Авдии 1:10 - Библи

¹⁰ Ши Яков дүүгээ харшалһанай түлөө муу сууда гарахаш, хэтэ мүнхэдөө хосорхош.

Авдии 1:10 Referencias Cruzadas

Эхин 27:11

– Тиигэжэ болохо гү? Эсаав ахын бэе үһэ ехэтэй, – гэжэ Яков харюусаба. – Харин минии бэе тиимэ үһэгүй.

Эхин 27:41

Эсэгын үреэл мэхээр абаһандань Эсаав Яковта хороо бусалжа, «эсэгэмнай удахагүй наһа бараха, тиихэдэнь би Яковые алахаб» гэжэ досоогоо шэбшэбэ.

Псалманууд 137:7

Зоболонгой дунда минии ябаашье һаа, Та намайе амидыруулхат, дайсадайм уур хилэнгэй урдаһаа гараа һунган һарбайхат, баруун гартнай намда абарал асарха.

Һургаал 10:6

Үнэн ёһото хүнүүд үреэлдэ хүртэдэг, харин хара һанаатанай аманда – хүсэрхэл.

Һургаал 17:5

Ядуу хүниие баһамжалагша Бүтээгшые доромжолно. Гай тодхорто баясагша хэһээлтэ абаха.

Ерэмияа 12:14

Эзэн иигэжэ айладхана: – Минии арад түмэн болохо Израильда заяаһан газар орондом добтологшо хүршэнэр тухайнь: хараарайгты, ургамал үндэһөөрнь таһа татажа гаргаһандал, Би тэдэниие газар нютагһаань гаргахаб, Иудын хан түрые тэдээнһээ абархаб.

Ерэмияа 3:25

Эшхэбтэр муу байдалда орожо, доромжолуулан һалаха ёһотойбди. Бидэ болон элинсэг хулинсагнай саг үргэлжэ Эзэн Бурханайнгаа урдаһаа нүгэл үйлэдэжэ байгаабди, Тэрэнэй үгэ дуулаагүйбди.

Ерэмияа 49:13

Боцраа хото үзэмжэгүй муухай, зэлүүд хооһон болохо гэжэ Би тангариглаа һэм. Зон тэрэниие доромжолон наадалжа, хараал хэлэхэдээ нэрыень дурдадаг болохол. Дүтын һууринууд хэтэ мүнхэдөө һандаргагданхай үлэхэ. Энэ болбол Би, Эзэн, айладхана мүн!

Ерэмияа 51:51

Таанад хэлэхэдээ, «бидэ доромжолуулагдаабди, эшээбди, ямаршье хүсэгүй байнабди, юуб гэхэдэ, хариин зон Эзэнэй Һүмэдэ нангин газарнуудые бузарлаа» гэнэт.

Гашуудал 4:21

Ууц нютагта һуугша Эдоомой басаган, баясан, баярлан бай! Аяга шам руушье тойрон ерэхэ! Һогтожо, өөрыгөө нюсэгэлхэш!

Гашуудал 4:22

Сионой басаган! Хэһээлтэшни дүүрэхэ, Тэрэ сүлөөлгэдэ эсэс табиха! Эдоомой басаган! Тэрэ шамайе нүгэлэйш түлөө хэһээхэ, гэм зэмыш эли болгохо!

Эзэкээл 35:9

Газар уһантнай хэтэ мүнхэдөө хооһон байха, хотонуудаартнай хэншье дахин ажаһуухагүй. Эгээл тиихэдэ Намайе Эзэн гэжэ ойлгохот.

Эзэкээл 7:18

Тэдэ өөһэдыгөө таараар орёон, айжа шэшэржэ байха. Толгойнуудынь хюһаатай, ехэ доромжолуулагданхай тэдэ байха.

Ёһээл 3:19

Иудын хүбүүдые харшалан, орон нютагтань гэмгүй зоной шуһа урадхуулһанай түлөө Египет һүнэһэн газар, Эдоом хооһон дайда болохо.

Амоос 1:11

Эзэн иигэжэ айладхаа: Эдоомой улад зон гэмээ нэмээһээр. Шиидхэһэнээ Би болюулхагүйб. Һэлмэ гартаа далайнхай, аха дүүгээ намнаһанайнь, түрэл гэжэ хайрлаагүйнь, хододоо уур сухалтай хэрзэгы ааша гаргажа, хилэнсэглэн байһанайнь түлөө

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Хуули дабталга 23:7

Эдоом арадые шоо бү үзэгты, юуб гэхэдэ, тэдэнэр таанадтай аха дүү арадууд болохо. Египедэй арад зониие мүн лэ шоо бү үзэгты, юуб гэхэдэ, таанад тэдэнэй газар дайдада ерүүл зон байгаа ха юмта.

Хуули дабталга 23:8

Тэдэнэй гурбадахи үеын үхибүүд Эзэнэй улад зоной дунда тоологдохо аргатай.