Амоос 5:18 - Библи

¹⁸ Эзэниие бараалхаха үдэр тухай һанаашархагшад азагүй! Таанарта юундэ Эзэнэй үдэр хэрэгтэйб? Тэрэ туяа гэрэл бэшэ, харанхы бшуу.

Амоос 5:18 Referencias Cruzadas

Исай 13:6

Сурхирса уйлыт! Эзэнэй үдэр дүтэлөө! Түгэс Хүсэтэһөө усадхал ерэжэ байна!

Исай 24:18

Айха һүрдэхэ зүйлһөө тэрьедэгшэд нүхэн руу унаха, нүхэнһөө абиран гарагшад зангада орохо. Огторгойн сонхонууд нээгдэбэ! Дэлхэйн һууринууд доһолбо!

Исай 5:19

«Эзэн айладхалаа түргөөр бэелүүлэг лэ, бидэ тэрэнииень нюдөөрөө харахаяа һананабди. Израилиин арюун Бурхан түсэбөө бэелүүлэг лэ, бидэ тэрэнииень лаб мэдэхэеэ хүсэнэбди!» гэжэ тэдэ хэлэнэ.

Исай 5:30

Тэрэ үдэр тэдэ олзо дээгүүрээ далай мэтэ хүрхирхэ. Энэ орон нютагые харабал, Хаб харанхы ба уй гашуудал тэндэ үзэхэш. Гэрэл унтаржа, шэб харанхы болохо.

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Исай 8:22

али доошоо хүрьһэтэ газар руушье шэртэхэдээ, гансал зоболон ба харанхые, шэг харанхые хараха. Тиигээд тэрэ харанхыда өөһэдөө абташаха.

Исай 9:19

Түмэн Сэрэгтэ Эзэнэй уур хилэн газар дэлхэйгээр хаа-хаанагүй бушаганаха, зониие шатаан һалгааха, хэншье хэнииешье хайрлахагүй.

Ерэмияа 13:16

Харанхы болгохынь урда тээ, бүрэнхы хада ууланууд дээгүүр хүлэйнгөө торохын урда тээ үрдижэ, найдаһан гэгээн гэрэлыетнай Тэрэнэй гүн харанхы, үнэгэнэй төөримэ шэб харанхы болгохынь урда тээ үрдижэ, Эзэндэ, өөрынгөө Бурханда, магтаал соло дуудагты!

Ерэмияа 17:15

«Эзэнэй бидэниие занажа хэлэһэниинь хаана гээшэб? Бэелдэг лэ!» – гээд зон намда хэлэнэ.

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Эзэкээл 12:22

– Хүнэй үри Эзэкээл! «Саг ябажал байха, харин уридшалан айладхаһан лүндэнүүд бэелүүлэгдэнэгүй» гэһэн үгэнүүдые зон юундэ дабтанаб, юундэ зүйр үгэ тэрэ болооб?

Эзэкээл 12:27

– Хүнэй үри Эзэкээл! Үзэһэн үзэлшни болон табиһан зүншни бэелдэхэнь үды, хэзээ нэгэтэ, олон жэлнүүдэй үнгэрһэнэй удаа бэелдэхэ гэжэ Израилиин улад зон һанажа байна.

Ёһээл 1:15

Тэрэ үдэр гасалантай! Эзэнэй үдэр ойрохон байна. Тэрэ үдэр Түгэс Хүсэтэһөө хэһээлтэ ерэхэ.

Ёһээл 2:10

Тэдэнэй урда газар хотойжо, тэнгэри һалганажа, һара наран харанхыдажа, одо мүшэнэй гэрэл бүхэнэ.

Ёһээл 2:11

Эзэн Өөрын сэрэгэй урда дуугаа үгэхэ. Юундэб гэхэдэ, тэрэнэй сэрэг ехэ олон, захирал бэелүүлэгшэнь аргагүй хүсэтэй бэлэй. Эзэнэй үдэр һүр ехэтэй ба аймшагтай. Хэн тэрэ үдэрые тэсэжэ шадахаб?

Ёһээл 2:31

Эзэнэй агууехэ алдарта үдэрэй ерэхын урда тээ наран балартаха, һара шуһан улаан болохо.

Авдии 1:15

Ушарынь хадаа Эзэнэй үдэр бүхы үндэһэ яһатанда ойртожо байна: «Шинии үйлэдэһэн үйлэ шам дээрэ үйлэдэгдэхэ. Шинии хэһэн хэрэг тархи дээрэш бууха.

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Хуули дабталга 32:24

Тиихэдэ тэдэнэр гэдэһээ үлдэн, мүн үбшэ хабшанһаа гээгдэхэ. Би урдаһаань зэрлиг арьяатанай шүдэ, могойн хоро эльгэхэб.

Пётрой 2-дохи хандалга 3:10

Гэхэтэй сасуу Эзэнэй Үдэр хулгайшандал адли һанамсаргүй байхада ерэхэ. Тэрэ Үдэр огторгой шангаар дуугаран үгы болохо, огторгойдо байһан нара, һара, одо мүшэд шатажа һүнэхэ, газар дэлхэй болон дээрэнь оршоһон бүхы юумэнүүд галда шатан усадхагдаха.

Пётрой 2-дохи хандалга 3:4

«Ерэхэб гэжэ үгөө таанадта үгөө бэшэ һэн гү? Тиигээд хаанаб Тэрэтнай? Үбгэ эсэгэнэрнайшье наһа бараа, теэд бүхы юумэн юртэмсэ дэлхэйн бүтээгдэһэнһээ хойшо тэрэл хэбээрээ байнал!» – гэжэ хэлэхэ.