Фессалоникиинхидтэ 2-дохи 2:13 - Библи

¹³ Эзэндэ инаг хайрата байһан аха дүүнэрни, бидэ таанадай түлөө үргэлжэ Бурханда баясхалан хүргэжэ байха ёһотойбди. Таанадай Арюун Һүлдын хүсөөр Бурханай хүнүүд боложо, үнэн зүб юумэндэ этигэһэн һүзэгөөрөө абарагдахынтнай тула Бурхан таанадые эхинһээ нааша шэлэжэ абаа.

Шэнэ Хэлсээн

¹³ Дээдын Эзэндэ инаг хайрата байһан аха дүүнэрни, бидэ таанадай түлөө үргэлжэ Бурханда баясхалан хүргэжэ байха ёһотойбди. Таанадай Нангин Һүлдын хүсөөр Бурханай хүнүүд боложо, үнэн зүб юумэндэ этигэһэн һүзэгөөрөө абарагдахынтнай тула Бурхан таанадые эхинһээ нааша шэлэжэ абаа.

Фессалоникиинхидтэ 2-дохи 2:13 Referencias Cruzadas

Эхин 1:1

Эхинэй эхиндэ Бурханай огторгой болон газар дэлхэйе бүтээжэ захалхада,

2 Хаан түрэнүүд 12:25

лүндэншэн Натааные эльгээн, Едидаа гэжэ нэрээр нэрлүүлбэ.

Һургаал 8:23

Би эхинэй эхинһээ, газар дэлхэйн һаяхан бии боложо байхада тогтоогдоо һэм.

Исай 46:10

Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Даниил 10:11

Тэрэ намда: – Бурханай шэлэгшэ Даниил! Минии шамда хэлэхэ гэжэ байгааша үгэнүүдые ойлгоорой. Дээшээ бодо, юуб гэхэдэ, би шам руу эльгээгдэнхэйб, – гэбэ. Тиигэжэ хэлэхэдэнь, би шэшэрһээр дээшээ бодобоб.

Даниил 10:19

Тэрэ: – Бурханай шэлэгшэ хүн, бү ай! Амар тэниглэн бай, зоригтой, зоригтой бай! – гэбэ. Иигэжэ хэлэхэдэнь би хүсэ тэнхээтэй боложо: – Эзэмни, дуугарыт! Намда тэнхээ тамир бусаагаалта, – гэбэб.

Даниил 9:23

Шинии мүргэн зальбаржа эхилхэдэ, зарлиг гараа һэн. Тиигээд шэлэжэ абтаһан шамда тэрэниие дуулгахаяа ерээб. Тэрэ зарлигые ойлго, үзэгдэлые таажа аба.

Лука 1:75

наһан туршадаа арюун һайханаар, боди сэдьхэлээр Тэрээндэ мүргэл хэжэ ябаха заяатайбди.

Иоанн 1:1

Эхинэй эхиндэ Үгэ байһан юм. Тэрэ болбол Бурхантай хамта байгаа. Тэрэ хадаа Бурхан мүн байгаа.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Хэрэгүүд 13:48

Хэлэһыень дуулахадаа, бусад арадууд ехээр баярлажа, Эзэнэй үгые алдаршуулба, тиигээд мүнхэ ажамидархаар шэлэгдэһэн хүнүүд булта һүзэглэбэ ха.

Хэрэгүүд 15:9

Бурхан маанадай болон бусад арадуудай хоорондо ямаршье илгаа гарганагүй, юундэб гэхэдэ, тэдэнэй зүрхэ сэдьхэл этигэлээр арюудхагдаа.

Римэйхиндэ 6:17

Бурханда баяр баясхалан хүргэе! Таанад нэгэ үедэ нүгэлэй барлагууд байһан аад, номногдоһон һургаалай үнэн зүбые бүхы зүрхэ сэдьхэлээрээ дуулажа абаат.

Римэйхиндэ 8:33

Бурханай шэлэжэ абаһан хүнүүдые хэн гэмнэхэб? Бурхан Өөрөө тэдэниие зэмэгүй гээл.

Римэйхиндэ 9:11

Үшөө тэдэ хоёрой түрөөгүй, һайн гү, али муу юумэ хээгүй байхадань, «Ахань дүүгэйнгээ зараса болохо», – гээд Эзэн Рэбээккаада хэлээ. Тиигэжэ хэлэхэдээ, Эзэн хүнүүдэй хэрэгүүдээр бэшэ, харин Өөрынгөө эрхэ хүсэлөөр шэлэжэ байһанаа харуулаа.

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан Өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Галадуудта 3:1

Ай, мунхаг тэнэг галаадууд! Хэн таниие эльбэдэбэ гээшэб? Минии номноходо хэрээһэндэ саазалагдаһан Христоосые таанад нюдөөрөө хаража байһандал байгаа бэшэ һэн гүт?

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Хуули дабталга 33:12

Бэньямиинэй обог тушаа тэрэ иигэжэ хэлэбэ: «Эзэнэй дуратай эдэ зон хажуудань һанаа амар ажаһууна, Бурхан тэдэниие хододоо аршална, Бурханай дэбисхэрэй дунда тэдэ хашалгүй байна».

Колоссынхидтэ 1:5

Үнэн зүб үгые, Һайн Мэдээсэлые анхан таанадта номноходомнай, таанад найдалга тухай дуулаа һэнта. Бурханай тэнгэри дээрэ бэлдээд байһан юумэндэ найдажа байһан дээрэһээ таанад һүзэглэнэт, дуратай байнат.

Колоссынхидтэ 3:12

Таанад гэгээн хүнүүд гээшэт. Бурхан таанадта дуратай, таанадые Өөртөө шэлэжэ абаа. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Фессалоникиинхидтэ 1-дэхи 1:4

Аха дүүнэрни, Бурхан таанадта дуратай, таанадые шэлэжэ абаа гэжэ бидэ мэдэнэбди.

Фессалоникиинхидтэ 1-дэхи 2:12

Хаан түрөөрөө ба алдар солоороо хубаалсаха гэжэ таанадые дуудаһан Бурханда һайшаагдаха амидаралаар амидархыетнай бидэ гуйжа, идхажа, аргадажа байгаабди.

Фессалоникиинхидтэ 1-дэхи 4:7

Бурхан бидэниие забхайралдахыемнай бэшэ, харин арюун гэгээнээр амидархыемнай уряалаа юм.

Фессалоникиинхидтэ 1-дэхи 5:9

Бурхан хэһээхын тула бэшэ, харин Эзэн Иисүүс Христоосой туһаар абархын тула бидэниие шэлэжэ абаа юм.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Фессалоникиинхидтэ 2-дохи 2:10

үхэлдэ хүртэхэ хүнүүдтэ элдэб янзын мэхэ гохо хэрэглэхэ. Өөһэдыгөө абаран, үнэн зүб юумэндэ этигээгүй, дурлаагүй зон үхэхэ.

Фессалоникиинхидтэ 2-дохи 2:12

Һүүлдэнь үнэн зүб юумэндэ этигээгүй, харин нүгэлтэ юумэ үйлэдэхэ дуратай байһан хүн бүхэн буруушаагдаха.

Фессалоникиинхидтэ 2-дохи 2:16

Маанадта дуратай, хайра үршөөлөөрөө маанадые хэтын хэтэдэ урмашуулдаг, бата найдабари үршөөдэг Эсэгэ Бурхамнай болон манай Эзэн Иисүүс Христоос Өөрөө

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин Өөрынгөө һайн хүсэлөөр ба үршөөл хайраар бидэниие абаржа, нангин арад болгохоёо дуудаа. Бурхан сагай урадхалай эхи абахаһаа урда бидэндэ Иисүүс Христоосой ашаар Өөрынгөө үршөөлые хайрлаа.

Тимофейдэ 2-дохи 2:15

Һайн албатан байнаш гэһэн Бурханай магтаалда хүртэхын тула һайнаар ажаллажа байгаарай. Хэжэ байһан ажалһаа эшэжэ зобохогүйн тула Бурханай үгые үнэн зүбөөр һургажа байгаарай.

Тимофейдэ 2-дохи 3:15

шинии үхибүүн байха сагһаа мэдэдэг Нангин Бэшэг шамайе һургажа, сэсэн ухаатай болгоно. Тиин тэрэ ухаан Иисүүс Христоосто этигэһэн һүзэгэйшни ашаар шамайе абарна.

Еврейнүүдтэ 1:10

Тэрэ үшөө иигэжэ айладхаа: «Ши, Эзэн, анха түрүүн газар дэлхэйе бүтээгээш, Өөрын гараар огторгойе байгуулааш.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Иоаннай 1-дэхи хандалга 4:10

Дуран гээшэ иимэ: Бурханда бидэ дурлаагүйбди, Бурхан Өөрөө бидэндэ дурлажа, бидэнэй хэһэн нүгэлэй түлөө үргэл болгон, Өөрынгөө Хүбүүе эльгээгээ.

Иоаннай 1-дэхи хандалга 4:19

Бидэ Бурханда дуратайбди, юундэб гэбэл, бидэндэ түрүүшээр Бурхан дурлаа.