JOSHUA 22:18 - BUKUIT NE TILIL

¹⁸ kot omaste rani eng’ kasubet ne osubi Jehovah? Ak amu kaongelelji Jehovah rani, ko mutai konerekyi inendet tuiyet komugul ne bo Israel.

Bukuit Ne Tilil

¹⁸ Ago kaomaste rani eng' kasubet ne osubi Kamuktaindet ne Toroor? Amu kaongelelji Kamuktaindet ne Toroor rani, ko mutai konereekyin ineendet tuiyet komugul ne po Israel.

BUKUIT NE TILIIL Sireet ne Dutero Kanon

¹⁸ Ago kaomaste rani eng' kasubet ne osubi Kamuktaindet ne Toroor? Amu kaongelelji Kamuktaindet ne Toroor rani, ko mutai konereekyin ineendet tuiyet komugul ne po Israel.

JOSHUA 22:18 Referencias Cruzadas

2 SAMUEL 24:1

Ak kilalyo kogeny neregekab Jehovah agobo Israel, ak king’eetyi Daudi kosich kabwatet ne ya agobo ichek, kolenji, Ui, iit Israel ak Juda.

1 LAITORINIK 9:6

Ago ngot omaste ko mata osuba, okwek anan lagokwok, amorib ng’atutikyuk ak etanutikyuk, che kiande taing’wong’, ago ngot obe oot kanamonik, ogutung’ji:

2 LAITORINIK 17:21

Amu kibut Israel eng’ gotab Daudi; ak koyai Jeroboam weritab Nebat koek laitoriat: ak kiimaas Jeroboam Israel si maisub Jehovah, ak kogochi ichek koyai tengekto ne o.

1 ATEPTAP PEETUUSYEK 21:1

Ak king’eet Setani kogirinda Israel, ak kiigochi Daudi koiit Israel.

1 ATEPTAP PEETUUSYEK 21:14

Koyokyi Jehovah anyun koroitab ng’ony Israel: ak kibek murenik elfusiek tamanwogik tisabu che bo Israel.

2 ATEPTAP PEETUUSYEK 25:27

Kichaam bik Amasia eng’ Jerusalem, koboch ngab komasta kobagakta Jehovah; ak kimwei kwo Lakis: ago kiiyokto bik kosub inendet koba Lakis, ak kobar inendet eng’ oloto.

2 ATEPTAP PEETUUSYEK 34:33

Ak kiisto Josia tuguk tugul che kiwechei eng’ emotinwek tugul che bo Israel, ak kong’at bik tugul che bo Israel kootis, koot Jehovah Kamuktaindenywa. Ma meto bichoto kosub Jehovah Kamuktaindetab kwanisiekwak, eng’ betusiekyik tugul.

ATEPTAP LAWIK 10:6

Ak kilenji Musa Aron, ak Eleasar ak Itamar, werikyik, Amat oyat metowekwok, amogerer ngoroikwok; si mobegu, si manerekyi inendet tuiyet komugul: ago ingoririo tupchosiekwok, got komugul ne bo Israel, amu mat ne kagonaam Jehovah.

KAITOSYEK 16:22

Ak kiing’urukso kot kotiiny togochikwak ng’ony ak kole, Ee Kamuktaindet, Kamuktaindet ne bo tamirmirikab bik tugul, tos inerekyini tuiyet komugul ngo yai chito agenge tengekto?

KAITOSYEK 32:15

Amu ngomaste omete inendet, kobagaktoi inendet ichek kogeny eng’ ong’atet; ak ong’em bichu tugul.

NG'ATUTIK 7:4

Amu tun imaasi wering’ung’ si maisuba, ak koot kanamonik: eng’ noto anyun kolalyo neregekab Jehovah eng’ okwek, ak kong’emin kochokyin.

JOSHUA 22:15

Ak kibwa ole mi lagokab Reuben, ak lagokab Gad, ak kebebertab bororietab Manase, eng’ emetab Gilead, ak kong’alalji kolenji,

JOSHUA 22:16

Kamwa ko u ni tuiyet komugul ne bo Jehovah, Nee chalwogi kooyachi Kamuktaindetab Israel, kot omaste rani eng’ kasubet ne osubi Jehovah amu kooteekyigei kaptisisiet, ongelelji Jehovah rani?

JOSHUA 22:20

Kima yai Akan weritab Sera chalwokto eng’ kit ne ki itabanat, ak kobutyi neregek tuiyet komugul ne bo Israel? Ak kima lus chichoto inegei eng’ tengektanyi.

JOSHUA 7:1

Ago kiyai lagokab Israel chalwokto eng’ kit ne itabanat: amu kiib Akan weritab Karmi, weritab Sabdi, weritab Sera, ne bo bororietab Juda, tuguk alak eng’ che itabanotin, ak kilalyo neregekab Jehovah agobo lagokab Israel.

JOSHUA 7:11

Kogoyai Israel tengekto; ee, kogobistoe kayomisennyu ne kiga ang’at: ee, kogoib tuguk eng’ che itabanotin; ak kogochorso, ak koberberis, ak kogonde ole mi tugukwak.

JOSHUA 7:21

kingageer eng’ tuguk che kigiluul ngoriet ne kararan ne bo Babulon, ak sekelisiek bogol aeng’ che bo feda, ak tahabu ne u chamaniet ne nyigisindanyi ko sekelisiek konom, agase miat anyun, ak aib; ak ogeero, ung’otin tukchoto eng’ ng’ony, eng’ kwenutab emainnyu, ak tabanu ng’ony feda eng’ tukchoto.

1 SAMUEL 12:14

Ngot oiywei Jehovah, ak oot inendet, ak ogas it kutinnyi, amobistoe ng’atutietab Jehovah, ak ngot oegu okwek ak laitoriat agine ne koboiywok, kasubikab Jehovah Kamuktaindeng’wong’, komieitu anyun:

1 SAMUEL 12:20

Ak kilenji Samuel bik, Amoiywei: kioyai iman yaitioni tugul: ago amomaste obagach osub Jehovah, ago oot Jehovah eng’ mugulelwekwok tugul;