Амоос 4:8 - Библи

⁸ Хоёр-гурбан хотонуудай улад зон уһа бэдэрэн, хүршэ хото руу ябаад үзөө, теэд тэндэшье уһан элбэг байгаагүй. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Амоос 4:8 Referencias Cruzadas

3 Хаан түрэнүүд 18:5

Ахааб Обадияада: – Энэ газар нютагай уһатай бүхы газараар, гол горходоор ябаад хара. Моридой болон луусуудайнгаа эдихэ ногоо хаанаһаа олохомнайб? Үгы һаа, тэдэнээ алаха болонобди, – гэбэ.

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Ерэмияа 23:14

Харин Иерусалимай худал лүндэншэд бүри муухай юумэ үйлэдэнэ: тэдэ һальхай забхай ябадалтай, худалаар хэлэнэ, муу юумэ хэгшэдые дэмжэнэ. Тиимэһээнь хэншье муу хэрэгээ орхиногүй. Тэдэ бүгэдэ Намда жэгшүүритэй, Содом болон Гоморрын зон шэнги.

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ерэмияа 3:7

Эдэ бүгэдые үйлэдэһэнэй удаа тэрэ Нам руу бусаха гэжэ һанаа һэн. Теэд тэрэ бусажа ерээгүй. Энээниие тогтууригүй зантай Иуда эгэшэнь хараа бэлэй.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Һошээ 7:10

Израилиин арад зониие доромжолжо байна, теэд тэдэ Намда, Эзэн Бурхандаа, ханданагүй, туһа эринэгүй.

Амоос 4:6

Энээнэй түлөө Би танай хотонуудаар үлэсхэлэн хооһон байдал тохёолдуулааб, хүдөө нютагуудаартнай шэмхэшье таряан үлөөгүй. Теэд таанар Нам руу эрьеэгүйт! Энэ болбол Би, Эзэн, тунхаглана мүн!

Михей 6:14

Ши эдибэшье, садахагүйш, досоошни хооһон байха. Юумэ хадагалха гэжэ оролдобошье, хадагалжа шадахагүйш. Хадагалһан юумыеш һэлмээр сабшан үгы хэхэб!

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Хаггай 2:17

Би таанарые болон хэрэг ажалыетнай халуун һалхи, мүндэрөөр сохин байгааб, теэд таанар үшөөл һанаа ороогүйт, Нам руу эрьеэгүйт.