Амоос 9:11 - Библи

¹¹ Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Амоос 9:11 Referencias Cruzadas

Иоов 1:10

Та тэрэниие, орон гэр, зөөри хамагыень хэрэм мэтээр хорёолон хамгаалаа бэшэ аалта? Та тэрэнэй ажал үйлэ үреэн арьбажуулаат, зөөри баялигынь, мал һүрэгынь ехэ боложол байна.

Псалманууд 143:5

Эзэн, тэнгэринүүдээ тонгойлгоод доошоо буугыт, хадануудта гар хүрыт, утаан гараг.

Псалманууд 80:12

Теэд арад түмэмни Намайе дуулабагүй, Израиль Намайе дахабагүй.

Исай 16:5

Тиихэдэнь хан шэрээ үнэн сэхээр бата болохо, тэрээн дээрэ, Давидай майхан соо үнэн зүб шүүгшэ заларха. Тэрэ үнэн зүбые баримталан хэрэгүүдые үйлэдэхэ, зүб шударгаар хэрэгүүдые шиидхэхэ.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 58:12

Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Исай 63:11

Тиихэдэнь арад түмэниинь Моисей гэгшын ажаһууһан урданай саг һанажа, иигэжэ асуун байба: «Өөрын арад түмэниие удамаршатайнь хамта тэнгис далайһаа гаргагша Эзэн хаанаб? Удамаршадань Өөрын Арюун Һүлдэеэ үгэгшэ Эзэн хаанаб?

Исай 65:9

Яковта үри үршөөхэб. Иудын уг удамынь хадалиг Минии орон нютагые үеһөө үедэ эзэлэн байха. Намда мүргэдэг зон тэндэ ажаһууха.

Ерэмияа 18:9

Алишье сагта ямар нэгэ үндэһэтэниие, үгышье һаа, хан түрые байгуулха, үндэһэлэн һуурижуулха тухай айладхал буулгажа болохоб.

Ерэмияа 30:9

Харин Намда, Өөрынгөө Эзэн Бурханда, мүн Минии хан шэрээдэ һуулгаһан Давидай уг удамда тэдэ алба хэжэ эхилхэл.

Ерэмияа 46:26

Алахаяа һанажа тэрэниие бэдэрэгшэ зоной һабарта – Вавилооной хаан Навуходоносорто болон тэрэнэй сэрэгтэ тэдэниие дамжуулхаб. Теэд һүүлдэнь Египедтэ улад зон урданайхидаал адляар дахин ажаһуужа эхилхэ. Энэ болбол Би, Эзэн, айладхана мүн!

Гашуудал 5:21

Эзэн! Маанадые Өөр тээшээ эрьюулыт, бидэ эрьехэбди! Урдандаал адли үдэрнүүдыемнай бусаагыт!

Эзэкээл 17:24

Хээрын бүхы модод Намайе Эзэн гээд мэдэдэг болохо. Үндэр модо набтар болгоноб, набтар модо үндэр болгон ургуулдагби. Ногооржо байгша модо хатаанаб, хатаһан хуурай модо һагсайлган ургуулдагби. Эзэн Би айладхабал, тэрэнээ заабол бэелүүлдэгби!

Эзэкээл 36:11

Улад зон, адууһа мал олошорхо, үнэржэн үдэн байха. Иигэжэ таанад хаясаанай бэшэ, олон зоной орон нютаг болохот. Би таанадые урданһаа үшөө ехээр үршөөхэб. Тиихэдэм Намайе Эзэн гээд мэдэдэг болохот.

Һошээ 3:5

Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Авдии 1:17

Гэбэшье Сион уулада зондо абарал ерэжэ, тэрэ уула арюун болохо. Яковай удам өөрын зөөри эзэмшэхэ.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Михей 7:11

Иерусалимай улад зон, хотын ханануудые заһабарилха үдэр ерэхэнь. Энэ сагта танай хилэнүүд үргэдхэгдэхэ.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Михей 7:8

Минии дайсан, намһаа боложо бү баяса! Би хэды унаашье һаа, бодохоб. Харанхыда хэды байгаашье һаам, Эзэн минии гэрэл юм.

Захарияа 12:7

Давидай удамай алдар, Иерусалимда һуугшадай суу алдар Иудаһаа үлүү байхагүйн тулада Эзэн түрүүн Иудын майхануудые абарха.

Захарияа 14:10

Тэрэ үдэр Иерусалимай үмэнэ оршоһон Гээбэһээ Риммоон хүрэтэр газар тала болон хубилбашье, Иерусалим үндын һэргэхэ, Бэньямиинэй хаалгаһаа нэгэдэхи хаалгын газарай углуугай хаалга хүрэтэр, Хананээлэй шулуун барилгаһаа хаанай уһан үзэмэй шахуур хүрэтэр баригдан бодохо.

Захарияа 6:12

Тэрээндэ иигэжэ хэлэ: Түмэн Сэрэгтэ Эзэн иигэжэ айладажа байна: Тэрэ эрын нэрэ – Угай түлөөлэгшэ. Түлөөлэгшын угайнь һалаа урган олошоржо, Эзэнэй Һүмэ бүтээхэ.

Тоололго 24:18

Израиль хүсэтэй болохо, Эдоомой газар тэрэ эзэмдэхэ, өөрынгөө дайсан Сэһиирэй газар эзэмдэхэ.