Авдии 1:21 - Библи

²¹ Илагшад Сион уула ерэжэ, Эсаавай уулын зониие шүүбэрилхэ, хан түрэ Эзэнэй болохо.

Авдии 1:21 Referencias Cruzadas

Эхин 25:23

Эзэн тэрээндэ иигэжэ харюусаба: – Умай соохи хоёр хүүгэдһээш хоёр ондоо арад болбосорон бүрилдэхэ. Нэгэниинь үлүү хүсэтэй боложо, ахань дүүгэйнгээ зараса болохо.

4 Хаан түрэнүүд 13:5

Эзэн Израилиие абархын түлөө абарагшые эльгээжэ, израильшуудые Араамай дарлалтаһаа сүлөөлбэ. Тиихэдэнь израильшууд урдандаа байһан шэнги өөһэдынгөө орон нютагта амгалан тайбан ажаһуудаг болобо.

Нэхэмьяа 9:27

Тиигээд Та тэдэниие дайсадайнь һабарта оруулаат, эдэнь бултыень хашажа эхилбэ. Тэдэнэр аргагүй хүндэ байдалда ороходоо, Таниие дуудажа эхилбэ, Та огторгойн уудамһаа дуулабат. Та Өөрынгөө нигүүлэсхы агуу сэдьхэлһээ тэдэнэртэ абарагшадые эльгээбэт, тэдэ дайсадһаань сүлөөлбэ.

Псалманууд 102:15

Хүнэй наһан гээшэ үбһэнэй наһандал адли, тэрэ хээрын сэсэг шэнги ургажа хагдардаг.

Псалманууд 47:7

Тэдэ шэшэрэлдэбэ, түрэжэ байгаа эхэнэр мэтэ ехэ үбдэбэ,

Псалманууд 67:4

Харин үнэн шударга зон хүхиг! Бурханай урда тэдэ баярлаг, хүхилдэн хөөрэн байг лэ!

Исай 19:20

Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.

Исай 24:23

Түмэн Сэрэгтэ Эзэнэй Сион хада уулаһаа Иерусалимые зонхилон-захиран хаан шэрээ эзэлжэ залархада, һүр жабхалангынь арадай удамаршадай урда угаа ехээр яларжа-толоржо, һара, наранай гэрэл тэрэниие диилэжэ шадахагүй.

Даниил 12:3

Сэсэн ухаатайшуул тэнгэриин мандалай туяа гэрэлдэл яларха, зүб шударга хэрэгүүдтэ зониие һургагшад огторгойн одод мэтэ хододоо, мүнхэдөө яларха!

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Ёһээл 2:32

Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Михей 4:7

Тэрэ дохолон һалга, холуур тараагдаһан зониие хүсэтэй шанга арадай эхи табигшад болгохоб. Энэ сагһаа эхилэн, хэтэ мүнхэдөө Сион хада уулаһаа Би тэдэниие хааншалан зонхилон байхаб».

Захарияа 14:9

Тэрэ үдэр Эзэн бүхы дэлхэйн хаан боложо, Эзэн ганса, Тэрэнэй нэрэнь ганса байха.

Матвей 6:10

Хаан түрэтнай мандахань болтогой, тэнгэри огторгойтойл адляар газар дэлхэй дээрэшье эрхэ хүсэлтнай бэелхэнь болтогой!

Матвей 6:13

Горидолго хорхойтуулгада маниие бү оруулыт даа, муу мэхэтэй шолмосһоо аршалжа байгыт даа! Хаан түрэ, хүсэ шадал, алдар соло мүнхэдөө Танай ха юм. Болтогой!

Лука 22:30

Таанад хаан орондомни шэрээдэ һуугаад, Намтай эдижэ, уужа байхат. Таанад хаан шэрээдэ һуугаад, Израилиин арбан хоёр угсаатаниие шүүбэрилхэт.

Тимофейдэ 1-дэхи 4:16

Ажабайдалдаа, һургажа байһан юумэндээ анхаралаа хандуула. Тиигэжэ байбал, ши өөрыгөөшье, өөрынгөө шагнагшадыешье абархаш.

Яковай хандалга 5:20

нүгэлтэниие буруу харгыһаань холодуулһан хүн тэрэниие үхэлһөө аршалжа, тэрэнэй олон нүгэлынь хүлисүүлбэ гэжэ мэдэг.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 19:6

Аргагүй олоороо хүнүүдэй суглараад дүүелдэжэ байһан шэнги гү, али уһан хүүюурэй шууяжа, шангаар тэнгэри дуугаржа байһан шэнги иимэ абяан намда дуулдаба: – Бурханда магтаал соло! Хамагые зонхилогшо Эзэн Бурхамнай засаг түрөө абаба!

Гэршэлгэ 20:4

Зарга шүүбэри хэхэ эрхэтэй хүнүүдэй һууһан хаан шэрээнүүдые харабаб, мүн Иисүүс тухай, Бурханай Үгэ тухай гэршэлһэнэйнгээ түлөө толгойгоо таһа сабшуулаашадай һүнэһэнүүдые, арьяатанда, тэрэнэй хүрэг дүрсэдэ һүгэдэн мүргөөгүйшүүлэй, духадаа гү, али гартаа тэрэ арьяатанай тамга табюулаагүйшүүлэй һүнэһэнүүдые би харабаб. Тэдэнэр дахин амидыруулагдажа, мянган жэл соо Христоостой хамта зонхилжо байгаа.

Ударидагшад 2:16

Тиихэдэнь Эзэн тэдэнэй дундаһаа ударидагшадые һунган шэлэжэ, тэдэнээ ударидагшад гэжэ нэрлэбэ. Тэдэ ударидагшад тонон дээрмэдэдэг дайсадһаа израильшуудые аршалан хамгаалдаг болобо.

Ударидагшад 3:9

Эзэнһээ израильшуудай туһа эрин мүргэхэдэнь, Эзэн Халээбэй дүү хүбүүнһээ гараһан Кэнаазай хүбүүн Отниһээлые тэдээндэ эльгээбэ. Тэрэ израильшуудые дайсадһаа аршалан абарба.