Амоос 4:13 - Библи

¹³ Хараарайгты, хада уулые бии болгожо, һалхи бүтээдэг, Өөрын бодол түсэбые зондо мэдүүлдэг, үүрэй туяае харанхы болгожо, дэлхэйн үндэр газарнуудые гэшхэн ябадаг Нэгэн гэбэл, Түмэн Сэрэгтэ Эзэн мүн!

Амоос 4:13 Referencias Cruzadas

Иоов 9:7

Тэрэнэй зарлигаар наран хиртэжэ, одо мүшэд бүхэдэг.

Псалманууд 135:7

Агууехэ дэнгүүдые бүтээгшэ Тэрээндэ. Юуб гэбэл, энэрэл хайрань хэтэ мүнхын.

Псалманууд 139:2

Эзэн, намайе муу зонһоо абарыт, хүсэрхэгшэдһээ аршалыт.

Псалманууд 65:6

Тэрэ далайе хуурай газар болгоо. Хүлөөрөө бидэ гол гаталаабди, урдань хүхилдэн баясахабди!

Египедһээ гаралга 10:22

Моисей дулдытай гараа тэнгэри өөдэ дэлгэн дэебэ, Египедэй бүхы газарта гурбан үдэрэй туршада нюдэ алдама харанхы байба.

Египедһээ гаралга 14:20

Египедэй болон Израилиин жагсаалнуудые тэрэ илган холодуулба. Үдэртөө бүрэнхы үүлэн байһан аад, һүни болоходо гэрэлтэжэ байба. Тэрэ һүни хоёр жагсаал бэе бэедээ дүтэлбэгүй.

Исай 40:12

Хэн тэнгис далайн уһые гарайнгаа альгаар хэмжэжэ, һөөмөөр тэнгэриие хэмжүүрлэжэ шадахаб? Хэн газарай шоройе амһартаар хэмжүүрлэн тооложо, уула, гүбээнүүдые шэгнүүрээр шэгнэхэ аргатайб?

Исай 45:7

Би туяа гэрэл болон харанхые бии болгоноб. Энхэ амгалан байдал, гай тодхоршье асарнаб. Би болбол эдэ бүгэдые хэдэг Эзэн мүн!

Исай 47:4

Манай Абарагша – Израилиин арюун Бурхан, Түмэн Сэрэгтэ Эзэн гэжэ нэрэтэй мүн!

Исай 48:2

Таанад өөһэдыгөө нангин хотын ажаһуугшад гээшэбди гэжэ нэрлэнэт, Түмэн Сэрэгтэ Эзэн гэжэ нэрэтэй Израилиин Бурханда түшэглэнэбди гэлдэнэт.

Исай 5:30

Тэрэ үдэр тэдэ олзо дээгүүрээ далай мэтэ хүрхирхэ. Энэ орон нютагые харабал, Хаб харанхы ба уй гашуудал тэндэ үзэхэш. Гэрэл унтаржа, шэб харанхы болохо.

Ерэмияа 10:13

Абяа гарахадань, тэнгэриин уһан хүржигэнэнэ, газар дэлхэйн адагһаа Тэрэ үүлэнүүдые хөөрүүлнэ, аадар бороогой үедэ сахилгаа түхөөнэ, агуулануудһаа һалхи эльгээнэ.

Ерэмияа 10:16

Яковай Бурхан тэдээндэ адли бэшэ! Тэрэ болбол Хамагые Бүтээгшэ, Израиль – Тэрэнэй Өөрын арад, мэдэлэйнь албатан. Нэрэ хүндэнь – Түмэн Сэрэгтэ Эзэн мүн.

Ерэмияа 13:16

Харанхы болгохынь урда тээ, бүрэнхы хада ууланууд дээгүүр хүлэйнгөө торохын урда тээ үрдижэ, найдаһан гэгээн гэрэлыетнай Тэрэнэй гүн харанхы, үнэгэнэй төөримэ шэб харанхы болгохынь урда тээ үрдижэ, Эзэндэ, өөрынгөө Бурханда, магтаал соло дуудагты!

Ерэмияа 46:18

Би, Түмэн Сэрэгтэ Эзэн, хаан гээшэб. Би амиды Бурхан гээшэб. Табоорой уулануудай дунда эгээл үндэр байһандал, Кармээл уулын далайһаа дээгүүр ербыһэндэл, тон тиимэ агууехэ хүсэтэй нэгэн таанадта добтолон орохо.

Ерэмияа 51:16

Абяа гарахадань, тэнгэриин уһан хүржигэнэнэ, газар дэлхэйн адагһаа Тэрэ үүлэнүүдые хөөрүүлнэ, аадар бороогой үедэ сахилгаа түхөөнэ, агуулануудһаа һалхи эльгээнэ.

Ерэмияа 51:19

Яковай Бурхан тэдээндэ адли бэшэ! Тэрэ болбол Хамагые Бүтээгшэ, Израиль – Тэрэнэй өөрын арад, мэдэлэйнь албатан. Нэрэ хүндэнь – Түмэн Сэрэгтэ Эзэн мүн.

Даниил 2:28

Харин огторгойдо нюуса нээдэг Бурхан бии. Эсэсэй эсэстэ юун болохоб гэжэ Тэрэл Навуходоносор хаанда элирүүлэн харуулаа. Унтаридаа унтажа байхадаа та иимэ зүүдэ хараат:

Даниил 2:30

Энэ нюуса намда нээгдэхэдээ, бусадһаа минии сэсэн мэргэн байһандам бэшэ, харин үндэр түрэлтэ хаан, танда тайлбарилжа үгэхым, һанааетнай хүлгөөжэ байгааша зүйлнүүдые ойлгуулхым тула нээгдээ юумэл.

Һошээ 12:6

Тиимэһээ ши Бурхандаа буса. Үнэн сэхэ, шударга бай, Бурхандаа хододоо найда!

Ёһээл 2:2

Тэрэ бүрхэг харанхы үдэр уулын оройгоор үүрэй туяагай сасарһан мэтэ амаргүй олон ба агуу хүсэтэй арад түмэн таража байна. Тэрээнтэй тэнсэхэ юумэн урданшье байгаагүй, хойшодоошье олон үедэ байхагүй.

Амоос 3:13

Түмэн Сэрэгтэ Эзэн Бурхан иигэжэ тунхаглажа байна: Шагнагты, Яковай гэрые һэргылэгты!

Амоос 5:27

Тиимэһээ Би таанадые Дамааскһаа сааша баряанда туун абаашахаб!» – гэжэ Түмэн Сэрэгтэ Эзэн Бурхан айладана.

Амоос 5:8

Зургаан мүшэд, Ориониие байгуулагша, бүдэг гэрэлые үглөөнэй туяа, үдэрые харанхы һүни болгогшо, далайн уһанда захиран дуудажа, бүхы дэлхэйгээр тараан урдахуулагша гэбэл, Эзэн мүн!

Амоос 6:8

Түмэн Сэрэгтэ Эзэн Бурхан Өөрөөрөө тангариглажа, иигэжэ айладана: Яковай бардам зан Намда жэгшүүритэй, бүхэлэлтэнүүдыень үзэн яданаб. Хотые бүхы ажаһуугшадтайнь хамта дайсадай гарта дамжуулхаб!

Амоос 8:9

Тиихэдэнь гэгээн сагаан үдэр нарые хиртүүлхэб, үдэрэй тэгэн дунда харанхые газарта буулгахаб!

Амоос 9:6

Огторгой руу гэшхүүр байгуулааша, газар дэлхэйдэ Өөрын үргөө бата һуурижуулагша далайн уһа дууһан суглуулжа, газар дайдаар адхан тараагша Нэгэнэй нэрэ – Эзэн!

Михей 1:3

Зай, иигэжэ Тэрэ һууриһаа хүдэлжэ, уруудан, дэлхэйн үндэр орьёлнуудта гэшхэхэнь.

Аввакуум 3:19

Эзэн Бурхан – минии хүсэ шадал. Тэрэ хүлыем һогооной хүл мэтэ болгожо, үндэр газарнуудаар намайе ябуулхал! Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро.

Захарияа 12:1

Үзэл: Израиль тухай Эзэнэй үгэ. Тэнгэри дэлгэжэ, дэлхэйн һуури табиһан, хүнэй һүнэһэ һүлдэ доторынь бии болгоһон Эзэн тунхаглажа байна:

Матвей 9:4

Тэдэнэй һанал бодол мэдэжэ байһан Иисүүс хэлэбэ: – Таанар юундэ иимэ харата һанал сэдьхэлдээ түрүүлбэт?

Иоанн 2:25

Иисүүстэ ондоо хүнүүдэй хэлэһэнээр хүн тухай тухайлха хэрэггүй бэлэй, юундэб гэбэл, хүнэй сэдьхэл бодол Тэрэ Өөрөө мэдэдэг һэн.

Иоанн 3:8

Һалхин дуратайл газартаа һалхилдаг. Һалхинай һалхилхые мэдэбэшье, хэзээ, хайшаа үлеэхыень таанар мэдэдэггүйт, Арюун Һүлдэһөө түрөөшэд энээндэл адли юм.

Хуули дабталга 32:13

Эмээл дээрээ һуулгаһандал, Тэрэ Яковай уг удамые гүбээ газарнуудые унуулан ябуулжа, таряалангай ургасаар хооллуулаа, хабсагайһаа – зүгын бала, сахюур шулуунһаа оливын тоһо гарган тэнжээгээ.

Хуули дабталга 33:29

Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.