Амоос 7:8 - Библи

⁸ Эзэн намһаа: – Юу хаража байнаш, Амоос? – гэжэ асууба. – Хүнгэн сагаан түмэр, – гэбэб. – Өөрын арад түмэн Израилиие удахагүй хүнгэн сагаан түмэр мэтэ болгохоб! Би тэдэниие дахин хүлисэхэеэ болёоб.

Амоос 7:8 Referencias Cruzadas

4 Хаан түрэнүүд 21:13

Самариие, Ахаабай гэрые хэһээһэндэл тон адляар Би Иерусалимые хэһээхэб. Би амһарта угаажа аршаад, амһарынь доошонь харуулжа табигшадал, Иерусалимые урбалдуулхаб.

Исай 28:17

Һууриин шулууе хэмжэхэ шугам хадаа шударга ёһо болохо, тэрээниие тодоруулан харуулһан зурлаа хадаа үнэн зүб болохол. Танай худал хуурмагай хорохо газар шуурган мүндэртэ үгы хэгдэхэ, уһан үер аюулгүй байдалыетнай таһалдуулха.

Исай 34:11

Турлаагууд, шара шубууд, уулинууд, хирээнүүд Эдоомой газар дайда эзэлхэ. Эзэн энэ газарые ямаршье хэбэргүй, хооһон болгохо.

Ерэмияа 15:6

Намайе орхижо, буруу харабат. Тиимэһээ Би таанадые усадхааб. Тэсэбэрим һалаа!

Гашуудал 2:8

Эзэн Сионой ханануудые һандаргааха гэжэ шиидээ, газартай адли болгоно, эсэхэ сусахаяа мэдэхэгүй һалгаана. Бүхэлэлтэ болон хананууд гашуудана, гай гасаланда нэрбэгдээ.

Һошээ 1:6

Удаань һамганиинь дахин хээлитэй боложо, басага түрэбэ. Эзэн Һошээдэ: – Басагандаа Ло-Рухамаа гэжэ нэрэ үгэ. Юуб гэхэдэ, Израилиин уладые Би бэшэ хайрлажа, хүлисэжэ байхагүйб.

Амоос 7:7

Тэрэ намда иимэ үзэгдэл үзүүлбэ: Эзэн Өөрөө хүнгэн сагаан түмэр ханын дэргэдэ байна, гартань хүнгэн сагаан түмэр.

Амоос 8:2

Тэрэ: – Юу харанаш, Амоос? – гэжэ асууба. – Эдеэшэһэн жэмэс араг соо байна, – гэжэ харюусабаб. – Минии арад түмэн Израилиин хэһээлтэ амасаха сагынь тулаа! Би бэшэ тэдэниие хүлисэхэгүйб, – гэжэ Эзэн намда айладаа бэлэй.

Михей 7:18

Тандал адли нэгэшье Бурхан байхагүй. Та Өөрынгөө уг залгамжалгын хубида – Өөрын арадһаа амиды мэндэ үлэһэн маанарта нүгэлыемнай хүлисэнэт. Та хэтэ мүнхэдөө уурлажа байдаггүйт, хайрлаха, энэрэл үзүүлхэ дуратайт.

Захарияа 4:10

Долоон дэн тухай хэлээ һэмнайб. Эдэ хадаа Эзэнэй хамаг дэлхэйе шобто харадаг нюдэд гээшэ. Зэрубабээлэй гарта байһан тэгшэлүүр тээшэ баяртайгаар хаража байһан энэ үдэрые хэн шухала бэшэ гэжэ хэлэхэб даа, – гэжэ Эльгээмэл хэлэбэ.

Захарияа 4:2

– Юу харанаш? – гэжэ тэрэ намһаа асууба. – Сула алтаар хэһэн дэнгэй табюур, тэрээн дээрэ томо аяга байна, аяга дээрэ долоон сүгсэ, тус тустаа долоон голтой.

Захарияа 5:2

– Юу харанаш? – гэжэ Эльгээмэл асууба. – Ниидэжэ ябаһан хуйламал бэшэг харанаб. Утаараа хорин тохой, үргэниинь арбан тохой, – гэжэ харюу үгэбэб.