Амоос 3:14 - Библи

¹⁴ Юуб гэбэл, Израилиие гэм зэмынь түлөө шиидхэхэ үдэртөө Би мүн лэ Бэт-Ээлэй үргэлэй шэрээнүүдыешье шиидхэхэб, үргэлэй шэрээгэй эбэрнүүд таһа татагдажа, газарта унахал!

Амоос 3:14 Referencias Cruzadas

4 Хаан түрэнүүд 23:15

Хаан Набаадай хүбүүн Еробоһаамай Бэт-Ээлдэ барюулһан, тэрэнэй зэмээр бүхы Израиль нүгэл хэжэ байһан үргэлэй шэрээе мүргэдэг обоонуудай онгонуудтай хамта үгы хэбэ. Тиигээд тэрэ Ашэраагай модон сэргэнүүдые шатаажа үнэһэн тоборог болгобо.

2 Угай бэшэг 31:1

Эдэ бүгэдын удаа тэндэ байгааша Израилиин бүхы зон Иудын хотонууд руу ошожо, хариин бурхадай хүрэгүүдые бута сохибо, Ашэраагай модон сэргэнүүдые таһар сабшан унагааба, бүхы Иудын газараар болон Бэньямиинэй, Эпрааимай, Мэнашшээгэй обогуудай харьяата газарнуудаар үргэлэй обоонуудые болон үргэлэй шэрээнүүдые үгы болоторынь һандаргааба. Тиигээд хүн бүхэн гэртээ бусаа һэн.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Амоос 2:8

Үри шэриинь түлөө бариса боложо абтаһан хубсаһан дээрэ үргэлэй шэрээгэй дэргэдэ хэбтэжэ, бурхадайнгаа гэртэ тэдэ торгуулагдаһан нэгэнэй үзэмэй дараһан архи уужа байнал!

Амоос 4:4

Бэт-Ээл руу ерэжэ, гэм хэгты! Гилгаалда гэм зэмээ олошоруулагты! Үглөө бүри үргэлнүүдээ асаржа, гурбан үдэрэй нэгэ удаа арбанай нэгэ хубиие үргэн байгыт!

Амоос 7:10

Бэт-Ээлэй санаартан Амацияа Израилиин хаан Еробоһаамда иигэжэ дамжуулба: – Израильшуудай дунда буһалгаа шинии урдаһаа хэхэеэ Амоос бэлдэжэ байна. Орон нютаг тэрэнэй үгэ хүүр шагнаха дурагүй болонхой.

Амоос 7:13

Бэт-Ээлдэ лүндэн бэшэ бү таби! Энэ болбол хаанай нангин газар, улас түрын нангин үргөө, – гэбэ.

Амоос 7:9

Исаагай нангин зүйлнүүд үгырэн-хооһорон байха, Израилиин нангин юумэнүүд һандарал болохо. Еробоһаамай бүлын урдаһаа һэлмэеэ һугалан далайхаб! – гэбэ.

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!