Амоос 4:7 - Библи

⁷ Үшөө гэбэл, ургаса хуряаха үе саг болотор гурбан һарын үлөөд байхада Би таанарһаа бороо татаад байгааб. Нэгэ хото руу бороо ябуулжа, нүгөө хото руунь бороо ябуулангүй байгааб. Нэгэ газарта бороо орожо байхада, нүгөө газарта бороо оронгүй, хатаа бэлэй.

Амоос 4:7 Referencias Cruzadas

Египедһээ гаралга 10:22

Моисей дулдытай гараа тэнгэри өөдэ дэлгэн дэебэ, Египедэй бүхы газарта гурбан үдэрэй туршада нюдэ алдама харанхы байба.

Египедһээ гаралга 10:23

Хэн гэшэгүй хэнииеш хараха аргагүй байба, һууһан газарһаа хэншье бодобогүй. Харин Израилиин зоной һуудаг нютагта гэгээтэй байгаа бэлэй.

Египедһээ гаралга 8:22

Харин Гоошэн нютагта һоно батаганаан үгы байхаар илгахаб: тэндэ Минии арад угсаатан һуудаг юм – тэндэ һоно батаганаан үгы байха. Газар дэлхэйдэ ганса Эзэн бии гэжэ мэдэхыншни түлөө тиигэжэ хэхэб.

Египедһээ гаралга 9:26

Гансал Гоошэн нютагта мүндэр оробогүй – тэндэ Израиль угсаатан һуудаг бэлэй.

Египедһээ гаралга 9:4

Харин Египедэй зоной малда шэнгеэр бэшэ, Израильшуудай малда Эзэн ондоогоор хандаха: нэгэшье малынь үхэхэгүй», – гэжэ айладана.

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 14:3

Ноёдойнь зарасанараа уһанда ябуулхадань, уһа нөөсэлдэг газар руу тэдэнь ошобошье, уһа олонгүй, хооһон һабатай бусажа ерэнэ. Эшэнхэй, доромжолуулагдаһан, нюураа бүглэн тэдэ байна.

Ерэмияа 14:4

Бороогой орохогүйдэ газар гандан хахаранхай. Таряашад сүхэрэнхэй, хүнэй нюур харахаяа эшэнэ.

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ёһээл 2:23

Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Захарияа 14:17

Түмэн Сэрэгтэ Эзэндэ мүргэхэеэ Иерусалим хотодо ерээгүй аймаг угсаатанай газарта хура бороо орохогүй.

Иоанн 4:35

«Үшөө дүрбэн һараһаа таряа хуряаха саг ерэхэ» гэжэ таанар хэлэдэг бэшэ гүт? Харин мүнөө нюдөө нээгээд, таряалангай газар тээшэ харагты даа: талха таряан эдеэшэжэ, хадаха хуряахаар бэлэн болоод, халюуран сайран байна лэ.

Коринфынхидтэ 1-дэхи 4:7

Хэн таанадые бусадһаа дээгүүр табяаб? Таанадта байһан бүхы юумые Бурхан лэ таанадта үгөө бэшэ аал? Тиихэдээ танда байһан бүхы юумэнүүд дээрэһээ үгтэһэн бэлэг бэшэ мэтээр бодон, яахадаа ямбархаа хүмта?

Хуули дабталга 11:17

Үгы һаатнай, Эзэн таанадта уур сухал болохо. Огторгойе бүглэн хаахадань, бороон орохогүй, газарһаа ургаса гарахагүй, тиигээд таанад Эзэнэй үршөөжэ байһан энэ һайхан газарта удахагүй хосорхот.

Яковай хандалга 5:17

Элияа маанадтал адли хүн байгаад, бороо бү ороһой гэжэ ханалтайгаар зальбаран мүргөө, тиин бороо гурба хахад жэл соо ороогүй.

Гэршэлгэ 11:6

Тэдэ хоёрой Бурханай үгэ айладхажа байха бүхы үдэрнүүдтэнь хура бороогой орохогүйн тула тэдэндэ огторгойе хаажархиха эрхэ засаг үгтэхэ; уһа мүрэнүүдые шуһан болгожорхихо, газар дэлхэйдэ өөһэдынгөө дура зоргоор гай аюул тохёолдуулха эрхэ засаг үгтэхэ.