Амоос 4:6 - Библи

⁶ Энээнэй түлөө Би танай хотонуудаар үлэсхэлэн хооһон байдал тохёолдуулааб, хүдөө нютагуудаартнай шэмхэшье таряан үлөөгүй. Теэд таанар Нам руу эрьеэгүйт! Энэ болбол Би, Эзэн, тунхаглана мүн!

Амоос 4:6 Referencias Cruzadas

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 18:2

Элияа Ахаабтай уулзахаяа ошобо. Самарида үлэсхэлэн хооһон байдал шангадаад байгаа.

4 Хаан түрэнүүд 4:38

Элишаа Гилгаал бусаба. Тиихэдэ бүхы орон дотор үлэн хооһон байдал ушараад байба. Лүндэншэдэй зүблэлэй гэшүүд Элишаае тойрон сугларба. – Томо тогоо гал дээрэ табяад, бултанда шэнгэн эдеэ шана, – гэжэ Элишаа Гэһаази зарасадаа хэлэбэ.

4 Хаан түрэнүүд 8:1

Элишаа үхэһэн хүбүүень амидыруулагша эхэнэртэ хандажа: – Ши өөрынгөө гэр бүлэтэй хамта аян замда түхеэрэ, ажамидарха нютаг хаана нэгэ тээ бэдэржэ оло. Юуб гэхэдэ, Эзэн долоон жэл соо энэ хизаарта үлэн хооһон байдал заяагаа, – гэжэ хэлэбэ.

2 Угай бэшэг 28:22

Гай гасаланта үе сагай тохёолдоодшье байхада Ахааз хаан Эзэнэй урда гэм зэмэ хэһээр зандаа байба.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 3:1

Харагты, Түмэн Сэрэгтэ Эзэн Бурхан хангамжа, туһаламжа Иерусалим болон Иудын хан түрэһөө зайлуулха гэжэ байна. Тэрэ эдеэ хоол, уһыень,

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Ерэмияа 14:18

Хээрэ тала руу гарахадам, дайнда алуулһан зоной һэенүүд байна. Хото руу орожо ерэхэдэм, туража үхэхэеэ байгшад харагдана. Лүндэншэд, санаартад юу хэхэеэ ойлгожо ядан, орон нютагаар тэнэнэ.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 16:27

Тиимэһээ Би үршөөл хайраяа шамһаа хаһажа, Пилиштын хомхой хобдог дайсадташ газар уһанайш хубиие эзэлхыень зүбшөөгөө һэм. Харин тэдэшье шинии эшхэбтэр ябадалһаа боложо жэрхэжэ байна.

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Ёһээл 1:16

Хараһаар байтарнай хоол хүнэһэн һалгагдажа, Бурханай Һүмэдэ баясхаланта үгэ хүүр замхаба.

Левит 26:23

Хэрбээ энээнэйшье һүүлээр заһараагүй һаатнай, Намда эсэргүүсээ һаатнай,

Левит 26:26

Хилээмэгүй болгохоб. Нэгэ пеэшэн соо арбан һамгад танда хилээмэ бариха, хилээмэ таанадта шэгнээд үгэхэ, таанад тэрэ хилээмэ эдеэд, садахагүйт.

Хаггай 2:17

Би таанарые болон хэрэг ажалыетнай халуун һалхи, мүндэрөөр сохин байгааб, теэд таанар үшөөл һанаа ороогүйт, Нам руу эрьеэгүйт.

Хуули дабталга 28:38

Үрэһэ хүрэнгэ ехээр поолидо тарихаш, теэд бага ургаса суглуулхаш, юундэб гэхэдэ, тэдэниие таршаа шумуул эдихэ.

Гэршэлгэ 2:21

Нүгэл шэбэл үйлэдэхэеэ болихынь тула тэрэ эхэнэртэ саг гаргажа үгөөб, теэд нүгэл шэбэлээ тэрэ орхихо дурагүй байна.

Рүүт 1:1

Израилиие хаашуулай захиран зонхилхо үе сагһаа урид тэрэ орондо үлэсхэлэн хооһон байдал тохёолдоо бэлэй. Иудадахи Бэтлэһээм хотын нэгэ хүн һамгантаяа, хоёр хүбүүдтэеэ хамта Моһаабай нютаг руу ажаһуухаар ябаба.