Фессалоникиинхидтэ 1-дэхи 5:23 - Библи

²³ Бидэндэ амгалан тайбаниие үршөөжэ байһан Бурхан таанадые бүримүһэн арюун гэгээн болгог, Эзэн Иисүүс Христоосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье зэмдэг дутагдалгүй хадагалагдажа байг.

Шэнэ Хэлсээн

²³ Бидэндэ амгалан тайбаниие үршөөжэ байһан Бурхан таанадые бүримүһэн арюун нангин болгог, Дээдын Эзэн Иисус Христосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье дутуу дутагдалгүй хадагалагдажа байг.

Фессалоникиинхидтэ 1-дэхи 5:23 Referencias Cruzadas

Эзэкээл 37:28

Һүмымни Израильда оршодогые, Өөрын арад түмэн болгон Израилиин улад зониие шэлэн абаһыем дэлхэйн бүхы арадууд мэдэхэ».

Левит 20:26

Таанад арюун байжа, гансал Минии арад түмэн байха ёһотойт. Юуб гэбэл, Би Эзэн гээшэб, Би арюун нангин гээшэб, гансал Минии байхынтнай түлөө ондоо арадуудһаа таанадые илган абааб.

Левит 20:8

Минии тогтоол хуулинуудые сахигты, дүүргэгты, юуб гэхэдэ, Би таанадые арюудхадаг Эзэн гээшэб.

Лука 1:46

Тиихэдэнь Мария иигэжэ үгэлбэ: – Би үнэнхэ сэдьхэлһээ Эзэнээ алдаршуулан магтанаб,

Иоанн 17:19

Үнэн зүйлэй хүсөөр эдэниие Танай болгохын тула, Би Өөрыгөө Танда зорюулааб.

Хэрэгүүд 20:32

Би таанадые Бурханда, Бурханай үршөөл хайра тухай һургаалда даалганаб. Бурханай үршөөл хайра тухай һургаал таанадые үлүү һайн һургажа магадгүй. Һүзэглэгшэ зондо бэлдээтэй зөөри зөөшэһөө тэрэ һургаал таанадта баһа үгэхэ.

Римэйхиндэ 15:13

Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.

Римэйхиндэ 15:33

Амгалан байдал үршөөдэг Бурхан та бүхэнтэй оршожо байхань болтогой!

Римэйхиндэ 15:5

Маанадые тэсэбэритэй байлгадаг, урмашуулдаг Бурхан Христоос Иисүүсэй жэшээгээр таанадые нэгэ һанал бодолтой байлгаһай.

Римэйхиндэ 16:20

Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Эзэн Иисүүсэй үршөөл хайра таанадтай оршожо байхань болтогой!

Коринфынхидтэ 1-дэхи 1:30

Юуб гэбэл, Бурхан лэ таанадые Христоос Иисүүстэй нэгэдүүлээ, Христоосые манай сэсэн ухаан болгоо. Христоосой ашаар бидэ үнэн сэдьхэлтэнгүүд, Бурханай нангин хүнүүд, сүлөөтэй хүнүүд болообди.

Коринфынхидтэ 1-дэхи 14:33

Ушарынь юуб гэхэдэ, Бурхан эмхи гуримгүй бэшэ, харин энхэ тайбанай эхин юм. Һүзэглэгшэдэй бүхы бүлгэмүүд соо Бурханай хүнүүдэй бэеэ абаад ябадаг ёһоор

Коринфынхидтэ 2-дохи 5:19

Бурхан Христоос соо оршожо, энэ дэлхэйн зонтой эбээ нэгэдхээ, нүгэлнүүдыень хүлисөө. Тиигээд эб нэгэдхэхэ тухай мэдээсэлээ маанадта даалгаа.

Филиппынхидтэ 1:10

Тиигэбэл таанад үнэн зүбые шэлэхэ аргатай байхат. Тиигээд Иисүүс Христоосой заларжа ерэхэ үдэр таанад арюун сэбэр, ямаршье гэмгүй байхат.

Филиппынхидтэ 1:6

Тиихэдэ таанадай дунда үлзы һайхан үйлэ хэрэг бүтээжэ эхилһэн Бурхан Иисүүс Христоосой заларан ерэхэ үдэр хүрэтэр тэрэ хэрэгээ залируулангүй бүтээжэл байха гэһэн хатуу этигэлтэй байнаб.

Филиппынхидтэ 4:9

Минии хэлэжэ, юумэ хэжэ байхада намһаа һуража, ойлгожо абаһан бүгэдые бэелүүлжэ байгты. Тиигэбэл зүрхэ сэдьхэлдэмнай, һанал бодолдомнай амгалан байдал үршөөдэг Бурхан манай дунда оршожо байхал.

Колоссынхидтэ 1:22

Харин мүнөө Өөрынгөө урда таанадые нангин, арюун сэбэр, гэмгүй байлгахын тула Хүбүүнэйнгээ үхэлөөр Бурхан таанадтай эбээ нэгэдхүүлбэ.

Фессалоникиинхидтэ 1-дэхи 2:19

Һүүлэй һүүлдэ таанад лэ манай найдабари, манай баяр, манай Эзэн Иисүүсэй ерэхэдэ илаһандаа бахархаха шалтагаамнай болонот.

Фессалоникиинхидтэ 1-дэхи 3:11

Таанадта ошохо харгыемнай Эсэгэ Бурхан Өөрөө, манай Эзэн Иисүүс бэлдэжэ үгэг лэ.

Фессалоникиинхидтэ 1-дэхи 3:13

Тиигэбэл Эзэн Иисүүсэй Өөрынгөө хүнүүдтэй ерэхэдэнь, Эсэгэ Бурханай урда нүгэлгүй, арюун сэбэр байхынтнай тула Эзэн таанадые бэхижүүлхэ.

Фессалоникиинхидтэ 1-дэхи 4:3

Бурхан таанадые забхай бэшэ, харин гэгээн хүнүүд байхыетнай хүсэнэ.

Фессалоникиинхидтэ 1-дэхи 5:22

Элдэб гэмтэ ябадалнуудые хэнгүй байхые хэшээгты.

Фессалоникиинхидтэ 2-дохи 3:16

Амгалан тайбанай эхин болохо Эзэн Өөрөө таанадта хододоо бүхы юумэндэ амгалан тайбаниие үршөөжэ байг лэ. Эзэн та бүхэнтэй оршожо байг лэ.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 2:11

Арюудхагша ба арюудхагдаһан бүхы хүнүүд нэгэ Эсэгэтэй. Тиимэһээ Иисүүс тэдэниие аха дүүнэрни гэжэ нэрлэхэеэ эшэдэггүй.

Еврейнүүдтэ 4:12

Бурханай үгэ амиды ба хүсэтэй юм, хоёр талаһаан хурсалуулагдаһан ямаршье эриһээ хурса. Тэрэнь һүнэһэ һүлдэ хоёрой уулзалта, бүридэл болон уураг тархи, алишье юумэн хүрэтэр хүрэдэг. Тэрэ зүрхэнэй хүсэлэн ба бодолнуудые шиидхэжэ байдаг.

Яковай хандалга 1:4

Эрхим түгэс, алишье талаһаа болбосон, дутагдал эрэмдэггүй байхын тула таанад ямаршье юумые эсэс хүрэтэрнь тэсэжэ гараха ёһотойт.

Пётрой 1-дэхи хандалга 1:2

Иисүүс Христоосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, Тэрэнэй Арюун Һүлдын ашаар арюудхагдаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.

Пётрой 2-дохи хандалга 3:14

Тиимэһээ, хайрата аха дүүнэрни, тэрэ Үдэрые хүлеэжэ байхадаа, Бурханай урда ямаршье бузаргүй, арюун сэбэр байхые, Бурхантай энхэ тайбан оршожо байхые оролдыт даа.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.

Иудын хандалга 1:24

Таанадые нүгэлдэ унахаһаатнай аршалжа, Өөрынгөө Алдарай урда тээ хирэгүй сэбэр, баяртай байлгажа шадаха,