Амоос 2:15 - Библи

¹⁵ Һурша ном татаха хүншье байрадаа тогтожо шадахагүй, хүл хурданшье тэрьедэжэ үрдихэгүй, моритой хүншье амияа абаржа шадахагүйл.

Амоос 2:15 Referencias Cruzadas

Экклезиаст 9:11

Нарата дэлхэйдэ хараһан зүйл соо хурданиинь урилдаанда шалгардаг бэшэ, эрэлхэгтэ илалта ерэдэггүй, мэргэн сэсэндэ олоһон хилээмэниинь хүртэхэгүй, ухаатайда зөөри баялиг байхагүй, уран дүйтэйдэ шадабари үгтэдэггүй, бүхы хүнүүд эрэ бэрхэдээ бэшэ, аза талаангайл тудахада юумэн хуу ушарха сагтаа болодог.

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Ерэмияа 51:56

Тэдэ Вавилоониие усадхахаяа ерээ. Вавилооной сэрэгшэд баригдаха, һурша номуудынь эбдэгдэхэ. Би хэһээлтэ амасуулдаг Бурхамби, Вавилооной муу юумэ хэһэн хэмээрнь тэрээндэ хэһээлтэ амасуулхаб.

Эзэкээл 39:3

Зүүн гарһааш һурша номыеш, баруун гарһааш годлинуудыеш ходолон хаяхаб!

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!

Хаггай 2:22

хан түрэнүүдые үгы хэхэнь, арадуудай хан түрэнүүдэй хүсэ шадалынь бууруулхань. Дайшалхы тэргэнүүдые хүмэрюулжэ, жолоошодыень унагаахань. Морин сэрэгшэд бэе бэеэ һэлмээр сабшан усадхаха.

Захарияа 10:5

Тэдэ гудамжын тооһондо дайсанаа дэбһэн гэшхэхэ шадалтай. Байлдаанда ороходоо, морито сэрэгые бута сохихо, юуб гэхэдэ, Эзэн тэдээнтэй суг хамта оролсохо.