Амоос 2:9 - Библи

⁹ Харин Би тэдэнэй түлөө эмоор угсаатаниие усадхаа бэлэйб. Хуша модон мэтэ тэдэнэр үндэршье һаань, сарса модон мэтэ хүсэтэй байгаашье һаань, Би тэдэниие оройһоонь эхилээд, үндэһэн хүрэтэрынь усадхааб.

Амоос 2:9 Referencias Cruzadas

Эхин 15:16

Дүрбэн үеын уг удамшни хариин нютагта ажаһууһанай удаа иишээ бусажа ерэхэ. Тэдэнэй эндэ ерэтэр эмоор обог зон энэ газар нютаг эзэлэн ажаһууха. Эдэ зоной доройтоһон ушарһаа Би тэрэ үедэ шинии уг удамай тала хаража, эмоор обогой зониие эндэһээ үлдэхэб. Харин эмоор обогойхидой тиимэ ёро муутай болотор Би мүнөө хүлеэгөөд, һүүлдэнь хэһээлтэ амсуулхаб.

1 Угай бэшэг 1:14

Евүүс, Эмоор, Гиргааш,

Иоов 18:16

Тэрэ хүн үндэһэ мүшэрынь хатаһан модонтой адли боложо, түрэһэн нютагтань тэрэниие таниха хүн үгы болошодог.

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Египедһээ гаралга 34:11

Таанадта зааһыем дууһан сахигты. Би эмоор, ханаһаан, хээт, пэриззии, хиив, евүүс угсаатаниие таанадһаа зугадуулан ябуулхаб.

Исай 10:33

Хараарайгты, Түмэн Сэрэгтэ Эзэн мододой мүшэр хухалдагтал агууехэ хүсөөрөө тэдэниие хухалан доошонь хаяха. Эгээл омог бардам, эгээл үндэрынь баһагдан доромжолуулагдаха.

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Эзэкээл 17:9

Эзэкээл, Минии, Эзэн Бурханай, иигэжэ асууһые дуулга: энэ үзэм модон саашадаа урган байха аал? Түрүүшын бүргэд үндэһөөрнь татажа зулгааха, үзэм жэмэсыень таһалха, набша намааень, мүшэрнүүдыень таһалан һалгааха, хатаахагүй юм аал? Хүсэтэй ехэ сэрэгшье эндэ хэрэгтэй бэшэ.

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Тоололго 32:13

Эзэн израильшуудта сухалаа хүрөөд, эбсэшэгүй нүгэл хэһэнэйнь түлөө дүшэн жэлдэ тулижа, тэнэжэ хосорхынь түлөө тэдэниие элһэн губида орхёо!

Хуули дабталга 1:28

Юундэ тиишээ ошохобибди? Бидэ айнабди. Тэндэхи зон маанадта орходоо томо, үндэршье, хотонуудынь мантан, огторгой тулама хэрэм ханануудтай гэжэ тагнуулаар ошоһон зомнай дуулгаа һэн. Тэндэ айхабтар томо бэетэй Анаагай үри һадаһадые тэдэ хараал!»

Хуули дабталга 3:11

(Башаанай хаан Оог рэпаиимүүдэй дундаһаа эгээл һүүлшын үлөөшэнь бэлэй. Тэрэнэй шулуун хуурсаг мүнөөшье болотор аммоонуудай Раббаа хотодо байһаар: утань юһэн, үргэниинь эрэ хүнэй дүрбэн тохой болохо юм.)

Нүүнэй Иисүүс 10:12

Эзэнэй Эмоорые Израилиин гарта үгэһэн үдэр, Гибэһоондо тэдээниие Бурханай сохиһон үдэр, Израилиин хүбүүдэй хараһаар байтар тэдээнэй сохюулһан үдэр Иисүүс Эзэндэ уряалан хандаад, Израилиин зоной урда хэлээ: – Наран, Гибэһоон дээрэ тогто, һара Аялооной хүнды дээрэ тогто!

Нүүнэй Иисүүс 3:10

Иисүүсэй хэлэһэниинь: – Тэрэ үгэһөө танай дунда амиды Бурхан бии гэжэ мэдэхэт. Танда газар үгэхын тула Тэрэ ханаһаануудые, хээдүүдые, хиивүүдые, пэриззиинүүдые, гиргаашуудые, эмооршуудые, евүүсүүдые үлдэхэ.