Амоос 2:10 - Библи

¹⁰ Египедэй орон нютагһаа таанадые Би гаргаа бэлэйб, дүшэн жэлэй туршада сүл губяар хүтэлэн ябааб. Эмоор зоной газар уһые таанадай эзэмшэлгэдэ дамжуулхын тула.

Амоос 2:10 Referencias Cruzadas

Нэхэмьяа 9:21

Та тэдэнэй дүшэн жэлдэ элһэн губида ябахадань дүнгөөт, тэдэнэр юугээршье дуталдаагүйл, хубсаһа хунарыньшье элээгүй, хүлнүүдыньшье хабдаагүйл.

Псалманууд 95:10

«Эзэн бол Хаан!» гэжэ үндэһэтэдэй дунда хэлэгты. Юртэмсэ нээрээ бата бэхи тогтоогдонхой, ганхахагүй. Эзэн арад зониие зүб шударга ёһоор шүүбэрилхэ.

Египедһээ гаралга 12:51

Тэрэ үдэр Эзэн Израиль угсаатаниие Египедһээ сэрэг шэнгеэр жагсаан гаргаба.

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Ерэмияа 2:6

Тэдэ Нам тухай һанаагаа табяашьегүй. Харин Би тэдэниие Египедэй газар нютагһаа абаран гаргажа, элһэн сүл губяар, ханха зайдан, хонхо-ёнхо газараар, ган гасуур, аюултай газараар, хэнэйшье хүндэлэн гаража үзөөгүй, хэнэйшье оршон амидараагүй газараар хүтэлэн ябажа гаргааб.

Эзэкээл 20:10

Иигэжэ Би тэдэниие Египедһээ гаргажа, элһэн сүл губи руу абаашаа һэм.

Амоос 3:1

Израилиин улад зон, таанар тухай, Египедһээ гаргаһан бүхы обогууд тухай, Эзэнэй айладхал дуулагты!

Амоос 9:7

Эзэн иигэжэ айладана: Израильшууд, таанар Намда Күүшэй зондол адлит. Египедһээ израильшуудые, Каптоорһоо Пилиштын арадые, Киирһээ араамшуудые асараа һэм.

Михей 6:4

Египедэй газар дайдаһаа, богоол байдалһаа шамайе абаран гаргаа һэм. Шамайе дахуулан ябахыень Моисей, Аһароон болон Мириамые эльгээгээ һэм.

Тоололго 13:32

Харин тэрээнтэй суг хамта ошолсоод ерэһэн зон иигэжэ арсабад: – Бидэ тэрэ арадтай тулалдажа шадахагүйбди. Бидэнһээ тэдэнэр һураггүй хүсэтэйл!

Тоололго 21:25

Израильшууд эмооршуудай Хэшбоон хотые, тэрэниие тойроод байһан бүхы нютагуудые эзэмдэжэ, тэндэнь ажаһуужа эхилбэ.

Тоололго 32:13

Эзэн израильшуудта сухалаа хүрөөд, эбсэшэгүй нүгэл хэһэнэйнь түлөө дүшэн жэлдэ тулижа, тэнэжэ хосорхынь түлөө тэдэниие элһэн губида орхёо!

Хэрэгүүд 13:18

дүшэн жэлэй туршада сүл губида тэдэнтэй тэсэбэритэй байгаа.

Хэрэгүүд 7:42

Тиихэдэнь Бурхан тэдэниие буруу хаража, лүндэншэдэй номууд соо бэшэгдэһэн ёһоор огторгойн одо мүшэдтэ мүргэхэдэнь һаалта хээгүй: «Израилиин арад зон! Таанар дүшэн жэлэй туршада сүл губяар нүүжэ ябахадаа, амитадые гаргаад, Намда үргэл үргэдэг байгаа аалта?

Хуули дабталга 1:39

Дайсадай олзо болохо гэжэ таанадай һанаһан үхибүүдтнай тиишээ орохо. Тэдэнэр һайн, муу юумэн гэжэ үшөө мэдэнэгүй. Тэдээндэ газар үгэхэдэм, эзэмдэн ажаһууха.

Хуули дабталга 2:7

Эзэн Бурханайнгаа бүхы ажал хэрэгүүдыетнай үреэһэн, агууехэ элһэн сүл губяар ябажа байхадатнай таанадые хаража байһан тухайнь бү мартагты. Дүшэн жэлэй туршада Эзэн Бурхантнай таанадтай хамта ябана, тиимэһээ та бүгэдэ ямаршье юумээр дуталдаагүйт“».

Нүүнэй Иисүүс 13:4

Урагшаа Ханаһаанай бүхы газар, Сидооной Мэарааһаа Апээк хүрэтэр, эмооршуудай хилэ хүрэтэр,

Нүүнэй Иисүүс 24:8

Би таанадые Иорданай саана байһан эмооршуудай газарта асарааб. Тэдэ таанартай тулалдаа. Би тэдээниие танай гарта үгөөб, таанар тэдээнэй газарые эдлэл болгожо абаат. Би тэдээниие танай урда хюдааб.