Амоос 5:10 - Библи

¹⁰ Шүүхын газарта гэмнэгшые тэдэ үзэн ядадаг, үнэн зүб тунхаглаашадые тоодоггүй.

Амоос 5:10 Referencias Cruzadas

3 Хаан түрэнүүд 18:17

Ахааб Элияа гэгшые харахадаа: – Израилиие зобоогшо ши эндэ байна гүш? – гэбэ.

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

3 Хаан түрэнүүд 22:8

Израилиин хаан Ёшапаадта: – Эзэнэй харюу дамжуулан хэлэдэг үшөө нэгэ хүн биил даа, теэд би тэрээндэ дурагүйб, юуб гэхэдэ, тэрэ нам тушаа гансал муугаар уридшалан хэлэдэг, һайн юумэ хэлээгүй. Имлаагай хүбүүн Михай гээшэ, – гэбэ. Ёшапаат тэрээндэ: – Үгы, хаан, тиигэжэ бү хэлыш, – гэбэ.

2 Угай бэшэг 25:16

– Минии зүбшэгшөөр шамайе табяагүйб. Хүрөө, боли! Үгы һаа, усадхагдахаш, – гэжэ хаан харюу үгэбэ. Лүндэншэ аниргүй болобо, гэбэшье иигэжэ хэлээ бэлэй: – Нүгэл хээт, мүн минии зүбшэл дууланагүйт. Бурхан таниие хюдахал гэжэ шиидэнхэй.

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Һургаал 15:12

Тэнэг хүн өөрыень зэмэлэгшые үзэн ядадаг. Тиимэһээ мэргэн хүн тээшэ шэглэхэгүй.

Исай 29:21

Ондоо зониие худалаар хардагшадые, хэрэг шүүгшые мэхэлэгшэдые, зүб шударга зониие худал баримтаар буруутан болгогшодые Эзэн хюдаха.

Исай 59:15

Үнэн зүб үгы болоо. Муу муухайһаа холодогшод өөһэдөө хүнэһэн болоно. Зарга шүүбэриин үгы болоһые Эзэн хараад, нюдэдынь балартаа». Эзэн энээниие хараад, зүб шударга ёһын үгы болоһондо сухалаа хүрөөд байна.

Ерэмияа 38:7

Харин тайган болохо эфиоп хүн Эбэдмээлэх (тэрэ хаанай ордон соо хүдэлдэг бэлэй) намайе нүхэн руу хаяһан тухай дуулаад, Бэньямиинэй Хаалгануудай дэргэдэ элдэб хэрэгүүдые шүүбэрилжэ байгааша хаанда дүтэлэн,

Һошээ 4:4

Эзэн иигэжэ айладхаа: – Харин хэнииешье бү зэмэлэгты, хэндэшье донгодолго бү үгэгты. Би санаартадые гэмнэнэб.

Левит 13:10

Санаарта үзөөд, хэрбээ хабдарынь сагаан байгаа һаань, үһэниинь сайһан, хабдартань эдеэрлэһэн амиды мяхан байгаа һаань,

Амоос 5:15

Муу муухайе зайлуулагты, һайнда дурлагты, зарга шүүхэдэ зүб шударга ёһо гурим бата һуурижуулагты! Тиигэбэлтнай, Түмэн Сэрэгтэ Эзэн Бурхан Иосифой үри таһардаһанай үлдөөсые хайрлан үлөөжэ магад.

Иоанн 15:19

Хэрбээ таанар энэ дэлхэйн зонтой адли байгаа һаатнай, энэ дэлхэйн хүнүүд өөһэдынхимнай гэжэ тоолоод, таанарта дуратай байха һэн. Теэд таанар эдэ хүнүүдтэй нэгэн бэшэт, юундэб гэбэл, Би таанарые шэлэжэ абахадаа, энэ дэлхэйн зонуудһаа илгааб, тиимэһээл эдэ зон таниие үзэн ядана.

Иоанн 3:20

Муу юумэ хэдэг хүн гэрэл туяа үзэн ядадаг, муу муухай үйлэ хэрэгни элирэн мэдэгдэхэ гэжэ айгаад, гэрэл туяада ошодоггүй юм.

Иоанн 7:7

Дэлхэйн хүнүүд таанарта дурагүйлхэхэгүй, харин Намда тэдэ дурагүйлхэдэг, тэдэ хүнүүдэй үйлэ хэрэгэйнь ёро муутай байһые Би гэршэлэн харуулна ха юмбиб.

Галадуудта 4:16

Таанадта үнэн зүбые номноһон хэрэгээрээ дайсантнай болобо гүб?

Гэршэлгэ 11:10

Газар дэлхэйдэ һуудаг хүнүүд хүхилдэн баясажа, найр зугаа хэнэ, бэе бэедээ бэлэг сэлэгүүдые барина, юундэб гэбэл, эдэ хоёр лүндэншэд газар дэлхэй дээрэ һуугшадые тамалан хэһээдэг байгаа.