Амоос 3:7 - Библи

⁷ Үнэн дээрээ Эзэн Бурхан зарасанартаа, лүндэншэдтээ, нюусаяа нээгээгүйдээ юушье хэдэггүй.

Амоос 3:7 Referencias Cruzadas

Эхин 18:17

Содом хотын харагдахада, тэдэ гурбанай нэгэн болохо Эзэн иигэжэ үгэлбэ: – Юу хэхэ гэжэ байһанаа Абраһаамһаа нюуха хэрэг бии юм гү?

Эхин 6:13

Нойдо айладхаба: – Хүн түрэлтэн хаа-хаанагүй ёрото муу хэрэг үйлэдэнэ, тиимэһээ Би тэдэниие дууһан хюдахам.

4 Хаан түрэнүүд 22:13

– Ошогты, Эзэнһээ нам тухай, арад зон тухай, бүхы иудынхид тухай һурагты. Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

4 Хаан түрэнүүд 22:20

Би шамайе үбгэ эсэгэнэртэшни тайбан мордохуулхаб. Ши амгалан тайбанаар өөрынгөө уг удамуудай агы нүхэн хуурсаг соо нойрсохош. Тиихэдээ ши энэ хотодо эльгээһэн Минии гай тодхорые харахагүйш. Энэ харюу хаанда дамжуулагдаба.

4 Хаан түрэнүүд 6:12

Түшэмэлнүүдэйнь нэгэн тэрээндэ хандажа: – Минии эзэн хаан, бидэнэй хэншье дуулганагүйл. Танай унталгынгаа таһалга соо хэлэһэн үгэнүүдые Израилиин лүндэншэ Элишаа Израилиин хаанда дамжуулан хэлэжэ болохо, – гэжэ хэлэбэ.

Исай 18:4

Эзэн намда иигэжэ айладхаа: «Ургаса хуряалгын халуун үдэр зэрэлгээ хараһандал, үдэрэй ааяма халуунай үедэ наранай ялардагтал эли тодоор Би юу боложо байгаашые Өөрын байраһаа һанаа амар хаража байхаб».

Ерэмияа 23:22

Хэрбээ тэдэ Минии нюуса бодолнуудые мэдэһэн һаа, арад түмэндэмни Минии үгэ тунхаглажа, нүгэлтэй муу байдалһаань болон муу хэрэгүүдһээнь холодуулха һэн.

Эзэкээл 29:21

Тэрэ үдэр Израилиин арад түмэниие хүсэн түгэлдэр болгохоб. Эзэкээл, тэдээндэ Минии нэрэһээ айладхал дамжуулхые шамда зүбшөөхэб. Тиихэдэм тэдэ Минии, Эзэн Бурханай, эдэ бүгэдые үйлэдэһые мэдэхэ.

Даниил 11:2

Мүнөө би шамда үнэниие айладхахам. Персидэ үшөө гурбан хаашуул тодоржо, удаань тэдээнһээ үлүү ехэ баялигтай дүрбэдэхи хаан тодорон гараха. Тэрэ бүри баян бардам болоходоо Грециин хан түрэтэй хүсэ шадалаа туршалсахаа һэдэхэ.

Даниил 2:47

Тиигээд хаан Даниилда: – Үнэхөөрөөл танай Бурхан бурхадай дунда эгээл ехэ Бурхан, хаашуулай Захирагша, Нюуса нээгшэ мүн. Шинии энэ нюуса таажа хэлэхэдэ би энээндэ этигэбэб.

Иоанн 15:15

Саашадаа таанадые Минии зарасанар гэжэ нэрлэхэгүйб, зараса гээшэ эзэнэйгээ юу хэдэгые мэдэнэгүй бшуу. Би таанарые хани нүхэдни гэжэ нэрлэнэб: Эсэгэһээ мэдэжэ абаһан бүхы юумэеэ дуулгабаб.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 1:19

Ши юу хараабши, мүнөө ямар юумэн боложо байнаб, хожом юун болохоб – энээн тухай ши бэшээрэй.

Гэршэлгэ 10:7

Теэд долоодохи Эльгээмэлэй бүреэгээ дуугаргахадань, Бурханай нюуса түсэб бүрин бэелүүлэгдэхэ. Бурхан энэ түсэб тухай Өөрынгөө зарасанар-лүндэншэдтэ урид мэдээсэһэн байгаа».

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.

1 Хаан түрэнүүд 9:15

Саулай ерэхын нэгэ үдэрэй урда тээ Эзэн Самуилда юумэ эли болгон иигэжэ айладаа бэлэй: