Амоос 5:6 - Библи

⁶ Эзэндэ эрьегты, тиигэбэл, амиды мэндэ үлэхэт! Үгы һаатнай, Тэрэ гал дүлэн мэтэ Иосифой гэр бүлэдэ добтолхо, иигэжэ Бэт-Ээл шатажа һалаха, хэншье тэрэ галые унтараажа шадахагүй!

Амоос 5:6 Referencias Cruzadas

2 Хаан түрэнүүд 19:20

Үндэр түрэлтэ хаан, би нүгэл хэһэнээ мэдэнэб, тиимэһээ Иосифой гэр бүлэһөө эгээл түрүүлэн таниие угтахаяа би мүнөөдэр ерээб.

3 Хаан түрэнүүд 11:28

Соломоон Еробоһаамай шанга хүдэлдэгые обёоржо, Мэнашшээ болон Эпрааимай обогуудай газарнуудаар ябуулагдажа байгаа ажал хүдэлмэриие хинахыень томилбо.

2 Угай бэшэг 34:25

Юундэб гэхэдэ, тэдэ Намайе орхижо, ондоо бурхадта уталгануудые ууюулдаг байгаа. Иигэжэ тэдэнэй хэһэн хэрэгүүд Минии сухал хүргэбэ. Энэ газарта Минии уур хилэн бушаганажа, унтархагүй.

Псалманууд 27:8

Эзэн хадаа арад түмэнэйнгөө хүсэ шадал, Өөрын шэлэһэн хаанда абарал, хамгаалалта мүн.

Египедһээ гаралга 22:6

Хэн нэгэн таряалан гү, али уһан үзэмэй сэсэрлиг малаар гэшхүүлэн гэмтээбэл, өөрын таряалан, сэсэрлигһээ дээжыень абажа түлэхэ ёһотой.

Исай 1:31

Хатаһан набша намаагай ошонһоо аһажа-шатажа байһандал, хүсэ шадалтай зоншье муу муухай хэрэгүүдэйнгээ хэмээр усадхагдажа эхилхэ, хэншье энэ гай тодхор саража-болюулжа шадахагүй.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Исай 55:6

Эзэндээ эрьен мүргэгты, мүнөө Тэрэ таанадай ойрохоно.

Ерэмияа 38:20

Би тэрээндэ: – Та тэдэнэй гарта орохогүйт. Эзэнэй айладхал дуулахыетнай гуйнаб. Тиихэдэ бүхы юумэн танда таатай, аятай болохо, амиды мэндэ үлэхэт.

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Эзэкээл 21:3

Минии тэдэнэй урдаһаа тулахаяа, һэлмэеэ хуйһаань һугалаад, һайн, муушье зониие бултыень хюдахаяа байһан тухайм дуулга.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Эзэкээл 37:19

Минии, Эзэнэй, Иосифой, мүн тэрээнтэй эбтэй Израилиин обогуудай хабтагай модо абажа (мүнөө тэрэ хабтагай Эпрааимай обогой гарта ороод байна), Иудын обогой хабтагай модонтой хамтадхан, нэгэ модон болгожо, гартаа баряад байха тухай хэлээрэй.

Амоос 3:14

Юуб гэбэл, Израилиие гэм зэмынь түлөө шиидхэхэ үдэртөө Би мүн лэ Бэт-Ээлэй үргэлэй шэрээнүүдыешье шиидхэхэб, үргэлэй шэрээгэй эбэрнүүд таһа татагдажа, газарта унахал!

Амоос 5:14

Муу юумэ бэшэ, һайе үйлэдэгты, тиигэбэл, амиды мэндэ үлэхэт. Тиигэбэлтнай, Түмэн Сэрэгтэ Эзэн Бурхан таанадай хэлээшээр, таанадтай хамта байхал!

Амоос 5:4

Эзэн израильшуудта иигэжэ айладана: Нам руу эрьебэл, амиды мэндэ үлэхэт!

Амоос 6:6

Иосифой уг удамай һалажа байгаа тухай түр зуурханшье һанаа зобонгүй, тахилай аягаһаа үзэмэй дараһан архи уужа, эрхим гүгэл түрхинхэй һуунат.

Цэпаанияа 2:3

үрдижэ, дэлхэйн юрын улад зон, Эзэнэй үгэ дуулыта, тогтоол хуулинуудыень сахижа, үнэн зүб хэрэгүүдые хэгты, даруу номгон байгты. Тиигэбэл, Эзэнэй хилэнсэгтэ үдэр таанад амиды үлэжэ магадгүйт.

Захарияа 10:6

«Би Иудын удамда тэнхээ оруулжа, Иосифой үри һадаһанда дайсанаа илаха шадалтай болгохоб. Би тэдэниие хайрлаһан ушарһаа гэртэнь бусаахаб. Би тэдэниие голон орхёогүй мэтэ байхаб. Юуб гэхэдэ би тэдэнэй Эзэн Бурхан болоноб».

Хуули дабталга 32:22

Гал дүлэн мэтээр Минии уур сухал бужаганаа, үхэлэй орон хүрэтэр дүлэтэнэ, газарые болон хэшэгыень шатаан залгижа, хада уулын үндэһэ һуури хайрана.

Хуули дабталга 4:24

Юуб гэхэдэ, Эзэн Бурхантнай үрэбхилдэг гал дүлэн мэтэ, Тэрэ ондоо бурхадые тэсэхэгүй.

Нүүнэй Иисүүс 18:5

Газарые долоон хубита болгожо хубааг. Иуда өөрынгөө хилэдэ урда зүгтэ үлэг, Иосифой гэр бүлэ өөрынгөө хилэдэ хойто зүгтэ үлэг.