Амоос 4:11 - Библи

¹¹ Содом болон Гоморрые һандаргааһандаа адляар Би таанад руу тон тиимэ һандарал эльгээгээб. Таанар гал дүлэнһөө шүүрэн абагданхай сусал мэтэ байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Амоос 4:11 Referencias Cruzadas

Исай 13:19

Содом болон Гоморрые һалгааһандал, Бурхан хаан түрэнүүдэй шэмэг, халдейшүүдэй омогорхол Вавилоониие унагаан һандаргаха.

Исай 7:4

– Зүрхэеэ хөөрэнгүй, номгон даруу, айнгүй бай, – гэжэ тэрээндэ хэлээрэйгты, – Рэциин хаан араамшуудтайгаа хамта ба Рэмаалияагай хүбүүн – ууяжа-унтаржа байһан хоёр модон гээшэ, уур сухалаар дүрэлзэбэшье, сүйд хэхэ бэшэ.

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Ерэмияа 23:14

Харин Иерусалимай худал лүндэншэд бүри муухай юумэ үйлэдэнэ: тэдэ һальхай забхай ябадалтай, худалаар хэлэнэ, муу юумэ хэгшэдые дэмжэнэ. Тиимэһээнь хэншье муу хэрэгээ орхиногүй. Тэдэ бүгэдэ Намда жэгшүүритэй, Содом болон Гоморрын зон шэнги.

Ерэмияа 49:18

Содом, Гоморро болон хажуудахи хотонуудайнь һандаргаһандал адляар Эдоомшье һандаргагдаха. Хэншье тэндэ хэзээдэшье ажаһуухагүй. Энэ болбол Би, Эзэн, айладхана мүн!

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 50:40

Содом, Гоморро болон хажуудахи хотонуудайнь һандаргаһандал адляар Вавилооншье һандаргагдаха. Хэншье тэндэ хэзээдэшье ажаһуухагүй. Энэ болбол Би, Эзэн, айладхана мүн!

Эзэкээл 24:13

Хэдышье сэбэрлээ һаам, ши, Иерусалим, жэгшүүритэй муухай, нүгэлтэй зандааш. Уур хилэнгээ гүйсэд гаргатарни ши сэбэр болохогүйш.

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Һошээ 11:8

Израиль, Би шамтай юу хэхэбиб, яагаад шамда урбахабиб? Адмаада яагаад хандаа һэнбиб, Цэбоһиимдо юу хээ һэнбиб, тон тиимээр шамтай хандаха гүб? Иимэ юумэ хэхыем сэдьхэлни тэбшээнэ, Би тэдэниие угаа ехээр хайрланаб!

Амоос 4:6

Энээнэй түлөө Би танай хотонуудаар үлэсхэлэн хооһон байдал тохёолдуулааб, хүдөө нютагуудаартнай шэмхэшье таряан үлөөгүй. Теэд таанар Нам руу эрьеэгүйт! Энэ болбол Би, Эзэн, тунхаглана мүн!

Хаггай 2:17

Би таанарые болон хэрэг ажалыетнай халуун һалхи, мүндэрөөр сохин байгааб, теэд таанар үшөөл һанаа ороогүйт, Нам руу эрьеэгүйт.

Захарияа 3:2

Эзэн эрлиг дайсанда айладаба: – Эзэн шамайе буруушаажа байна. Үнэхөөр Иерусалимые шэлэһэн Эзэн шамайе буруушаана! Энэ хүн галһаа абтаһан сусалда адли бэшэ гү?!

Римэйхиндэ 9:29

«Хэрбээ Һүр хүсэтэй Эзэн маанадта энэ жаахан үлэгдэл үлөөгөөгүй һаань, бидэ Содомдол адли һүнөөгдэхэ, Гоморродол адли усадхагдаха байгаабди», – гэжэ баһал Исай лүндэншэн уридшалан хэлэнэ.

Коринфынхидтэ 1-дэхи 3:15

Хэрбээ хүнэй ажалынь галда шатабал, тэрэ хүн гарзада орохо, тиигэбэшье тэрэ хүн өөрөө абарагдаха, галда шатахаһаа абарагдаха гэжэ хэлэхэдэ болохо.

Хуули дабталга 28:24

Эзэн танай газарта орохо бороо хурые шорой болгон хубилгаха, тиихэдэнь хумхаа тооһон таанадай хосортор огторгойһоо буужал байха.

Хуули дабталга 29:23

«Бүхы газар хүхэр ба дабһан, гал дүлэн. Үрэһэ хүрэнгэ тарихын, юумэ ургуулхын аргагүй. Содом, Гоморро, Адмаа, Цэбоһиим хотонуудые уур сухал дундаа Эзэнэй хюдаһанай һүүлээр мэтэ ямаршье ногоон тэрээн дээрэ урганагүйл».

Пётрой 2-дохи хандалга 2:6

Дорой ябадалтай зониие һэргылэн, Бурхан Содом ба Гоморро хотынхидые гэмнээд, үнэһэ болгон усадхаа.

Иудын хандалга 1:23

Хүнүүдые хэһээлтын галһаа аршалжа байгты. Бусад зониие үршөөжэ хайрлагты, тиибэшье тэдэнһээ болгоомжолжо, нүгэлөөр бузарлуулагдаһан хубсаһанһаань жэрхэжэ байгты.

Иудын хандалга 1:7

Тэдээндэл адли зальхай ябадалтай Содом, Гоморро хотынхидой, хажуудахи хотонуудайнь зоной залиршагүй хэтын галда шатан, аймшагтай саазада хүртэһэн тухай һанагты. Таанадай эдэ бүхэниие мэдэжэ байһаншье һаа, би һануулжа хэлээб.

Гэршэлгэ 9:20

Иимэ ехэ аюул зоболондо орожо үхөөгүй үлэһэн хүнүүд өөһэдынгөө нүгэлтэ хара хэрэгүүдые үйлэдэжэл байгаа. Тэдэнэр алта мүнгөөр, гуули зэдээр, шулуу модоор хэгдэһэн худал хуурмаг шүтөөнүүдтэ, ада шүдхэрнүүдтэ урдынхидаал адляар һүгэдэн мүргэһөөр байгаа. Харин тиихэдэ тэдэ хуурмаг шүтөөнүүдынь юумэ үзэжэ харажашье, дуулажа шагнажашье, ябажа хүдэлжэшье шадахагүй.