Аввакуум 1:8 - Библи

⁸ Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ.

Аввакуум 1:8 Referencias Cruzadas

Иоов 9:26

Хүнэй амидарал гээшэ уһан дээгүүр һолжорһон хулһан онгосонууд мэтэ, олзодо шунаһан бүргэдэй дайраад гараһан мэтэ нюдэ сабшаха зуурын хэрэг.

Исай 11:14

Хамта тэдэ баруун зүгтэ пилиштүүдэй гүбээнүүдтэ добтолхо, зүүн зүгтэ ажаһуугшадые тонохо. Эдоом болон Моһааб руу гараа һунгаха, Аммооной зон тэдээнэй мэдэлдэ орохо.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 48:40

Эзэнэй айладхаһанай ёһоор, ондоо арад түмэн Моһаабта даляа дэбиһэн бүргэд мэтээр добтолон орохо.

Ерэмияа 5:6

Тиимэ ушарһаа ойн арсалан тэдэниие алажа, сүл губиин шоно тэдэниие хюдаха, ирбэс хотонуудайнь хажууда амадан байха, хотонуудһаа гараһан хүн бүхэн таһа татуулха. Юуб гэбэл, тэдэнэй нүгэл ехэ, Бурханһаа буруу хараха ушарынь олошороо.

Ерэмияа 50:42

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Эзэкээл 17:12

– Һургаалта үгын далда удхые ойлгоо гүт гэжэ Израилиин тэрэ үсэд зонһоо асуу. Вавилооной хаан Иерусалим руу ерэжэ, Иудын хааниие түшэмэл ноёдтойнь хамта баряад, Вавилоон руу туун абаашаа гэжэ тэдээндэ дуулга.

Эзэкээл 17:3

Минии, Эзэн Бурханай, айладхаһые тэдэнэй ойлгохоор хөөрөөрэй. Зай, мантан далинуудтай, үнгэтэ үдэнүүдтэй угаа томо бүргэд нэгэтэ Ливаан руу ниидэбэ. Хуша модоной орой тэрэ хухалаад,

Эзэкээл 26:11

Морёор үйлсэнүүдээр үнгэрхэдөө, тэдэ шоройе үнэһэн тобороог болгохо, улад зониие һэлмээр сабшан усадхаха, хүсэ шадалай һүлдэ хүшөөнүүдые газар руу унагаан һандаргаха.

Һошээ 8:1

Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Наум 2:5

Шилдэг сэрэгшэдынь бүдэрэн яаража захиралтаар гүйлдэнэ, хотын хэрэм хана руу шуумайжа, хамгаалалта бэлдэнэ.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Матвей 24:28

Үхэһэн бэеын хэбтэһэн газарта бүргэд шубууд сугларха.

Лука 17:37

– Багша аа! Иимэ юумэн хаана болохоб? – гэжэ шабинарынь Иисүүсһээ һураба. – Үхэһэн бэеын хэбтэһэн газарта бүргэд шубууд сугларха, – гэжэ Иисүүс харюусаба.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.