Амоос 1:5 - Библи

⁵ Дамааск хотын хаалга эбдэхэб, Аавэн нюруугай уладые хюдахаб, Бэт-Ээдэнэй удамаршые һалгаахаб! Араамай арад зон баряанда сүлэгдэн Киир руу туугдаха.

Амоос 1:5 Referencias Cruzadas

4 Хаан түрэнүүд 14:28

Еробоһаамай дайшалхы баатаршалганууд, тэрэнэй яажа Дамааск болон Хамаат хотонуудые Израильтай хамта Иудын засаглал дороһоо бусаалгаһан ба бусад ябуулганууд тухай «Израилиин хаашуулай түүхын ном» бэшээтэй юм.

4 Хаан түрэнүүд 16:9

Ассириин хаан тэрэнэй гуйлтые дүүргэжэ, Дамааскда дайгаар добтолон орожо, тэрэ хотые эзэмдээд, Рэцииниие саазалба, тэндэхи хүнүүдые Киир руу туужа абаашаба.

Исай 22:6

Элаам нютаг ороной зон номо һаадагаа абажа, мори унан, тэргэлэн, ерэбэ. Киир орон нютагай сэрэгшэд бамбайнуудаа байлдаанда бэлдэбэ.

Исай 43:14

Израилиин арюун Бурхан, таанадые Абарагша Эзэн иигэжэ айладхал буулгана: «Таанадые абархын тула Би Вавилооной урдаһаа сэрэг эльгээгээб, баяртай бардамаар хашхардаг халдейшүүдэй уһанай онгосоор тэрьедэхэдэнь, хюдахаб!

Исай 8:4

Юуб гэхэдэ, энэ үхибүүнэй «аба, эжы» гэжэ хэлэжэ һуратар Дамааскын бүхы эд баялиг болон Самариин бүхы олзо Ассириин хаанай болохо.

Ерэмияа 50:36

Худал айладхал хүргэгшэд хосорог лэ! Тэдэ мунхаг! Сэрэгшэдынь хосорог! Тэдэ аймхай!

Ерэмияа 51:30

Вавилооной сэрэгшэд тулалдахаа болижо, бата хэрэмүүдтээ хоргодон байна. Тэдэ шэн зориггүй, хүсэгүй ядуу болонхой. Хотын бартаанууд һандаргагдаа, гэр байрануудынь галдагдаа.

Гашуудал 2:9

Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Эзэкээл 27:23

Харраан, Ханнээ, Ээдэн, Шэбаа, Ассири, Хилмаад хотонуудай наймаашадтай ши мүн лэ наймаа ябуулааш.

Эзэкээл 30:17

Оон болон Пи-Бээшэт хотонуудай залуу сэрэгшэд дайн дажарта алдалан унаха, бусад зониинь баряанда туугдан ошохо.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Амоос 5:5

Бэт-Ээл руу бү эрьегты! Гилгаал ошохо хэрэггүй. Бэһээр-Шээбэ руу бү ошогты! Гилгаалай улад зон баряанда туугдаха, Бэт-Ээлдэ гай тодхор тохёолдохо!

Амоос 9:7

Эзэн иигэжэ айладана: Израильшууд, таанар Намда Күүшэй зондол адлит. Египедһээ израильшуудые, Каптоорһоо Пилиштын арадые, Киирһээ араамшуудые асараа һэм.

Наум 3:13

Үзөөрэй, сэрэгшэдшни һамгадтал адли, газар дайдыншни хаалганууд дайсанай урда үргэнөөр сэлигдэхэ, шэбхэнүүдшни гал дүлэндэ шатан һалаха.