Амоос 9:12 - Библи

¹² Эдоомой үлдөөсэ зонһоо болон бусадһаа газар буляан абажа, арад түмэндөө дамжуулхаб. Бусад угсаатан бултадаа Минии хүнүүд болохоор дуудуулһан гээшэ! Эдэ бүгэдые бултыень үйлэдэдэг Би, Эзэн, айладажа байнам!

Амоос 9:12 Referencias Cruzadas

Эхин 27:29

Дэлхэйн олон арадууд шамда ажал хэхэнь, урдашни мүргэн һүгэдэхэнь болтогой! Тэрээнһээ гадна аха дүүгээ, түрэл саданаа ши захадан зонхилжо, үри һадаһадшни үеһөө үедэ тэдээндэ хүндэлүүлжэ байхань болтогой! Шамай хараагшадта өөһэдтэнь хараалынь шэнгэг, шамай үреэгшэд өөһэдөө үреэлдэ хүртэг!

Эхин 27:37

Исаак харюусаба: – Хүбүүмни! Эзэн Бурханһаа гуйжа абаһан үреэлэй ёһоор, дүүшни шинии эзэн болоо. Тэрээнһээ гадна бүхы түрэл гаралнай тэрэнэй мэдэлэй болобо. Ургаса таряагаар, жэмэсэй архяар тэрэ дуталдахагүй. Шамдаа, хүбүүмни, юугээрээ мүнөө туһалхабиб даа.

Псалманууд 60:8

Тэрэ Танай урда хэтэдээ һууг лэ, энэрэл хайра болон үнэн зүбтнай тэрэниие хамгаалаг лэ.

Исай 11:14

Хамта тэдэ баруун зүгтэ пилиштүүдэй гүбээнүүдтэ добтолхо, зүүн зүгтэ ажаһуугшадые тонохо. Эдоом болон Моһааб руу гараа һунгаха, Аммооной зон тэдээнэй мэдэлдэ орохо.

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Исай 63:19

Танай хэзээдэшье ударидаагүй, мүн тиихэдэ Танай арад түмэн гэжэ хэзээдэшье нэрлэгдэжэ байгаагүй зондол адли болобобди.

Исай 65:1

Эзэн иигэжэ айладхана: Намайе гуйгаагүй зондо Би Өөрыгөө элирхэйлээб, Намайе бэдэрээгүйшүүлдэ Өөрыгөө олуулааб. Нэрыем дуудаагүй арад зондо «Би эндэ байнаб! Би эндэб!» гэжэ байгааб.

Ерэмияа 14:9

Юундэ Та тээлмэрдэһэн хүн мэтэ, абаржа шадахагүй баатар мэтэ болоод байнабта? Гэбэшье Та бидэнтэй хамтат, бидэ Танай арадбди, маанадые бү орхиит!»

Ерэмияа 15:16

Танай үгөөр үл хоол хэжэ байгааб, үгэ бүхэнтнай намда баяр асардаг, зүрхэ сэдьхэлыем сэнгүүлдэг юм. Би дууһан Танайб, Түмэн Сэрэгтэ Эзэн Бурхан!

Ёһээл 3:8

Би таанадай хүбүүд басагадые Иудын арадта худалдахаб, тэдэ дам саашань холын сэбаа угсаатанда худалдаха». Эзэн энээниие айладхаа.

Малаахи 1:4

«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».

Хэрэгүүд 15:17

Тиихэдэ Минии хүнүүд болохоор дуудуулһан бусад яһатан болон ондоошье улад зон Эзэниие бэдэрхэ. Эртэ урда сагһаа энээн тухай дуулгаһан Эзэн иигэжэ хэлэнэ».