Амоос 6:1 - Библи

¹ Арадай удамаршад, бүхы Израилиин түшэг тулгуубари таанадта, Сион уула дээрэ хашалгүй байгаашадта, Самариин гүбээ дээр амархан һуугаашадта гай тодхор тохёолдохо!

Амоос 6:1 Referencias Cruzadas

3 Хаан түрэнүүд 16:24

Тэрэ зургаа мянган хэһэг мүнгөөр Самариин хадые Сээмэр гэжэ хүнһөө худалдан абажа, хада бүхэлэн, хото баряад, хадын эзэн байһан Сээмэрэй нэрээр тэрэ хотые Самария гэжэ нэрлэбэ.

Псалманууд 123:4

Иигэжэ ехэ уһан маанадые хамажа, үер бидэниие абаха һэн.

Һургаал 1:32

Гэнэн мунхагууд өөрын үсэдһөө хосорхо табилантай. Тэнэгүүдэй алмайрал тэдэниие һүнөөхэ.

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Ерэмияа 2:3

Израиль, таанад Минии нангин хуби, ургасымни дээжэ мэтэ бэлэйт. Таанадые харшалагша уласуудые бултыень буруутан болгожо, гай тодхор тэдээндэ буулгаа бэлэйб. Энэ болбол Би, Эзэн, айладхажа байгаа мүн!

Ерэмияа 48:11

Эзэн айладхана: – Моһааб хадаа хододоо аюулгүй ажамидардаг байгаа, баряандашье туугдан ошоогүй. Тэрэ һаба соо худхуулдаггүй үзэмэй дараһан архи мэтэ, һабаһаа һабадашье эюулэгдэдэггүй бэлэйл. Тиимэһээл амтаниинь тэрэл зандаа, үнэрынь аятай зохид һэн.

Ерэмияа 49:31

Ерэжэ байна! Вавилоонойхид, хашалгүй, һанаа амар байгаа арад түмэндэ добтологты! Тэдэнэй хото ямаршье үүдэ үрхэгүй, суургагүй, ямаршье аршалалтагүй.

Ерэмияа 5:5

Удамаршадта ошожо, тэдэнтэй хөөрэлдэхэм. Тэдэ, сохом, Эзэнэй эрилтэ мэдэдэг, юу хэхыень Бурханай хүсэдэгые ойлгодог ёһотой» – гэжэ һанаа һэм. Теэд тэдэ бултадаа Эзэнэй эрхэ мэдэл буруушааба, үгыень дуулахаяа арсаба.

Ерэмияа 7:4

«Энэ болбол Эзэнэй үргөө, Эзэнэй үргөө, Эзэнэй үргөө» гэһэн дэмы найдуулһан хуурмаг үгэнүүдтэ бү этигэгты.

Гашуудал 1:1

Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Амоос 3:9

Ашдоодой болон Египедэй хэрэмүүд соо тунхаглыта! «Самариин хаданууд дээрэ сугларагты! Тэрээн соо боложо байгаа угаа ехэ худхаляа үймөө, дарлалтые харыт!» – гэжэ хэлыта!

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Амоос 5:27

Тиимэһээ Би таанадые Дамааскһаа сааша баряанда туун абаашахаб!» – гэжэ Түмэн Сэрэгтэ Эзэн Бурхан айладана.

Амоос 8:14

Самариин нүгэлөөр тангариглагша хүн, «Даан, бурханаартнай тангаригланаб», үгышье һаа, «Бэһээр-Шээбэ руу ошоһон харгы замаар тангаригланаб» гэгшэд бүдэрэн унаха, бэшэ бодохогүй.

Амоос 9:10

«Гай тодхор болохогүй, маанадта тэрэ хүрэхэгүй» гэжэ арад түмэнэйм дундаһаа хэлээшэ нүгэлтэд бултадаа һэлмээр сабшагдаха!

Михей 3:1

Би иигэжэ хэлэбэб: Яковай гэр бүлын толгойлогшод, Израилиин удамаршад, шагныта! Зүб, бурууе таанар мэдэнэбди гэжэ һананат.

Цэпаанияа 1:12

Тэрэ сагта Би дэн абаад, Иерусалимые нэгжэн харахаб. Сайн шаара мэтэ үлдөөсөөрөө сэдьхэлээ ханаад һуугааша, «Эзэн һайншье, муушье юумэ хэдэггүй» гэжэ һанажа байгааша зониие Би хэһээхэб.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Яковай хандалга 5:5

Эндэ, газар дэлхэй дээрэ байхадаа, таанад гансал өөһэдынгөө гэдэһэ дүүргэхэ ба нааршаан сагаа үнгэргэхэ тухайл бододог байгаат. Харин мүнөө таанад гаргахаяа хүтэлэгдэһэн шахамал буруундал адли байнат.

Пётрой 1-дэхи хандалга 5:7

Бүхы бэрхэшээлнүүдээ Бурханда даалгагты, Тэрэ хойноһоотнай хаража байха.

Ударидагшад 18:7

Табан сэрэгшэ тэндэһээ саашаа ошожо, Лааһишта ерэбэ. Тиихэдээ тэдэнэр эндэхи арадые сидоонуудай ёһо заншал баримталжа, амгалан тайбан, аалин номгон ба һанаа амар ажаһууна, энэ орон нютагта дутаха юумэн болон засаг бариха хүн үгы гэжэ харабад. Тэдэнэр сидоонуудһаа холо байһан тула хэнтэйшье харилсаа холбоогүй байбад.