Амоос 6:2 - Библи

² Калнээ ошоод харыта, агууехэ Хамаат руушье ошыт, Пилиштын Гаат руушье ябаарайт, – эдэ хан түрэнүүдһээ таанад хүсэтэй аалта?!

Амоос 6:2 Referencias Cruzadas

Эхин 10:10

Түрүүшээр тэрэнэй хаан түрэ Вавилоон, Ээрэх, Аккаад, Калнээ гэдэг хотонуудһаа бүридэдэг бэлэй. Эдэ бүгэдэ Шинаар гэдэг орон нютагта оршодог байгаа.

2 Хаан түрэнүүд 8:9

Һадаад-Ээзэрэй хамаг сэрэгые Давидай бута сохиһон тухай Хамаадай хаан Той гэгшэ дуулаад,

3 Хаан түрэнүүд 8:65

Соломоон найр наада хэбэ. Эзэн Бурханаймнай урда Израилиин бүхы арад – Лэбоо-Хамаатһаа эхилээд, Египедэй хүнды хүрэтэр нэмжыһэн дайдын улад зон угаа олоор – Соломоонтой хамта долоон үдэр, дахяад долоон үдэр, дүн хамта арбан дүрбэн үдэрэй туршада һайндэрлэбэ.

4 Хаан түрэнүүд 17:24

Ассириин хаан өөрынгөө хүнүүдые Вавилоонһоо, Кутааһаа, Аввааһаа, Хамаатһаа, Сэпарваһиимһээ израильшуудай ажаһууһан Самариин тосхонуудта ба хотонуудта нүүлгэн абаашаба. Тэдэнэр Самариин орон нютагай бүрин эрхэтэ эзэд боложо, тэндэхи хотонуудта болон тосхонуудта ажаһуужа эхилбэд.

4 Хаан түрэнүүд 17:30

Вавилоонойхид Суккоот-Бэноот бурханай, Кутаа хотынхид Нэргаал бурханай, Хамаат хотынхид Ашимаа бурханай дүрсэнүүдые,

4 Хаан түрэнүүд 18:34

Хамаат, Арпаадай бурхад мүнөө хаанаб?! Сэпарваһиимэй, Һэнаагай ба Ивваагай бурхад хаанаб?! Хэниинь Самариие минии гарһаа абарһан юм?

4 Хаан түрэнүүд 19:13

Хамаат ба Арпаадай болон Сэпарваһиим хотын хаашуул мүнөө хаанаб? Һэнаагай ба Ивваагай хаашуул хаана байнаб?

2 Угай бэшэг 26:6

Уззияа хаан пилишт арадай сэрэгтэй дайлалдажа, Гаат, Ябнээ, Ашдоодой хэрэм ханануудые бута сохибо. Тиигээд тэрэ Ашдоодой хажуугаар болон Пилиштын бусад газарнуудта хото һууринуудые баряа бэлэй.

Ерэмияа 49:23

Эзэнэй Дамааск тушаа айладхаһаниинь энэ: – Хамаат болон Арпаад хотонуудта зон хүлгэнэнэ, һанаагаа зобоно. Юуб гэбэл, тэдэ муу һураг суу дуулаа. Һанаагаа зобоһондоо тэдэ далайдал адли таһалгаряагүй бурьялна.

Наум 3:8

Нинэвээ, Нил мүрэнөөр хамгаалалта хээд байгаа Но-Аммоон хотоһоо хамгаалалтам дээрэ гэжэ тоолоно гүш?

1 Хаан түрэнүүд 17:23

Давидай аханартаяа хөөрэлдэжэ байха үедэнь тулалдаашан, Голиаф гэжэ нэрэтэй Гаадай пилишт хүн өөһэдынгөө сэрэг жагсаалһаа гаража ерэн, урид хэлэһэн тэрэл үгэнүүдые хэлэхэдэнь, Давид тэрэниие дуулажархиба.

1 Хаан түрэнүүд 17:4

Тиигээд пилиштүүдэй хотон хүреэнһөө тулалдаашан гаража ерэбэ. Тэрэнэй нэрэнь Голиаф, тэрэ Гаатһаа, зургаа хахад тохой үндэр бэетэй хүн бэлэй.

1 Хаан түрэнүүд 5:10

Бурханай ханзые тэдэ Экроон руу эльгээбэ. Хэлсээнэй ханзын ерэхэдэнь, Экрооной зон хашхаралдаба: – Бултыемнай алахын тула Израилиин Бурханай ханзые иишэнь асарба!

1 Хаан түрэнүүд 5:8

Хүнүүдые тэдэ эльгээжэ, Пилиштын бүхы ноёдые суглуулжа асууба: – Израилиин Бурханай ханзые яахабибди? – Гаат руу эльгээхэ хэрэгтэй, – гэһэн шиидхэбэри абтаа һэн. Тиигээд Израилиин Бурханай ханзые тэдэ Гаат руу абаашаба.