Аввакуум 3:10 - Библи

¹⁰ Хада ууланууд Таниие хараад, доһолон шэшэрбэ, аадар бороо адхарба. Газарай гүнэй уһан шууяжа, долгидынь үндэртэ хүрэн шааяба.

Аввакуум 3:10 Referencias Cruzadas

Нэхэмьяа 9:11

Тиигээд Та манай эсэгэнэрэй хараһаар байтар далайе дундуурнь таһалжа, тэдэниие далайн оёороор гаталуулаат, харин намнагшадыень гүнзэгы уһа руу хаягдаһан шулуун шэнгеэр Та шэнгээн хосороогоот.

Псалманууд 104:32

Бороогой орондо Тэрэ тэдээн руу мүндэр эльгэбэ, газар уһандань дүлэлзэһэн гал шэглүүлбэ.

Псалманууд 148:7

Газар дээрэһээ Эзэниие магтагты, далайн амитад ба далай гүн уһан,

Псалманууд 18:15

Минии Хабсагай, минии Абарагша болохо Эзэн! Аманһаамни гарагша үгэнүүд, сэдьхэлэймни бодолнууд Танда тааламжатай байхань болтогой!

Псалманууд 65:13

Нангин үргөө руутнай түгэс шатаалта үргэлтэй ерэхэб, урдатнай тангаригаа бэелүүлхэб.

Псалманууд 66:6

Бурхан! Арадууд Таниие магтаг лэ! Бүхы арадууд Танда магтаал үргэг!

Псалманууд 93:3

Хэды болотор хорото муу зон, хорото муу зон хэды болотор баясан байхаб?

Исай 43:20

Өөрынгөө шэлэһэн арад зониие ундалуулхын тула хооһон тала газарта уһа үгэжэ, элһэн сүл губида гол урдахуулхадам, хээрын ан арьяатаншье Намайе хүндэлхэ, сүүбэн шоно, тэмээн хяруулшье Намайе магтахал.

Исай 55:12

Таанад баяртайгаар гаран ошохот, амар амгалан үдэшүүлхэт. Уула гүбээнүүд баярлан дуулалдаха, талын бүхы модод альгаа ташаха.

Ерэмияа 4:24

Хада уула руу харахадам, доһолжо-шэшэржэ байба. Мүн бүхы добо толгойнууд урагша-хойшоо хүдэлжэ байба.

Михей 1:4

Галһаа зулын тоһоной хайладагтал, хаданууд Тэрээн доро хайлахал. Эгсэ газарһаа унадаг уһандал, нюруу хүндынүүд үгы болохол.

Наум 1:5

Хаданууд урдань шэшэрдэг, гүбээнүүд үгы болошодог. Газар дэлхэй Тэрэнэй урда доһолдог, оршолон юртэмсэ ба досоонь оршон ажаһуугшад бултадаа шэшэрэлдэдэг.

Аввакуум 3:6

Тэрэнэй зогсоходо, дэлхэй доһолбо. Харахадань, арадууд шэшэрбэ. Мүнхэ хада ууланууд хамхарба, эртэ урдын толгойнууд унаба. Эдэ хадаа Тэрэнэй эртэ урда сагта сэнгэдэг зүргэ замууд бэлэйл.

Матвей 27:51

Тиихэдэнь Һүмэдэ Хамагай Нангин газарта ороходо үлгөөтэй байһан хүшэгэ дээрэһээ доошоо шууража, хоёр боложо хахарба, газар хүдэлбэ, шулуунууд хамхарба,

Матвей 8:24

Гэнтэ далай ехээр долгилжо, долгинууд онгосыень хушан, шэнгээн алдаба. Тэрэ үедэ Иисүүс унтажа байгаа.

Еврейнүүдтэ 11:29

Этигэл һүзэгөөрөө израильшууд Улаан далайе хуурай газар мэтэл гаталба, харин египедэй сэрэгшэдэй тон тиимээр гаталхаяа һэдэхэдэнь, уһан хана тэдэниие хушаба.

Нүүнэй Иисүүс 4:18

Эзэнтэй баталһан хэлсээнэй ханза тэлэжэ ябаһан санаартанай Иорданһаа гарахада, тэдэнэй хүлэй үльмын хуурай газар гэшхэхэтэй адли Иорданай уһан һаба руугаа хааян, үсэгэлдэр, гурбан үдэрэй саана урдагшадаал адли эрьеһээ халин урдаба.

Гэршэлгэ 16:12

Зургаадахи Эльгээмэл өөрынгөө аяга соохиие асари ехэ Евфрат мүрэн руу адхаба. Тиихэдэнь тэрэ мүрэн хатажа, Зүүн зүгэй хаашуулай хуурай газараар ябаха харгы гаргагдашаба.

Гэршэлгэ 20:11

Тиигээд би сагаан үнгэтэй асари томо хаан шэрээе, тэрэ шэрээ дээрэ Һуугшые харабаб. Шэрээдэ Һуугшын байһан ушарһаа газар тэнгэри хоёр тэрьелэн далда орошобо: тэрэ хоёрой һууха һуури байгаагүй.

Гэршэлгэ 6:14

Огторгой тэнгэри гээшэ орёоһон саарһан мэтээр монсогойршобо, бүхы хада ууланууд, арал олтирогууд өөһэдынгөө һууринуудһаа хүдэлшэбэ.