Амоос 5:11 - Библи

¹¹ Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Амоос 5:11 Referencias Cruzadas

Иоов 20:19

Ушарынь хадаа тэрэ ядуушуулые дарлажа, өөрөө бодхоогоогүй гэрнүүдые буляажа абадаг байгаа.

Исай 16:10

Үрэжэлтэ газар дайдада хэншье баясан хүхинэгүй, үзэмэй модоной сэсэрлигүүд соо хэншье дуу дууланагүй, шангаар хашхаран баярланагүй. Үзэм шахаха болигдоо. Баяртай дуу шууяан таһалдаа.

Эзэкээл 26:12

Тэдэ хотын баялиг дээрмэшэлхэ, ханануудые сүмэ сохихо, гоё һайхан байшангуудые һандаргааха, тиигээд үлэһэн модо, шулуу, бог шорой далай руу хаяха.

Эзэкээл 34:21

Хүсэ шадалтай хонид, таанад эбэрээрээ мүргэн, тэнхээгүй хонидые үлдэнэт.

Һошээ 9:2

Теэд һаяын сагта таанад хилээмэгүй, оливын тоһогүй болохот, үзэмэй дараһан архитнайшье дууһахал.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Амоос 2:6

Эзэн иигэжэ айладхаа: Израилиин улад зон гэмээ нэмээһээр. Шиидхэһэнээ Би болюулхагүйб! Гэмгүй хүниие мүнгөөр, үгырһэн нэгэниие нэгэ паар шаахайгаар худалдажа байгаал!

Амоос 2:7

Үгытэй хооһон зониие газарай хумхаа тооһон руу шэдэнэ, туһагүй ядуу зониие харгы замһаань хадууруулна. Нангин нэрыем бузарлан, эсэгэ хүбүүн хоёр нэгэ залуу эхэнэртэй унтана.

Амоос 3:15

Үбэлэй, зунайшье ордонгуудые сохин һандаахаб, заанай яһаар баригдаһан ордонгуудые, мантан томо ордонгуудые үгы хэхэб! Энэ болбол Би, Эзэн, айладхана мүн!

Амоос 3:9

Ашдоодой болон Египедэй хэрэмүүд соо тунхаглыта! «Самариин хаданууд дээрэ сугларагты! Тэрээн соо боложо байгаа угаа ехэ худхаляа үймөө, дарлалтые харыт!» – гэжэ хэлыта!

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Амоос 6:11

Удахагүй Эзэн ордонгуудта һандарал болохые, гэрнүүдтэ һандархай болохые захирха.

Амоос 6:12

Хабсагайгаар морин соёрхо гү?! Далайн уһа сар хүллэн хахалдаг юм гү?! Тэрээн мэтэ таанад зүб хуулиие хорон, зүб шударгые шаралза болгонот.

Амоос 8:4

Ядуу зониие харшалаашад, үгытэйшүүлые усадхаагшад, шагнагты!

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Михей 1:6

Эзэн иигэжэ айладхаа: «Энээнэйнь түлөө Би Самариие задагай хээрэ газарта обоолоотой һандархай шулуун, уһан үзэм һуулгаха газар болгохоб. Нюруу газар руу шулууень адхахаб, һуурииень эли гаргахаб.

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Михей 6:15

Таряа тарибашье, хадахагүйш. Оливын тоһо даран гаргабашье, хэрэглэжэ шадахагүйш. Үзэмэй шүүһэ дарабашье, үзэмэй дараһан архи уухагүйш.

Цэпаанияа 1:13

Тиигээд тэдэнэй баялиг дайсанай олзо болохо, гэр байшангуудынь эзэгүйрэн хооһорхо. Гэр баряашье һаа, тэдэ тэндэ ажаһуухагүй, үзэмэй модоной сэсэрлиг һуулгаашье һаа, үзэмэй дараһан архи тэдэ уухагүй.

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Малаахи 1:4

«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».

Хуули дабталга 28:30

Басага өөртөө хадамлахаш, теэд ондоо хүн тэрээнтэйш гэрлэхэ. Гэр барихаш, теэд тэрээн соогоо ажаһуухагүйш. Үзэмэй модо тарин һуулгахаш, теэд тэрээнһээ амталхагүйш.

Яковай хандалга 2:6

Харин таанар үгытэй хүниие гомдохообот! Тиихэдээ таанадые баяшуул лэ хашажа мүрдэжэ, зарга шүүбэридэ оруулдаг бэшэ аал?