дүүнэрһээ холо байбашье, тэдэнээ даажа, туһалжа гараһан шинии магнай дээрэ энэ үреэл тамгалагдажа, үеын үедэ уг удамшни энээнһээ хүртэжэ ябахань болтогой!

Иоов 21:18

Тэдэ һалхинда хиидэхэ хатаһан һолоомо, хамагдаһан мэхиинэ мэтэ үгы болодог гэжэ үнэн гү?

Иоов 9:5

Уур хилэнсэгээрээ уула хабсагай бутаргахань Тэрээндэ юуншье бэшэ.

Псалманууд 103:17

Шубууд тэндэ уурхайлдаг, аист нарһан соо байрладаг.

Псалманууд 104:32

Бороогой орондо Тэрэ тэдээн руу мүндэр эльгэбэ, газар уһандань дүлэлзэһэн гал шэглүүлбэ.

Псалманууд 35:5

Тэрэ орондоо ороод, муу муухай хэрэг түсэблэдэг, буруу зам руу хадууран, бузар муухай хэрэгүүдһээ жэгшэдэггүй.

Псалманууд 68:16

Урасхалда намайе бү абтаагыт, гүн уһан намайе бү шэнгээг, Дээгүүрни нүхэнэй аман бү хаагдаг лэ.

Псалманууд 90:2

Эзэн тухай «Тэрэ болбол минии хорохо газар, минии цайза хэрэм, Бурхамни, найдални!» гэжэ хэлэгшэ,

Псалманууд 97:5

Ятагаар хүгжэмлэн, ятагаар дууряан, псалма дуулагты Эзэндэ!

Египедһээ гаралга 15:14

Арадууд бүгэдөөрөө дуулан, айжа һүрдэжэ байнал! Пилиштын зон һалганан байна,

Египедһээ гаралга 15:15

Эдоомой түшэмэлнүүд шэшэрэлдээ, Моһаабай удамаршад айдаһаа хүрэнхэй, Ханаһаан ороной зон ухаагаа алдатараа һүрдэнхэй.

Египедһээ гаралга 15:17

Нангин хададаа тэдэниие нютагжуулхат, Өөрын һууха байшан тэндэ баряат, тахил үргэлэй һүмэ бодхоот!

Египедһээ гаралга 19:18

Эзэнэй гал мэтээр буухада, Синай хада пеэшэн шэнги утаа гараад, доһолжо эхилбэ.

Египедһээ гаралга 21:31

Гэрэй эзэнэй хүбүү гү, али басагые буха мүргөө һаань, баһал тиигэжэ болохо.

Исай 51:6

Огторгой руу харагты, газарые шэртэгты! Огторгой утаа уняар мэтэ үгы болохо, газар хубсаһан мэтэ хуушарха, ажаһуугшадынь аляаһад мэтэ хосорхо. Харин Минии абарал хэтэ мүнхэдөө үргэлжэлхэ, Минии илалта хододоо оршохо.

Исай 51:8

Хибэндэ эдюулһэн хубсаһан мэтэ, хорхойдо эдюулһэн нооһон мэтэ тэдэ үгы болохо. Харин Минии илалта хэтэ мүнхэдөө мандаха, Минии абарал үеһөө үедэ дамжан байха».

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Наум 1:5

Хаданууд урдань шэшэрдэг, гүбээнүүд үгы болошодог. Газар дэлхэй Тэрэнэй урда доһолдог, оршолон юртэмсэ ба досоонь оршон ажаһуугшад бултадаа шэшэрэлдэдэг.

Аввакуум 1:12

Эзэмни, Та эртэ урда сагһаа хойшо Бурхан бэлэйт. Та минии нангин болон мүнхэ Бурхан мүн. Эзэмни, Хамгаалагшамни, Та маанадые хэһээхыень тэдэниие асараат.

Аввакуум 3:10

Хада ууланууд Таниие хараад, доһолон шэшэрбэ, аадар бороо адхарба. Газарай гүнэй уһан шууяжа, долгидынь үндэртэ хүрэн шааяба.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Лука 1:50

Өөртэнь бэшэрдэг, этигэдэг зониие үршөөл хайрадаа Тэрэ үеын үедэ хүртөөжэ байдаг лэ!

Хэрэгүүд 17:26

Бүхы дэлхэйгээр нютагжахынь тула амидарха саг болзорыень болон байрлаха хилэ хизаарыень тогтоон, ори ганса хүнһөө бүхы хүн түрэлхитэниие Тэрэ бүтээгөө.

Хуули дабталга 32:8

Дээдэ Бурхан газар дэлхэйе арадуудта хуби болгон хубаарилхадаа, хүн түрэлтэниие сасан тараахадаа, Израилиин улад зоной аша туһада арадуудай харьяата газарай хилэнүүдые табяа.

Хуули дабталга 33:15

эртэ урдын хадануудай оройһоо, хэтэ мүнхэ гүбээнүүдэй үндэрһээ эрхим дээжыень бэлэглэнэ,

Еврейнүүдтэ 13:8

Тэрэ этигэл һүзэгынь болохо Иисүүс Христоос үсэгэлдэр, мүнөөдэршье, хэтын хэтэдэ хубилхагүй.

Нүүнэй Иисүүс 10:42

Эдэ газарнуудай бүхы хаашуулые, тэдээнэй газарые Иисүүс нэгэл ябадалаар эзэлэн усадхаа; юундэб гэхэдэ, Эзэн, Израилиин Бурхан Израилиин түлөө тэмсээ.

Ударидагшад 5:5

Эзэнэй, Синай хадын Бурханай урда Эзэнэй, Израилиин Бурханай урда хаданууд дорьбон хүдэлөөл.