JOSHUA 10:40 - BUKUIT NE TILIL

⁴⁰ Kibar anyun Josua emet tugul, emetab tulonok, ak komostab Murot ne bo Tai, ak warenget, ak chepkeigeusiek, koboto laitorinikwak tugul; ma bagakta kong’et agot agenge: kibar koges tugul che kitinyei kabuset, ko u ye king’at Jehovah Kamuktaindetab Israel.

Bukuit Ne Tilil

⁴⁰ Ki par anyun Joshua emet tugul; emetap tuloonook, komostap murot tai, warenget ak chepkeigeusyek kobooto laitorinikwak tugul. Ma pagaakta kong'et agot agenge. Ki par kogees tugul che ki tinyei kabuuset, ko uu ye ki ng'at Kamuktaindet ne Toroor, Kamuktaindetap Israel.

BUKUIT NE TILIIL Sireet ne Dutero Kanon

⁴⁰ Ki par anyun Joshua emet tugul; emetap tuloonook, komostap murot tai, warenget ak chepkeigeusyek kobooto laitorinikwak tugul. Ma pagaakta kong'et agot agenge. Ki par kogees tugul che ki tinyei kabuuset, ko uu ye ki ng'at Kamuktaindet ne Toroor, Kamuktaindetap Israel.

JOSHUA 10:40 Referencias Cruzadas

1 LAITORINIK 15:29

Ak kingo kata koek laitoriat, kobar got tugul ne bo Jeroboam; ma ituukyi Jeroboam agot agenge ne kisob, agoi kobar inendet koges: ko u mwaetab Jehovah, ne kimwa eng’ otwogindennyi Aija Silonindet:

NEEMIA 9:24

Kiba anyun lagochato ak konam emet kobunji, ak iterter eng’ tainywa bikab emonoto, choto ko ki Kananik, ak inde ichek eunekwak, koboto laitorinikwak, ak bikab emet, si koyachi ichek ko u ye machei.

TIENWOGIKAL 9:17

Weechegei kiptengeginik kobendi oldab meet, Agot bororiosiek tugul che utie Kamuktaindet.

KOMONG'U 34:12

Ripge, si meyai arorutiet ak bik che menyei emonoto iwendi, si maek mestet eng’ kwenung’wong’:

KAITOSYEK 13:17

Kiiyokto anyun Musa koba kosegei emetab Kanan; kilenji anyun bichoto, Obun oret ne wendi Murot ne bo Tai, otogoste tulonok.

NG'ATUTIK 1:7

oweege, onam bandang’wong’, ak obe emet ne bo tulonok ne bo Amorik, ak oldinwek tugul che negite oloto, eng’ Araba, eng’ emetab tulonok, ak eng’ warenget, ak eng’ komostab Murot ne bo Tai, ak eng’ ole negite ngegut, emetab Kananik, ak Lebanon, agoi ainet ne o, ainonoto ko Euprate.

NG'ATUTIK 2:34

Ak kiginam nganasokyik tugul eng’ betunoto, kiging’em nganaset age tugul ne kigimenyei, koboto kobogorisiek ak lagok; ma kimete agot agenge ne king’et:

NG'ATUTIK 7:24

Ak konde laitorinikwak euneguk, ak ibet kainenywa eng’ kureretab kipsengwet: mabiitu chi ne imuchi kotonon eng’ taing’ung’, ibare kowong’gei.

JOSHUA 10:35

ak kinam eng’ betunoto, ak kobar eng’ rotwetab chok bik tugul che kimi orit, ak kibar kogesgei eng’ betunoto ko u tugul che kiga yachi Lakis.

JOSHUA 10:37

ak kinam, ak kobar eng’ rotwetab chok, bik tugul che kimi orit; koboto laitoriandennyi, ak nganasokyik tugul, ma bagakta agot agenge, ko u tugul che kiga yachi Eglon; king’em koges, koboto bik tugul che kimi orit.

JOSHUA 10:39

ak kinam, koboto laitoriandennyi, ak nganasokyik tugul; ak kobar ichek eng’ rotwetab chok, ak kobar bik tugul che kimi orit kogesgei; ma bagakta agot agenge: ko u ye kiga yachi Hebron, koyachi Debir ko u noto, koboto laitoriandennyi; ko u ye kiga yachi Libna agine ak laitoriandennyi.

JOSHUA 11:16

Kinam anyun Josua emonoto tugul, emetab tulonok, ak Murot tugul ne bo Tai, ak emet tugul ne bo Gosen, ak warenget, ak Araba, ak emetab tulonok, ne bo Israel, ak warengetab emonoto;

JOSHUA 12:8

eng’ emetab tulonok, ak eng’ warenget, ak eng’ Araba, ak eng’ chepkeigeusiek, ak eng’ ong’atet, ak eng’ Murot ne bo Tai; Hitik, ak Amorik, ak Kananik, ak Perisik, ak Hibik, ak Jebusik:

JOSHUA 18:21

Nganasokab bororietab lagokab Benjamin ko u ortinwekwak ko ki Jeriko, Bet-hogla, ak Emek-kesis;

JOSHUA 6:17

Ak kitabanjin Jehovah nganasani, nganaset ak tugul che mi: kobate Rahab chepkugoniondonoto, ne kibagaktoi kosob, inendet ak tugul che mi gonnyi, amu kiuny bik che kigiyogu.

JOSHUA 8:2

ak iyachi Ai ak laitoriandennyi kit ne kiiyachi Jeriko ak laitoriandennyi: kobate tugukyik che kiluulei, ak tuga, che oipchinige kobunjok koek barunenik: inde bik koribisyo eng’ ole bo nganaset let.

JOSHUA 8:27

Ago kikweri Israel tuga ak barunenikab nganasanato kobunji, ko u ng’olyotab Jehovah ne kiga ng’at Josua.

JOSHUA 9:24

Ak kiwolji ichek Josua kolenji, Amu kigimwachi otwogiguk iman, ko u ye king’at Jehovah Kamuktaindeng’ung’ otwogindennyi Musa kogonok emet tugul ak kobar eng’ taing’wong’ bik tugul che menyei emoni; kigiweisie anyun mising’ agobo sobonwekyok amu okwek, keyai anyun ko u nito.