Амоос 2:8 - Библи

⁸ Үри шэриинь түлөө бариса боложо абтаһан хубсаһан дээрэ үргэлэй шэрээгэй дэргэдэ хэбтэжэ, бурхадайнгаа гэртэ тэдэ торгуулагдаһан нэгэнэй үзэмэй дараһан архи уужа байнал!

Амоос 2:8 Referencias Cruzadas

Египедһээ гаралга 22:25

Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

Исай 57:7

Үндэр, мантан хада уула дээрэ ороо зохёожо, өөдөө гаража, үргэл үргэнэт.

Эзэкээл 18:12

ядуу, үгытэй зониие дарладаг, зонһоо юумыень буляадаг, бариса гэжэ абаһан юумэеэ бусаадаггүй, онгонуудта мүргэдэг, жэгшүүрилтэ муухай юумэ хэдэг,

Эзэкээл 18:7

Хэнииешье дарладаггүй, бариса гэжэ абаһан юумэеэ бусаадаг, дээрмэшэлгэ, тонуул хэдэггүй, үлэн хооһон хүнтэй эдеэ хоолоороо хубаалдадаг, нюсэгэн хүндэ хубсаһа үгэдэг.

Эзэкээл 23:41

Шэрээ урдань табяатай гоё һайхан буйдан дээрэ тэдэ хэбтэдэг бэлэй. Тэрэ шэрээ дээрэнь Минии үршөөһэн оливын тоһон, уталганууд байдаг һэн.

Һошээ 4:8

Арадайм нүгэл шэбэл үйлэдэхэдэ, тэдэ баяжажа байна. Бүри ехээр нүгэл хэг лэ гээд тэдэ сэдьхэнэ.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Амоос 3:14

Юуб гэбэл, Израилиие гэм зэмынь түлөө шиидхэхэ үдэртөө Би мүн лэ Бэт-Ээлэй үргэлэй шэрээнүүдыешье шиидхэхэб, үргэлэй шэрээгэй эбэрнүүд таһа татагдажа, газарта унахал!

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Амоос 6:4

Заанай яһаар бүтээгдэһэн шэрээнүүд дээр хэбтэн һагад һуужа, зөөлэн үнжэгэн мяхатай хурьга, тарган, тобир тугал зооглон байнат.

Амоос 6:6

Иосифой уг удамай һалажа байгаа тухай түр зуурханшье һанаа зобонгүй, тахилай аягаһаа үзэмэй дараһан архи уужа, эрхим гүгэл түрхинхэй һуунат.

Коринфынхидтэ 1-дэхи 10:21

Таанад Эзэнэй аягаһаа ба ада шүдхэрэй аягаһаа нэгэ зэргэ уужа шадахагүйт, Эзэнэй шэрээдэ ба ада шүдхэрэй шэрээдэ нэгэ зэргэ хоол барижа шадахагүйт.

Коринфынхидтэ 1-дэхи 10:7

Тэдэнэй зариманиие һажаажа онгонуудта бү шүтэгты. «Хүн зон эдихэ, уухаяа һууба, найрлажа нааршаажа оробо», – гэжэ Нангин Бэшэг соо бэшээтэй байдаг.

Коринфынхидтэ 1-дэхи 8:10

Тиимэ бирагүйхэн һүзэгтэн онгонуудта шүтэдэг газарта юумэ мэдэрһэн шинии эдеэлхыешни хараад, онгонуудта үргэгдэһэн эдеэ амсахаяа һанахагүй гү гэжэ бодоод үзөөрэй.

Ударидагшад 9:27

Нэгэтэ шэхээмэйхид хээрэ гаража, уһан үзэм хуряагаад, тэрэнээ шахан даража, үзэмэй дараһан архи хэбэ. Тиигээд тэдэнэр һайндэрлэн сэнгэһэнэй һүүлдэ өөһэдынгөө бурханай һүмэ соо эдеэлбэд, ундалбад, муу муухайгаар Абимээлэхые хараажа эхилбэд.