Амоос 2:7 - Библи

⁷ Үгытэй хооһон зониие газарай хумхаа тооһон руу шэдэнэ, туһагүй ядуу зониие харгы замһаань хадууруулна. Нангин нэрыем бузарлан, эсэгэ хүбүүн хоёр нэгэ залуу эхэнэртэй унтана.

Амоос 2:7 Referencias Cruzadas

2 Хаан түрэнүүд 12:14

Харин энэ хэрэг хэжэ, Эзэниие тоогоогүй байһанайш түлөө шинии хүбүүн заабол гээгдэхэ, – гэжэ Натаан хэлэбэ.

3 Хаан түрэнүүд 21:4

Угайнгаа зөөри үгэхэгүйб гэжэ Езрээлэй Набоодой хэлэһэндэнь Ахааб ехэ уруу дуруу, гомдонги гэртээ ерээд, унтаридаа хэбтэжэ, нюураараа буруу харан, эдеэ хоолһоо гараад байба.

Һургаал 28:21

Нэгэнэй тала бариха гээшэ һайтай бэшэ хэрэг: тиимэ хүн зүһэм хилээмэнэй түлөө нүгэл үйлэдэдэг.

Исай 10:1

Үнэн зүб бэшэ хуулинуудые зохёодог, буруу шиидхэбэринүүдые бэшэдэг таанадта гай гасалан тудаха!

Исай 10:2

Таанад үгытэй ядуу зоной хэрэгые буруу шиидхэнэт, эрхэнүүдыень хаһанат. Бэлбэһэн эхэнэрнүүдэй ба үншэн үхибүүдэй зөөри өөрын олзо болгонот.

Исай 3:14

Эзэн арад түмэнэйнгөө ахалагшадые болон ударидагшадые шүүн, иигэжэ айладхана: «Таанад үзэм жэмэсэй сэсэрлиг хооһоруулаат, үгытэй ядуу зонһоо буляажа абаһан зөөри гэртэтнай байна.

Исай 3:15

Ямар эрхэтэй аад, арад түмэниием дарланабта, үгытэй ядуу зониие юундэ баһанабта? Энэ болбол Би, Түмэн Сэрэгтэ Эзэн Бурхан, айладажа байнаб!»

Эзэкээл 22:11

Нэгэнь хүршынгөө һамгантай жэгшүүритэй хэрэг үйлэдэжэ, унтана, нүгөөдынь забхайран, бэреэ бузарлан, унтана, гурбадахинь эгэшэ, дүүгээ хүсөөрөө эдлэнэ.

Эзэкээл 36:20

Туугдан ошоһон газар нютаг бүхэндөө тэдэ Минии нангин нэрэ бузарлаа: «Эзэн Бурханай арад аад, орон нютагһаа гаран ошохо баатай болоо гэжэ хариин зон хэлсэнэ».

Һошээ 4:14

Зальхай забхай ябадалтай басагад, бэреэдыетнай усадхахаяа Би үшөө хүлеэхэм, юуб гэбэл, таанад өөһэдөө янхан ябадалтайт, хариин бурхадта мүргэн, тахил үргэнэт. Тэнэг мунхаг иимэ арад хадаа таанад усадхагдахат!

Левит 18:15

Өөрынгөө бэритэй ташаяан бү үйлэдэ. Тэрэшни шинии хүбүүнэй һамган болоно, тэрээнтэй ташаяан бү үйлэдэ.

Левит 18:21

Өөрынгөө үри хүүгэдээ Моолохто бү һүгэдүүлэ, өөрынгөө Бурханай нэрэ гутаахаш. Би хадаа Эзэнби.

Левит 18:8

Эсэгынгээ һамгантай ташаяангы хурисал бү үйлэдэ, тиигэжэ ши эсэгынгээ нэрэ гутаанаш.

Левит 20:3

Би уурлан тэдээн руу эрьехэб, нюураараа тэрэ хүниие харахаб, тэрэниие хюдажа алахаб. Тэрэ хүн хадаа Моолохто үхибүүдһээнь үгэжэ, нангин байрыем бузарлаа, нангин нэрыемни гутаагаа.

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Амоос 5:11

Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Амоос 5:12

Гэмтэ хэрэг хэды олоор хэһыетнай, нүгэл шэбэлэйтнай угаа хүндые мэдэнэм. Зэмэгүй хүниие харшалнат, эдилгэ абанат, ядуу зониие буруу шүүбэрилнэт.

Амоос 8:4

Ядуу зониие харшалаашад, үгытэйшүүлые усадхаагшад, шагнагты!

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Михей 2:9

Зохидхон гэрнүүдтэнь һанаашархан, арадайм эхэнэрнүүдые тэрэ гэрнүүдһээ үлдэжэ гарганат, Минии үреэлые үхи хүүгэдһээнь хэмэ мүнхэдөө буляан абанат.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Римэйхиндэ 2:24

«Еврей таанадһаа боложо бусад арадууд Бурханиие муудхана», – гэжэ Нангин Бэшэг соо хэлээтэй байдаг.

Коринфынхидтэ 1-дэхи 5:1

Таанадай дунда забхайралга ушарна, нэгэнтнай хойто эхэтэйгээ орёолдоно гэһэн һураг минии һонорто хүрэбэ. Тиимэ бузар забхайралга бусад арадуудайшье дунда ушараа гэжэ дуулдаагүй.