Амоос 7:17 - Библи

¹⁷ Тиимэһээ Эзэн иимэ айладал дуулгана: «Һамганшни янхан эхэнэр болохо, үхи хүүгэдшни һэлмээр усадхагдаха, газар хэмжэгшэ газарыеш бусадта хубаан тарааха, өөрөө ши нангин бэшэ газарта хосорхош. Израиль баряанда хариин дайда руу туугдаха!»

Амоос 7:17 Referencias Cruzadas

4 Хаан түрэнүүд 17:6

Һошээгэй юһэдэхи жэлээ хан шэрээдээ һуухада, Ассириин хаан Самариие эзэмдэн абаба. Тиигээд тэрэ израильшуудые Ассири туужа асараад, Гозаан дээгүүр урдадаг Хабуур голой эрьедэхи Халаада, мүн баһа Мидиин хотонуудта нютагжуулха гэбэ.

Исай 13:16

Хараһаар байтарынь нарай үхи хүүгэдынь үхэтэрөө сохюулха, гэр байрануудынь тоногдохо, һамгадынь хүсөөр эдлүүлэгдэхэ.

Исай 22:18

бүмбэгэ мэтээр шанга эрьелдүүлэн, танай орон нютагһаа үшөө ехэ орон нютаг руу хаяха. Үзэсхэлэнтэ тэргэнүүдшни тэндэ үлэхэ, ши өөрөө тэндэ үхэхэш. Ши өөрынгөө эзэнэй гэрэй эшэхэ зүйлынь болоод лэ һалахаш.

Ерэмияа 14:16

Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 20:6

Шам тухай хэлэхэ болоо һаа, Пашхуур, ши гэр бүлөөрөө олзо болон Вавилоон руу баряанда ошохош. Тэндэ ши буулгаһан хуурмаг абаралнуудыешни соносодог нүхэдтэйгээ хамта үхэхэш, тэндээл хүдөөлүүлэгдэхэт», – гэжэ айладхал буулгабаб.

Ерэмияа 28:12

Энээнэй удаа Эзэн намда:

Ерэмияа 28:16

Тиимэ ушарһаа Эзэн шамайе газарай хүрьһэн дээрэһээ үгы хэхэ. Энэл жэлдээ ши үхэхэш, юундэб гэбэл, Эзэнэй урдаһаа эсэргүүсээш. Эзэн Өөрөө энээн тухай айладхал буулгаа! – гэжэ хэлэбэб.

Ерэмияа 29:21

Минии нэрэ хэрэглэн, таанадта худал юумэ соносходог Холайяагай хүбүүн Ахааб болон Маашэяагай хүбүүн Цэдэкиия гэгшэдые Вавилооной хаан Навуходоносорой мэдэлдэ үгэхэб, тиихэдэм тэрэ тэдэниие хараһаар байтартнай алаха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Гашуудал 5:11

Сиондо эхэнэрнүүд, Иудын хотонуудта басагад хүсөөр эдлүүлэгдэнэ.

Эзэкээл 4:13

Эзэн Бурхан үргэлжэлүүлэн иигэжэ айладхаба: – Хариин арад зон руу Минии сүлэн эльгээхэдэ, Израилиин арад түмэн иигэжэ гажа буруу юумэ хэжэ, сээртэй бузартай эдеэ хоол тэндээ иигэжэ барижа байхал.

Һошээ 9:3

Эзэнэй үршөөһэн газарһаа тэдэ гаран ошохо баатай болохо, Эпрааим һөөргөө Египет руу бусаха, Ассиридэ сээртэй хоол эдин байха.

Амоос 6:7

Тиимэһээ таанад эгээл түрүүн туугдахат. Тэндэ хэбтэжэ байха арга таанадта олдохогүй!

Амоос 7:11

«Еробоһаам һэлмээр сабшагдаха, Израиль хариин газар руу баряанда ошохо», – гэжэ Амоос хэлэжэ байна.

Амоос 8:1

Эзэн Бурхан намда иимэ үзэгдэл үзүүлбэ: эдеэшэһэн жэмэс араг соо байна хэбэртэй.

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!

Амоос 9:8

Би, Эзэн Бурхан, Өөрын харасаа энэ нүгэлтэ хан түрэ руу шэглүүлбэб! Газарай хүрьһэнһөө энэ хан түрые үгы хэхэб, гэбэшье Яковай гэр бүлэ усадхахагүйб.

Михей 1:16

Иудын улад зон, баяр баясхалантнай болохо хүбүүд тухайгаа гашуудан үһөө тайрагты, хөөбэрлэжэ байгаа бүргэд мэтэ халзан өөһэдыгөө болгогты, юуб гэбэл, хүүгэдтнай таанадһаа таһаран, сүлэлгэ руу туугдаха.

Захарияа 14:2

«Би Иерусалимда эсэргүүсэхын тула бүхы үндэһэтэниие суглуулхам. Тэдэ хотые эзэлжэ, гэрнүүдые тонохо, эхэнэрнүүдые хүсэрхэн, хахад зонииень сүлэлгэдэ туужа абаашаха. Үсөөхэн лэ зон хото соо үлэхэ».